¹ Puchiná wanilh Moisés:kaukxilhti, wix la dios nalitaxtuya xlakatin Faraón. Aarón , mintala, wa mi akgchiwina nawán. ² wix nawana xlipaks tu naklimapeksiyan, Aarón mintalá na tachiwinan Faraón laki pi na kamaxkiy talakaskin na taxtukgoy nak xtiyat kachikin Israel. ³ wampi akit nak mapalhiniy xnaku Faraón chu akit nak masiyuniy lhuwa limakatsinin chu lhuwa lilakawan, nak xtiyat Egipto. ⁴ wampi Faraon ni katikgaxmatnin , nakuiliy kimakan nak xakgstipun Egipto chu nakatamakaxtuy tachixkuwitat ti katsikgoy talatlawanankggoy, kinkachikin, wa ti xkiltsukut Israel, nakatamakaxtuy nak xtiyat Egipto, xtapaks lantlanka akgastakyaway ⁵ Egipcios nakatsikgoy pi akit Puchiná akxni nakamataxtuka kimakán nak Egipto chu nakatamakxtuy Israelitas xlakgstipankan ⁶ Moisés chu Aarón chuná tlawakgolh, xlakán tlawakgolh chuná la kalimapekgsilh Puchiná. ⁷ Moisés xkgalhiy tatipuxam kata chu Aarón xkgalhiy tatipuxamatutu kata akxni ankgolh tachiwinankgoy Faraón ⁸ Puchiná wanilh Moisés chu Aarón ⁹ akxni Faraón nakawaniyán: katlawatit aktum likakni, wix nawaniya Aarón: kachipa minkiwi chu ka makgosu xlakatin Faraón, laki pi luwa nawán. ¹⁰ Moisés chu Aarón lakgankgolh Faraón, chu xlakán tlawakgolh la xkalimapekgsinit Puchiná. Aarón makgosulh xkiwi xlakatin Faraón chu xlakskujni, ama kiwi luwa litaxtulh ¹¹ nachuna Faraón katasanilh lakgskgalalan chixkuwin chu skgoynunín. nachuna tlawakgolh maklakaskinkgolh xliskgoyunkan. ¹² chatunu, chatunu makgosulh xkiwi, chu xkiwikan na luwa tawa. wampi xkiwi Aarón kakgotwakgolh ama luwa. ¹³ Faraón tapalhilh xnaku chu ni kgaxmatli, chuna la xchiwinanit Puchiná. ¹⁴ Puchiná wanilh Moisés: mapalhilh xnaku Faraón, nikamakgaxtekgputun kinkachikin. ¹⁵ puntsiza nalakgpina Faraón akxni an kchuchut. Nak xkilhtun kgalhtuchokgo natayaya natatanokglha, kalipi minkiwi wa tu luwa xwanit. 16 kawani: Puchiná, xDioskan hebreos, kimakaminit laki pi nakuaniyan: kamakgaxtekgti kinkachikin, laki pi nakilakgatakilhputay nak xa kaskajni tiyat, hasta lanchiyu ni kgaxpata ¹⁶ Puchiná la uma wan: uma na li akgatakgsa pi aki Puchiná. akit nak lilakgsnokga kin kiwi chuchut xalak kgaltuchokgo ¹⁷ Nilo chu uma chuchut na kgalhnilay. ¹⁸ skiti tu tajuma kgalhtuchokgo nanikgoy chu kgalhtuchokgo napuksan. Tachixkuwitat xalak Egipto nilay katitalikgotnulh chuchut xalak kgalhtuchokgo. ¹⁹ chan chu Puchiná wanilh Moisés: "la uma kawani Aarón: kachipa min kiwi kalimakapi tani wilakgolh chuchut nak Egipto, tani wi kgalhtuchokgo, puxkga, tani puwaxwilikanit chuchut, tani chekglh wi chuchut, laki pi kgalhni nawan. chuna katlawa laki pi natalakgatumi kgalhni xlikatlanka xtiyat Egipto, nachuna xlipaks chuchut tu kamastokgkanit." ²⁰ Moisés chu Aarón tlawakgolh chuna la kalimapekgsilh Puchiná. Aarón chaxli xkiwi chu snokgli chuchut xalak kgalhtuchokgo, xlakatin Faraón chu xlakskujnin. xlipaks chuchut xalak kgalhtuchokgo kgalhnilalh. ²¹ skiti xalak kgalhtuchokgo nikgolh chu kgalhtuchokgo tzukulh puksan. Egipcios nialh lay talikgotnulh chuchut xalak kgalhtuchokgo chu kgalhni talakgatumilh xlikatlanka xtiyat Egipto. ²² wampi skgoynunin xalak Egipto nachuna litlawakgolh xliskgoyunkan, chuna chu Faraón mapalhipa xnaku chu ni lakgachixkuwilh Moisés chu Aarón, chuna la tiwa Puchina pi nalay. ²³ chuna chu Faraón taspitli chu alh nak xchiki. Ni tsinu tlawanilh kuenta wa tu lalh. ²⁴ Tachixkuwitat xalak Egipto puwaxnankgolh xkilhpan kgalhtuchokgo laki pi nalikgotnunkgoy xchuchut, wampi xlakan nialh lay xmakutokgoy chuchut nak kgalhtuchokgo. ²⁵ akgtujun kilhtamakú titaxtulh lata Puchiná akgastakyawalh kgalhtuchokgo.