¹ Wa Puchiná wanilh Moisés: "kalhakpi Faraón, wa chanchu kmapalhinit xnakú nachuná xnakukgan ti xlhakskujnin. Chuná nchu ktlaunith lhatá xlha nahukxilhakgoy lhimasiyun ki lhimakgatleuke xlhakstipanin. ² Nachuná nchu ktlaunith lhatá wixinan tlan nalhixakgatliyatit minkgamanan nachuná min tanathkan, lhiputum tu ktlaunith, lhatá tu kgatlawninit Egipto nachuná lhatá kamasininit lhuwá lhiuxilhtin lhatá kgalhiy kilhimakatliweke. Lhaki chunmá wix nalhikatsiyá pi akit Puchiná. ³ Wa chanchú Moises nachuná Aarón talhakalh Faraón chu wanikgolh: "Wa amá Puchiná, xPuchiná Hebreos, chunej wan: ¿aklhu kilhtamakú natitaxtuy xpalhakgata wix nakilhaktatsokgostayá? Kamaxí talhakaskin kin kachikin nataxtuy lhatá xlha tlhan na kintamatlankiy. ⁴ Wacha chu palá wix ni namaxkiyá talhakaskin kinkachikin lhatá xlha nataxtuy, kakgaxpatí chalí nakmakgamin xtukí nak mi pulhataman. ⁵ Chu xlha nalhitatsamay katitná lhatá nitiku tlan naukxá katiyatní. Nawakgoy putum ntu x'akgataxtum akxní minit chajath. Wa xlha amakgolh na nataway lhiputum kiwi ntu makgalhayatit minpukúxtu. ⁶ Wa xlha nalhitatsamay minchik, xlha mi lhakskujní nachuná xlhiputum egipcios, wa umá tu na kahokgspulhayan nitikú ha uxilhkgoy, ni min tlatí ni min papa', nitu xtachun tu mincha kilhtamakú katasinit anta unú katuxawat." Alistalh Moisés alh, tapanunilh Faraón. ⁷ Xlha ksujnanín Faraón wanikgolh: "¿Lhaku aklhit kilhtamakú amá chixku nak kinkatalhamaklhuwiyan? Kakamakgapitá amá Israelitas lhata xlha namatlhankikhoy xPuchinakan. ¿Ni ha akgataksá pi Egipto lhaklhatolhkgonitá? ⁸ Moisés nachuná Aarón kgalhiminpalakga xlhakatin Faraón, wa kawanilh: "'kapitit, kamatlhankitit min Puchinákan. ¿tukúya kachikin nahán? ⁹ Moisés kalhtinalh: "na kinkatahanan nti kajku lhakausan nachuná ti kilhakgolhon, nachuná kilhakgausakan chu kilhaktsumajankgan. Nakgalhenaw xlhiputum kintakalhinkan, wacha nchu na tlawniyá lhanka tapaxawan ki Puchinákan." ¹⁰ Faraón kakgalhtilh: "Wa Puchiná kakgatatawlhan, akxní palhá namin kilhtamakú nakgamakanan wixinan, nachuná mi lhakskatankgan. Kaukxílhtith pi nitlan xtalhakapastaknikan. ¹¹ ¡Nichuná! kaj man lhakchixkuwín kakalhakstipatanun, chu kalhakachixkiwuitih mi Puchinákan, wa umá ntu wixinan lhakaskinatith." Alhístalh Moisés chu Aarón katamakgxtulh xlhakatin Faraón. ¹² Alhístalh Puchiná wanilh Moisés: "kastonkti mi makgan x'okspun xkatiyatní Egipto lathá nathamin xtuki, lhatá xlha namalhanakgoy lhiputum xkatiyatní Egipto nachuná xlha natawakgoy putum tachanan, putum tu amá chajath makgtakgolh. ¹³ Moisés stonklhí xlhixtokgo x'okspun xkatiyatní Egipto chu Puchiná makgamilh hún tu minchá antaní pulhá chichiní lhiputum x'okgpun tamá kilhtamakú nachuná lhiputum tsisní. Akxní xkgakgachá tamá hún tu minachá antaní pulhá chichiní lhimilh xtukí. ¹⁴ amakgolh xtukí lhitatsamakgolh putúm xkatiyatní Egipto chu makapasikgolh putum xpulhatamankgan. Ni makstum chuná makxtum min xtukí nak katiyatní nachuná chu nej makstum chunej natimimpalhay alhistalh. ¹⁵ Lhitatsamakgolh putum katiyatní lhatá tsisni-katasiy. Wa xlha tawakgolh putum tachanan xa lha katiyatní nachuná putum ntu tawkath kalhi tachanan tu makgxtaknit chajat. Ljiputum xkatiyatní Egipto ni tu tamakxtakglhí tachanan, ni palhá kiwi nachuna xtu lhikuxtuth. ¹⁶ Alhístalh Faraón lhakapalha katasanilh Moisés chu Aarón kawanilh: ''Akith maklhakalhinalh min Puchiná nachuná min palhakgatakgan. ¹⁷ Lhanchú chu, kakimatsankeni kin talhakgalhín chu kgakilhapalhakaskiuw xlhakatin min Puchiná lhatá xlha nakilhakmaxtuy humá lhinín." ¹⁸ Wa chan chú Moisés tapanunilh Faraón nachuná nchu palhakaskilh. ¹⁹ Puchiná makgamilh hún tu minchá antaní tzankgay chichiní wua nchú sackgolh putum amá xtukí chu kalhenkgolh nak pupunú tu xlhitapakuwi Rojo; ni palhá tantúm xtukí tamakgxtaklhi nak xputawuilh Egipto. ²⁰ Wa chanchu Puchiná mapalhinilh xnakú amá Faraón, nachuná amá Faraón ni kamaxkilh talhakaskin natataxtuy Israelitas. ²¹ Alhistalh Puchiná wanilh Moises: "kastonkmakgapí mi makgan nak akgapun lhatá nakgapukswanan x'okspun xkatiyatní Egipto, kgapukswan ntu natamaklhkatsí." ²² Moisés stonmakgalh xmakgan nak akgapun chu tamakgatsilh pi xkatsiswamá, katsiswalh aktutu kilhtamakú lhiputum xkatiyatní Egipto. ²³ Niti tlhan x'uxilha: nitikú taxtulh aktutu kilhtamakú xchikí. Nachuná nchu xlhiputum Israelitas xtakgalhí xkakanath antaní xtawlhanalh. ²⁴ Faraón tasanilh Moisés chu wanilh: "kapith malhankiyá Puchiná. Nachuná nti mintalhilhakapasní na tlhan natapína, wa chanchu mi xlhiputum mintakgalhinkgan nathamakxtakgoy. ²⁵ Wa chanchú Moisés wanilh: "Wix tlan nakilhamaxkhiyá takgalhin ntu tlan nakj lhitalhakgakilhputayaw chu tu tlan nakglhkuyniyá amá kin Puchinakan. ²⁶ Putum kintakgalhinkan nakinkgatahanan; ni palá kgantum makasín natamakgtakgachá, wa chanchu akinan naktiyaw lhatá tlan nak lhimatlankiyaw kin Puchinakan. Wa chan chú akinan ni katsiyá tu tlhan naklhimatlankiyaw Puchiná, sta kxnik nak chanaú antá. ²⁷ wa chanchú Puchiná mapalhinilh xnakú Faraón chuná nchu ni kamaxkilh talhakaskin tlhan nahankgoy. ²⁸ Faraón wanilh Moisés: "¡kgakintapanuní! kakintamaktakgalhni, nej maktum nakilhakokxá, akxní wix nakilhakgoxpalhay, na niyá.'' ²⁹ Moisés wanilh: ''Wix, chiwinanita. Akit nej maktum ktilhakgoxní'.'