¹ Xa spupuku, xa smantajwa, chu lhakgat tu lu xaspinini xlakán li tlawakgolh talhakgan xa tatsapa laki pi namaklakaskinkan nak pukgalhtawkga. Xlakán tlawakgolh klhakgat Aarón tu namaklaskín anta ni lu xakasantujlani, chuná la Puchiná xlimapekgsinit Moisés. ² Bezaleel tlawa klhakgat palijni tu la lakatitawka xla oro, xa spupuku, xa smantajwa, chu lhakgat xa spinini chu lhakgat xa kunchilhi. ³ Xlakán laktalakgolh xastakaka likan xa oro chu laktizu chukukgolh laki na chiwakakgoy nak xa spupuku, smantajwa, spinini chu nak xa tlan lhakgat, uma xtaskujut xla ti lu skulujwa chu skgalala. ⁴ xlakán tlawakgolh xpekgxtún klhakgat palijni, tsapatistuk'kgolh xokgstanin. ⁵ xtampulakgtawilh xa palha lhakgat, maktuma tlawakalh ,na xa kunzili lhakgat tlawakalh, spupuku, smantajwa chu xa spinini, chuná la Puchiná xlimapekgsinit Moisés. ⁶ xlakán kaxtlawakgolh chiwix xa tsitsekge, mak orujwa, tamakpitiklhnit xtachuna tu litamakatakán(sello), chu anta akxtum talhkakgonit xtakuwinikan kgalhakutiy xkaman Israel. ⁷ Bezaleel kamawakalh nak xpekgxtún klhakgat palijni xtachuná la chiwix tu na lilakapastak'kgoy Puchiná kgalhakutiy xkamán Israel, chuná la Puchiná xlimapekgsinit Moisés. ⁸ xla tlawalh xkuxmún ama talhakgan, xtaskujut chatum ti skulujwa, chuná la tlawakan klhakgat palijni. Tlawa xa oro, lhakgat xa spupuku, xa smantajwa chu xaspinini chu xa snapapa lhakgat. ⁹ statijwa xwanit. xlakán kgapskgolh ama kilhmaktiy xkuxmún lhakgat. akgtum kuarta xli lhman chu xlititlanka. ¹⁰ , mawakanikgolh akgstitati lakglilakgatit chiwix. Akgstitum xkgalhiy spini chiwix, , spupukuwa chiwix, chu xa lhkuyatwa. ¹¹ Xli akgstitiy xkgalhiy chiwix xa xkayiwa, chiwix tu lu spupuku chu tu la walhtin. ¹² xli akgstitutu xkgalhiy laxuxwa chiwix, pintujwa chiwix chu xa smantajwa. ¹³ Xli akgstitati xkgalhiy stalankga chiwix, xatsitsekge chu xaspilili chiwix. umakgolh chiwix kalimawkakalh oro. ¹⁴ Umakgolh chiwix kaxmawkakalh lata xtakuwinikán kgalhakutiy xkamán Israel, putúm akgatunu xtakuwinikán. chuna la lakapitikhkan anilu xla litamakatan (sello), akgatunu takuwini xwaniputún pulakatunu xa akgkutiy xkilhtsukutkan xkamán Israel. ¹⁵ nak xkuxmún tlawakgolh takgon'xni xtachuná la tasiw, takgon'xni xa oro. ¹⁶ Tlawakgolh akgtiy tatsapa xa oro chu akgtiy tu la anilu xa oro chu mawakakgolh ama akgtiy anilu xmekgstanin xkuxmún lhakgat. ¹⁷ Xlakán mawakakgolh kgantiy xatakgon'xni oro nak akgtiy stilili likan xmekgstan xkuxmún lhakgat. ¹⁸ Xlakán makilhstukkgolh takgon'xni nak xpekgxtun lhakgat.Xlakán akxtúm ta'mawkakgolh xpekgxtún lhakgat. ¹⁹ Xlakán tlawakgolh akgtiy stilili likán xa oro chu mawakgolh nak xkuxmún lhakgat lakatsu xkgalhtsán, nak xkilhpan. ²⁰ Xlakán tlawapalakgolh akgtiy stilili likán xa oro chu mawakakgolh nak xpan lhakgat, lakatsu tani xkgalhiy xtampulakgtawilh xatatsapa. ²¹ Xlakán lichiwakakgolh stilili likán xalak xkuxmún nak stilili likán nak xa lhakgat, maklakaskinkgolh takgon'xni xaspupuku, laki chuna lan natawakaj nak lhakgat. wa xlakata ni nataxkut'taktay xkuxmún talhakgán. chuna tlawakalh la Puchiná xlimapekgsinit Moisés. ²² Bezaleel tlawa xkgetawkat klhakgat palijni xasmantajwa, xstaskujut chatúm tsapaná. ²³ Stitlili Klhukun nak x'itat. Xtatsapanit tani klhukun laki pi ni nataxtita. ²⁴ Nak xapakgalhu tani xtakgapsnit, tlawakgolh granadas xa spupuku, smantajwa, tasiw xa spinini chu lhakgat xa tsatata. ²⁵ Xlakán tlawakgolh campanas xla oro chu mawakakgolh xlastipan granadas xmekgstan kgetawakat. ²⁶ Akgtum campana chu akgtum granada, akgtum campana chu akgtum granada, nak xmekgstan xkgetawakat Aarón. chuna la Puchiná xlimapekgsinit Moisés. ²⁷ Xlakán tlawakgolh limaktsitsiwan xla Aarón chu xla xkamán. ²⁸ Xlakán tlawakgolh takgnu xalhakgat, tu xlilakgatikan nak xakgxakga xa lhakgat, xaktsu xtatanu xa tsatata lhakgat, ²⁹ chu xtampulakgtawilh xaspupuku lhakgat, xa smantajwa chu xa spinini lhakgat, wa xtaskujut chatum tsapana. Chuna tlawakalh la Puchiná xlimapekgsinit Moisés. ³⁰ Xlakán tlawakgolh stakaka likán xla aktawilh xa oro, chu anta wilikgolh, "Katasantujlanitit Puchiná." ³¹ xlakan chiwakanikgolh takgnu kgatum takgonkgxni xaspupuku nak xakgstipún takgnu. Chuná lalh la Puchiná xlimapekgsinit Moisés. ³² Chuna ama taskujut nak akgstilhakgat, chiki xla tamakxtumit, akgasputli. tachixkuwitat xalak Israel tlawakgolh putum. ³³ Xlakán stalanikgolh xlipaks limapekgsin tu Puchiná xmakamaxkinit Moisés. Xlakán liminikgolh Moisés chiki xla tamakxtumit: akgstilhakgat chu putum tu tatamaklakaskín, xlikgapikan, kxajna, xpatsiná, xlakgchup, chu xlaktey. ³⁴ Xlitakgtlapan xmakgxuwa xakgolú kalhnilu, chu xlitalakgatlapan. ³⁵ Pumakin xla limapekgsín, chuná la xkinkán chu xkgalhni. ³⁶ Xlakán liminkgolh mesa, xtapaks tu majlakaskinkgolh , chu kaxtilanchaw tu lilakapastajkan Puchiná, ³⁷ pumakgskgo xa oro chu akgstitum yaj tani pasakgoy, xtapaks tu tatamaklakaskín chu aceite tu lipasakgoy, ³⁸ Pulakgatakilhputan xa oro, aceite tu liaktlawanankan chu muksu limajinin, litalakgatlapan nak malakcha xla akgstilhakgat chiki, ³⁹ pulakgtakilhputan xaspinini likán xtapaks xpulhkuyat xaspinini likán chu xtalyaw, chu tu tatamaklakaskín chu xkgaxi xatlanka xtapaks xlaktawilh. ⁴⁰ Xlakán liminkgolh lilakgatlapan xalak kilhtin xtapaks xatalyaw chu xlaktey, chu lilakgatlapan tani laktanukan, xtasiw chu takinkalhpitni laki pi nachi'kan lhakgat, chu xlipaks tu tamaklakaskín ktaskujut nak akgstilhakgat chiki, chiki xla tamakxtumit. ⁴¹ Xlakán liminkgolh lhakgat xatatsapa tu namaklakaskinkán nak xakasantujlani, xasanto lhakgat xla Aarón palijni chu xkamán, laki pi xlakán na skujkgoy la palijni. ⁴² Chuná ama lakchixkuwin xalak Israel tlawakgolh putum taskujut chuna la Puchiná xlimapekgsinit Moisés. ⁴³ Moisés ukxilhi putum ama taskujut, chu, kaukxilhtit, xlakan xtatlawanit. chuná la Puchiná xlimapekgsinit, chuná xlakán tlawakgolh. alistalh Moisés kasikulnatlawa.