¹ Chuna cho Puchina wanilh Moisés: kalakgpi Faraón chu kawani, wa Puchina, XDios xla Hebreos, la uma wán: Kamakgxtakgti ka alh kin pulataman xpalakata nakinkaknikgoy. ² Par wix ni nakamakgxtakga na ankgoy, par wix nalakaskina natamakgxtakgnikgoyan, ³ chuna cho xmakan Puchina naslakga min wakax chu min kawayo, axno, lanka kitsistankanin, kgalhnilos chu natatatlakgoy. ⁴ Puchina nichuna kitikatlhawanilh xkitsistankanin Israel, la nakatlawani xla egipcios: nitankstum xkitsistankan Israelitas naniy. ⁵ Puchina lajkaxtlhawanita akgtum kilhtamaku; Xlá wán: "Chali akit chuna la ama nak tlhaway nak katiyatni". ⁶ Puchina la uma tlawalh xlichali: putum xkitsistanka egipcios nikgolh. Chu nitantum xkitsistankan israelitas nikgolh, ni tantum kitsistankan. ⁷ Faraón makgalhskininalh, chu, katsil pi ni tantum xkitsistanka israelitas nilh. Wata chu xnaku xatsakat, chu ni kamakgxtakglhi na ankgoy kachikin ⁸ Chuna cho Puchina wanilh Moisés chu Aarón: Kalitiya mi makan nak horno akgtsu lhkaka. Wix, Moisés, na spulh makgosoya lhkaka lata Faraón akxilhman. ⁹ Uma nawankgoy xasmatanka pokgxne nak xlikalanka xtiyat Egipto. Uma nakamatsitsiy latamanin chu kitsistankan nak xlikalanka xtiyat Egipto. ¹⁰ Chuna cho Moisés chu Aarón tiyakgolh nak horno lhkaka chu tayakgolh nak xlakatin Faraón. Chuna cho Moisés spulh makgosolh lhkaka. Wa lhkaka kamatsistilh latamanin chu kitsistankan. ¹¹ Wa skuyunanin nilay xmakgatlajakgoy Moisés xpalakata tsitsi, xpalakata tsitsi xkaslakgnit chu nachuna amakgapitsin egipcios. ¹² Puchina mapalhipa xnaku Faraón, chuna cho Faraón ni kgalakgaxmatli Moisés chu Aarón. Wa la uma Puchina xwaninita Moisés pi Faraón chuna xama likatsiy ¹³ Chuna cho Puchina wanilh Moisés: Chali lu tsisa kataki, chu kalakgpi Faraón, chu la uma kawani: Wa Puchina, XDios Hebreos, la uma wán: Kamakgxtakgti kin kachikin xpalakata ka ankgolh chu kakinkaknikgolh. ¹⁴ Uma tumimacha kilhtamaku akit najkamakaniyan putum liakgastakyawan miakgspun , chu xakgspun milakskujnin chu xakgspun min kachikin. Akit chuna la uma naktlaway xpalakata wix nakatsiya pi ni ati la akit xlikalanka katiyatni. ¹⁵ La uma puntsu, akit lhan xakstonkglhe ki makan chu xajkamatatalhin wix chu min pulataman, chu xakmalakgsputun nak jkatiyatni ¹⁶ Wa uma xpalakata pi akit kmastalh talakaskin wix nalatapaya: Xpalakata akin nak masiniyan kililhewekge, xpalakata kin tukuwini xtalichiwinalh nak xlikalanka katiyatni. ¹⁷ Wix lakatokapatku xlakatin kin pulataman chu nikamakgxtakgputuna na ankgoy. ¹⁸ ¡Kakgaxpati! Chali, la uma makglit kilhtamaku, akit nak limin akgtum lanka cen xla chajat, la niakxni ta akxilhnit nak Egipto, lata ama kilhmaku lata tsukulh chu la uku. ¹⁹ Chuna cho, kakamakapi tachixkuitat chu kakamastokgti min kitsistankan, chu putum kitsistankan nikuma lamakgocha nak jkakiwin chu kakalipi niku lhan natatsejkgoy. Putum tachixkuitat chu kitsistankan tiku natamakgxtajkgoy nak jkakiwin chu ni nakaliminkan nak chiki, chajat nakaktala, chu nanikgoy. ²⁰ Chuna cho amakgolh kskujnin Faraón tiku kanalakgolh xmakatsinin Puchina lakapala liminkgolh xtasakuakan chu xkitsistankan nak xchijkan. ²¹ Chu amakgolh tiku ni kanalakgolh xtachiwin Puchina makgxtajkgolh xlakskujnin chu xkitsistankan nak jkakiwin. ²² Chuna cho Puchina wanilh Moisés: kalitapakgayawa mi makan nak akgapun xpalakata natakta chajat nak xlikalanka xtiyat Egipto, xakgstin latamanin, xakgstin kitsistankan chu xakgstin tachanan chu kakiwin nak xkatiyatni Egipto. ²³ Moisés litapakgayawalh xlixtokgo nak akgapun, chu Puchina makalh jilí, chajat, chu makglipní nak tiyat. Xlá na masenanilh chajat nak xkatiyatni Egipto. ²⁴ Chuna cho taktalh chajat chu makglipni, lu snun, la ni akxni xtitaxtunit nak xtiyat Egipto lata xla takaxtáwi la pulataman. ²⁵ Nak xlikalanka xtiyat Egipto, chajat lu snun taktacha nak jkakiwin, lakchixkuin chu kitsistankan. Lu liskan kaktamacha tachanan nak jkakiwin chu kalakgskgalh kiwi. ²⁶ nak xkatiyatni Gosén, anta nix tawilanalh israelitas, ni taktalh chajat. ²⁷ Chuna cho Faraón kamakalh tachixkuitat na tasanikgoy Moisés chu Aarón. Xla kawanilh: "Akit kmakglakgalhinanit. Wa Puchina akgstitum, chu akit chu kintapulataman makglakgalhinanin. ²⁸ Katachiwinanti Puchina, wa uma chajat chu makglipni lhuwaxnin. Akit naj kamakgxtakgan, chu wixin yalh kakitamakgxtakgtit unu. ²⁹ Moises wanilh: Lata akit nak makgxtaka kachikin, akit nakstonkgni kimakan Puchina. Makglipni natachokgo, chu yalh kitianalh chajat. La uma wix nakatsiya piwa katiyatni wa xla Puchina. ³⁰ Chu wa wix chu milakskujnin, akit jkatsi pi wixin ni kakniyatit Puchina Dios. ³¹ Lachu, makgapitsin tachanan laklakgolh xtawakat. ³² Chu amakgapitsin tachanan ni laklakgolh xpalakata lakgskataku xwankgonit chu xatlan stajkgolh. ³³ Lata Moisés makgxtakglhi Faraón chu kachikin, xla stonkgnilh xmakan Puchina; chu makglipni chu chajat tachokgokgolh, chu cen na tachokgolh. ³⁴ Lata Faraón akxilhi pi wa cen, chajat chu makglipni tachokgokgolh, xla makglakgalhinanpa chu mapalhipa xnaku, nachuna xlakskujnin. ³⁵ Xnaku Faraón xpalhanit, chuna chu xla nikamakgxtakglhi xkachikin Israel. Wa la uma Puchina xwaninita Moisés pi wa Faraón chuna xama likatsiy.