¹ Migbe enu gblegblewo keŋkeŋ djo le miagbe mɛ tsiwo yi nyi: nusukaka enu huanhuan kudo amɛ nugblegble. ² Shigbe vifɛnwo nɛnɛ lɔ mina gbɔgbɔ yio anɔshi tsi wode tɔ eshi olɔ adromi veviɖe yi nɔmi nɔ anɔ lɔ nuashin ɖo dji nɔ ya xɔmi ɖo agbe. ³ Mawu nyɔn to nɔmi be miwo ŋtɔ mikpɔ letsi afetɔ kɔ adomɛ ɖonɔmi. ⁴ Eyɛ ŋtsi lɔ mite va afetɔ gbɔ; yi nyi ekpe agbeagbe tsi amɛwo gbe yi va trɔzun zogoddji kpe exɔ ashi le mawu gbɔ. ⁵ Miwo tsan mile shigbe ekpe agbeagbe xa nɛnɛ eyɛ ŋtsi misɔ miaɖekui sɔ wa gbedoxɔ exɔ tsi mɛ mitrɔ zun enunɔ la we kɔkɔɛ wole yi Yesu klisto dji asa avɔ gbɔngbɔnmɛ tɔ wo tsi la nyɔ nɔ Mawu. ⁶ Woŋlɛn ɖo Mawu nyɔ lɔ mɛ be mikpɔɖa ŋle zogodji kpe tsiatsi xɔashi sɔ dogu ɖo zion. Amɛɖe kpokpui tsi la xɔɛ dji se lɔ ŋdaɖu ŋkpɛno. ⁷ Bubu yi nyi amɛtsi woyi xɔɛse wotɔ ekpe tsi exɔtutɔwo gbe lɔ yi trɔ zun zogo dji kpe. ⁸ Mawu nyɔn bu tsan to be enyi ekpe tsi ŋtsi wola kli afɔ ɖo adje anyi wola djeanyi ɖo wo ŋde xɔ enyɔn lɔ dji seo; mawu ŋtɔ yi sɔɛ ɖo anyi nɛnɛ nɔwo. ⁹ Miwo lɔ mi nyi akɔta tsi yi nyi wo tsan shigbe dukɔn kɔkɔɛ ; akɔta tsi yi nyi Mawu ŋtɔ tɔ yi mi nyi. Mawu tsian mi nɔ miasɔ enyɔn amɛtsi yɔ mi so vivitsimɛ va kɛnklɛn yetɔ tsi wanɔn enu kpatsa non yanɔ mi kpatsakɔ. ¹⁰ Gaɖewomɛ va yi lɔ mi ŋde nyi akɔta Mawu tɔ vɔ fifiɛ lɔ mi trɔzun akɔta yetɔ. Mawu ŋde ku nushinshin nɔmi sa o vɔ fifiɛ lɔ eku enushinshin nɔ mi. ¹¹ Lɔnlɔn tɔ wo miɔwo tsi yi amɛ drowo yi gbe nyi emɔ zɔntɔ wo miɖu mia dekiwo dji leenu dro amɛ tsiwo yi wa nɔ ahua kudo eklan miatɔ. ¹² Miɖo nɔnɔmɛ nyi ɖaɖa maxɔ senɔwo gbɔ yi nɔ wo xonuxo baɖawo so mia ŋtsi lɔ wakpɔ enu djɔdjɔɛ miatɔ asɔ kafu Mawu yi gbeɖeka lɔ wava dji mikpɔ. ¹³ Mi se tonu nɔ ese tsi ega agbetɔ wotɔ sɔ daɖɛ ɖo afetɔ ŋtsi; ¹⁴ nɛnɛke lɔ mise etonu nɔ ega tsi wo yi le mikplɔ kɔ wo nɔ wogbedɔn eto nɔmi shigbe enu gblegble wotɔwo nɛnɛ nɔn wa sɔ kanfu enu yui wotɔ wo tsan. ¹⁵ Ɖo Mawu yio dro yi nyi be wawa enu nyui nɔ enu manyɔn tɔ wo suku aze nɔn woŋgbe kpɔ enyɔn ɖe agbenu be so mia ŋtsio. ¹⁶ Shigbe amɛ vovo wo xa nɛnɛ;yi mi gbe sɔ vovo tsi mikpɔ lɔ sɔ wa enu baɖawo. Vɔ lɔ mi nɔn agbe shigbe Mawuvi vovotɔ xa nɛnɛ. ¹⁷ Mido bubu amɔnwo ŋtsi mi lɔn mia nɔnvi xɔsetɔwo keŋkeŋ mivɔn Mawu yi miagbe sɔ bubu asɔ efiɔ gan lɔ. ¹⁸ Subɔviwo mi bɔbɔ miaɖeki nɔn mia xuetɔwo le enuwokekeŋ mɛ ŋde nyi nɔn amɛ nyiwo kpo vɔ nɔn amɛ baɖa wo tsan ¹⁹ anyɔnɔn amɛ ɖe le veve seɔ le enu gblegble tsi ŋde wa ŋtsi o lɔ Mawu kpɔnɔn djidjɔɛ so amɛ lɔ ŋtsi. ²⁰ Nɔn amɛɖe wo nu gblegble yi woxui ɖo ɖe kanfu kanfu ŋde yi nyi nɔn mi? vɔ nɔn miwo enu nyui yi woxo mi ɖoyɛ dji yi mido edjilɔ Mawu la kpɔ djidjɔɛ so mia ŋtsi. ²¹ Enu nyui wawa ŋtsi Mawu yɔ mi va ɖo klisto xan kpe fun ɖo miaŋtsi yi sɔ kpɔwuɛ yetɔ sɔ daɖɛ nɔmi yi mi la ɖo afɔ afɔnudo yetɔ mɛ. ²² Klristo ŋde wa enu vɔn kpɔ yi ŋde ble amɛ ɖɛ kpɔ tsan o. ²³ Tsi wo zui lɔ ŋde zun amɛ o vɔ lɔ edo edji ɖo Mawu tsi ɖo nɔn kodjo djɔdjɔɛ ŋtsi. ²⁴ Klristo sɔ enugbegble sɔ daɖo yeŋtɔ ɖeki dji le atsi ŋtsi nɔn tsi miku le enu gbegble mɛlɔ mia nɔn agbe le enu yi wosɔ alo tsi wodui lɔ sɔ yɔ edɔ nɔmi. ²⁵ Le nyawo toto mɛ lɔ mibu emɔn shigbe alɛngbɔvi wo xa nɛnɛ ke fifiɛlɔ mitrɔ va eklan miatɔ yio kplɔtɔ kudo ŋzɔn nɔntɔ lɔ gbɔ.