¹ Woma tsɛ so enyɛ Piyɛ tsi yi nyi amɛ dɔdɔ nɔn Yesu klisto tɔ. Ŋle enu tsɛ ŋlɛnkɔ ɖaɖa mi miwo amɛ tsiantsian mawu tɔ tsi wo yi kaka djoyi Pont, Galatie, Cappadoce, Asie ku Bithynie nukan wo mɛ, ² wotiŋ tsian mi shigbe letsi mawu tsi yi miatɔ sɔ to etonu sese nɔn Yesu klisto yio ehun kɔkɔ ɖɛ mɛ, non amɛnuveve yetɔ anɔn kudo mi yi yi fafa yetɔ asugbɔ le miadji. ³ Non mawu tsi nyi etɔ nɔn Yesu klisto mia tɔ kpɔ yayra! to enu shinshin kukunɔn amɛ yetɔ lɔ mɛ. Enan tɔtrɔ dji yeye mi tsi wofɔn Yesu so amɛ kukuwomɛ tsi na esɔ mɛ kpɔkpɔ mi. ⁴ Esɔmɛ kpɔkpɔ tsi ŋde kunɔn ŋde gblenɔn o wosɔ ehuɔn daɖɛ nɔn mile mawu gbɔ. ⁵ Wo sɔ alɔ tsɔn miadji to mawu o ŋsin mɛ. To xose tsi na agbe le ŋkekekpɛtɛwomɛ. ⁶ Mikpɔ djidjɔɛ so enyɔn xɔn ŋtsi,ŋtsi non yi djidjɔɛ kpɔkpɔ miatɔ texue ŋde gbe djidji olɔ mi la ɖu aya le dodokpɔ vovowomɛ. ⁷ Non wo akpɔ be xɔse akuaku le miashi mɛ, gahɔnmɛ lɔ wo axɔ shika tsi ŋde gblenonwo yiwode to le ezomɛ nɛnɛke wo la do mia xɔse tsan kpɔ to ezomɛ non kafu mi akɔmi sɔyi edji agbe sɔ bubu sɔ na mi non Yesu lava le gbexɔngbe. ⁸ Tsi mi ŋde kpɔɛo tsan lɔ mi lɔnin gatsimɛ mi ŋdele kpɔɛ fifiɛ o tsan mixɔɛ dji se yi mia ŋkuvi ɖoɖo miatɔ wugan nunu. ⁹ Letsi mixɔɛ djise ɖo lɔ enabe eklan miatɔ tsi agbe. ¹⁰ Agbe zɔzɔ kudo amɛnuveve tsi wosɔ daɖɛ nonmi nɔn miadji enugɔmɛ tsitotsito tsi laxɔ miɖo agbe le enyɔn nudaɖɛtɔ tɔwo mɛ. ¹¹ Shigbe letsi wole enyɔ nukɔ daɖɛ so Yesu yio fuɔnkpekpemɛ ŋtsi kudo ŋtsi kɔkɔɛ tsi lava woŋgbedemɛ wogbe dji tsan be yewo anyan gatsimɛ klisto yio gbɔgbɔ woanɔ edɔ ɖo. ¹² Mawu ɖe enu sɔ fia yio enyo nu daɖɛtɔ be ŋde wo ŋtɔ ɖeɖe subɔ kɔ woleo vɔnɔ miwo ŋtɔ tsan.Wo xonuxo so amɛ tsi wo yi le mawu lɔ drakɔ; nɔ mi fifiɛ to gbɔgbɔ kɔkɔɛ tsi yi so djipo va.Mawu dɔla wo ŋtɔ tsan dji be yewo anyan so enu tsi va djɔ lɔ ŋtsi gbɔ xue. ¹³ Yi ŋtsi lɔ mi ezan ŋte ale bonɔn mia ɖekiwo nyuiɖe anɔ emɔ kpɔ nɔ letsi Mawu lava ve mianu ɖo nɔn Yesu klisto trɔva. ¹⁴ Shigbe evi setonu wo nɛnɛ lɔ migbe nan edroamɛ tsiwo yi ɖunɔ miadji sɔle enu manyanmanyan ŋtsi mɛ lɔ aɖo ŋsɛn ɖo miadji fifiɛ o. ¹⁵ Amɛtsi yɔ miva lɔ nyi amɛkɔkɔɛ. Yi ŋtsi ele non miwo tsan be nuanɔ kɔkɔɛ le mia nu woawoa wokeŋkeŋ mɛ. ¹⁶ Ɖo lɔ woŋlɛ daɖɛ ɖo mawu nyɔ lɔ mɛ be minɔ kɔkɔɛ ɖolɔ nyɛ tsan ŋle kɔkɔɛ. ¹⁷ Nɔn mi yɔ mawu tsi ŋde kpɔnɔ amɛ ŋkuvi dji gbɔxue yi sonɔ kodjo djɔdjɔɛ nɔ amɛ siamɛ le edɔ woawoa amɛ ɖeka ɖeka nɔ ŋtsio ele nɔ mi be nɔ mi le gbedoɖa wakɔ nyi lɔ miavɔn nyi le mia nu wawa wo mɛ. Ɖo amɛ djro mi nyi. ¹⁸ Minyan nyuiɖe be ŋde shika alo klosalo tsi gblenɔ yi wosɔ xluemi alo sɔɖemi so nɔnɔmɛ mana ale tsi mia tɔ gbuiwo sɔ fiamio. ¹⁹ Sɔto lɛngbɔvi sɔgbe blebu yi wosɔ nam xa nɛnɛ. ²⁰ Mawu tsia Yesu sɔ daɖɛ gbɔxue va wa xixeɛ lɔ . Yi sɔ dasa nɔmi le ŋkeke kpɛtɛwo mɛ le mia ŋtsi. ²¹ To eyɛ dji lɔ miva xɔ Mawu tsi fui ɖote so amɛ kukuwo domɛ yi wonui texue bubutɔ nyi yi vaxɔ Mawu dji se sɔle emɔ kpɔ nyi. ²² Tsi mise nyawo totoɔ lɔ mito enyɔ lɔ mɛ sɔ klɔ mia ɖeki ŋtsi nɔ yewo alɔn yewo nɔnviwo le nyawototo mɛ yi enyɔn be mia lɔn nɔnviwo so edji blublu mɛ. ²³ Wotrɔ mi dji vɔ ŋde nyi agbetɔ tsi kunɔ gbɔ wodji mile to Mawu wonyɔn tsi yi le agbe tɛgbɛ tɛgbɛ lɔ mɛyɔ. ²⁴ Mawu nyɔ lɔ tobe agbetɔwo keŋkeŋ leshigbe ama xa nɛnɛ yi atsɔ ɖoɖo wotɔ le shigbe ese xoxo xa nɛnɛ egbe xunɔ yi ese xoxo yetɔ wo rlɛnɔn. ²⁵ Ke Mawu nyɔ le li tɛgbɛ tɛgbɛ enyɔn tsɛ yi nyi adodui tsi woto nɔmi.