¹ Enyɔnnudaȡɛtɔ baȡawo vá izraɛl, yi nufiatɔ baȡawo lá vá mia gbɔ. Wo la kplɔ nufiafia gblégbléwo yi lé bébémé, yi wo la gbénu lé ahuétɔ tsi xléwo gbɔ. ² Amesugbɔ lá djé wo yomé, yi to wodjilɔ, wo la to enyɔn baȡa só nyatehué molɔ ŋti. ³ To nusuȡuȡu melɔ, wo la ba nuwo lé miashi to enyɔn viviwo mé.wo hoɛ sósó ŋda tsi ŋgbéo; wo gblégblé ŋda dɔn kɔlui ó ⁴ Nɛn Mawu ŋdé sɔ ké Mawu dɔlawo tsiwé wa nuvɔn, yi i sɔwo dó ahluimé lé vivitimé sɔna ehoɛ sósó yio gamé. ⁵ Nɛn ŋdé sɔ ké xixé tsi vayió, vɔ ekpɔ Nowa ta, metsi nyi amedjɔdjoɛ kudo amé amadrɛ buwo, yi i sɔ eshiȡɔȡɔ sɔ tsrɔn metsiwo ŋdé vɔn nɔn Mawu. ⁶ Yi i tsrɔn Sodom ku Gomora kudó zó shigbé kpɔȡénu nɔn ŋti djava djɔ. ⁷ Yi i ȡé Lɔt tsi nyi amédjɔdjoɛ, tsi tsanɔn ka lé métsiwo shi esé ȡékpikpi ŋdé léo, wo gbénɔnnɔn kudo wo nudjrodjrowo. ⁸ Ðo amedjɔdjoɛ xɔn tsi nɔn metsiwo ŋdé vɔn nɔn Mawu doméo lɔ, yio klá sénɔn vévi gbéshiagbé só ŋtiwo yi kpɔnɔn kudo ŋtiwo yi senɔn. ⁹ Ahuétɔ nya létsi i ȡénɔn amedjɔdjoɛ só dodokpɔ mé, yi i gbé nya letsi i la hin to nɔn amemadjɔmadjoɛ le hoɛ sósó gbe. ¹⁰ Etsi gbelé veviȡélɔ yi nyi metsiwo zɔn nɔn lé ŋtilan yio djrodjro baȡa mé yi wo donɔn vlo atsɛkpakpawo,wo djenɔn wo ȡokuiwo nu kudo wo manɔn nukpɔnɔn,wo ŋdé vɔnɔn busu nyɔn toto só ŋtikɔkoéwo ŋtio. ¹¹ Mawu dɔlawo ȡó ŋsɛn kudo awuyaya sɔ wu amegbetɔwo,vɔ wo ŋdé sɔnɔn hoɛsósó zungbétɔ ȡó woŋti le Ahuétɔ lɔ yio ŋméo. ¹² Vɔ elan maɖo susu xɔn wo lɔ wo ɖo wo nin nin yi la sɔ wo agbe agbe wo.Wo ŋde nyan enu zɔnkɔ ole.Wo la va gbleo. ¹³ Wo la tufin non wo to enu gblegble wo tɔwo mɛ. Wo la non agbe djidjɔɛ tɔ le ŋkekeɛmɛ;wo la gble yi la xodji.Wo la vo le amɛ bleble wo tɔmɛ yi la nyɔn le gbazamɛ ku mi. ¹⁴ Ŋkuvi wotɔ eɖɔ ku nyɔnu hashiwatɔ yi enu vui ŋde sunwo gbeɖeo . Wo nu non ekla yi ŋde ɖo ŋsin be nin kpɔyɛodo le enu gblegble wawa womɛ yi edji wotɔ eɖo ku enu djrodjeo xɔn yi nyi evi nudotɔ. ¹⁵ Wo gbe emɔn djɔdjɔɛ lɔ. Wo bu mɔn yi kplɔBalaam evi Beor tɔ tsi lɔn fintu madjɔ madjɔ tɔ. ¹⁶ Vɔ etrɔ xɔ enuvui yetɔ; esɔ kɛtɛ non nuxo maxotɔ xonuxo ku egbe agbetɔ tɔ yi ɖo vɔvɔ non nyɔnutɔ makɔ makɔ. ¹⁷ Amɛ xɔnwo le shibe tɔgba tsi nin min eshi ŋde leo xa.Wo tsi shibe lilipko tsi aya huzuhuzutɔ nyan wonɛn; yi vivitsi ɖeka le te kpo wo. ¹⁸ Wo le nuxu xokɔ ku egoyiyi gbalo.To enu djrodjro gbazatɔmɛ eto non amɛ tsi wɛ dji la shi wo be amɛ tsi wɛ le agbe le bubumɛ ke. ¹⁹ Enawo djiɖeɖe vovotɔ; vɔ wotɔwo nyi kannunmɔn non ezannun ɖuɖu.Ɖo meɖeka nyi kannumɔn non ŋtsi le kliklikɔ le mɛ. ²⁰ Ɖo amɛɖe kpekpi tsi shi non ezannu ɖuɖu xixeɛtɔ to enu nyannyan axuetɔ ku xɔnamɛtɔ jesu klisto mɛ lɔ yi gbe trɔyi ezannu ɖuɖu gbɔlɔ agbe non non yetɔ evegɔnlɔ la nyɔn u ŋkɔtɔ. ²¹ Ela nyɔn nyi sɔhu be ŋda djeshi emɔn djɔdjɔɛlɔ; yi la gbe va trɔ so gbeta kɔkɔɛ tsi wo nin mɛ. ²² Elogbe xɔn nyɔn non wotsan.Avuɔn gbe trɔ yi enu tsi tru gbɔ. Eha leshi gbe trɔ yi babamɛ.