¹ Na li kaxtlawaya xcik Dios mak'kaw lilakgatlapan xla lino tu lu xa tlan, lana xspupuku, xamntajwa, chu xaspinini wa tu xtalkatawilakgonit querubines.Wa natlawa ti lu katsi xtaskujut. ² Xli lham lilakgatlapan puxumatsayan makxpan , xli titlanka akgtati makxpan. Paks lilakgatlapan chuna xli lhman. ³ Makitsis lilakgatlapan ikxtum xlitawacat, nachuna makgapitsin. ⁴ Na natlawaniya tasiw xla lhakgat spupuku nak xkilpan xakgspun. Nachuna xkilpan xakgspun lilakgatlapan xlikgalsputni xlilakatuy ni makxtum wakakgolh. ⁵ Tipuxumakaw tasiw natlawaya tu na pula tawaka lilakgatlapan , chu tipuxumakaw tasiw natalwaniya tu yawan natawuaka xli putuy lilakgatlapan. Yuma katlawatit katatalakgaxtokgolh. ⁶ Mi litlawatkan tipuxumakaw limakanun xla oro chi na limakilstuka xlilakgatlapan xchik Dios chi maktuma nawan. ⁷ Akgkutum natlawaya lilakgatlapan xla xchixit calhnilo chi wa na li takgtlapa xchik Dios. ⁸ Xli lhman xliwanat puxumakaw makxpan xlakatunu lilakgatlapan, chu la makatunu xlititlanka akgtati maxpan. La makatunu tama akkutum paks ikxtum xlitlanka xliwanan. ⁹ Limakilpastukat makitsis lilakgatlapan chu nachuna amakchaxan. Xli makchaxan lilakgatlapan namalakgastokga nak xlakatin xchik Dios. ¹⁰ Na tlawaya tipuxumakaw tasiw nak xkilpan xakgspun tu pulana natalilakgatlapanan. Nachuna tipuxumakaw tasiw xkilpan xakgspun lilakgatlapan xlikgalsputni xlilakatuy ni makxtum wakakgolh. ¹¹ Natlawaya tipuxumakaw limamakanun xla bronce chu tasiw na limamakastuka. Paks na mamakastuka chi chuna akgtum nawan. ¹² Wa tu nayakgataxtu lilakgatlapan , tu puyatat kilpataxtuyacha xchik Dios, nakxkgen namakapina. ¹³ Xlitawilat akgtum maxpan lilakgatlapan lakatum chu ya kgtum maxpan lilakgatlapan yalakatum--wa tu yakgataxtu xli lhman lilakgatlapan xla xchik Dios nak'xkgalpatu nakx kiltun natawaca, chi na li tatlapa. ¹⁴ Na litlawaniya xyakgtlapat xchik Dios kxuwa calhnilo tu tatsokgni spinini, chu ya maktum tu xla xuwa tu stakaka tu nakgalmawakakan. ¹⁵ Natlawaniyatit lhtakala tu spu'wa xla matankaj'kiwi xchic Dios. ¹⁶ Xlilhman tama makatunu lhtakala akgkaw makxpan xliwanat chu xli titlanka aktum ayitat makxpan. ¹⁷ Yakgtuy xtanhalhpitni kiwi na li matistokgatit yuma lhtakala. Paks chuna na kamatistokga yuma lhtakala. ¹⁸ Yikxni natlawayatit xchik Dios , akgpuxum lhtakala natlawaniyatit tu na yan nak xpakgalhju. ¹⁹ Natlawayatit tipuxam xputay plata tu natawila nakx tapin akgpuxam lhtakala. Xli tawilat akgtuy putay kxtapin xli maktum lhtakala wa tu na chaxa chu nachuna aktuy putay xtapin makgapitsin lhtakala xla yakgtuy xpujaxni. ²⁰ Xla xlilakatuy xtapan xchik Dios xpakxtu, akgpuxam lhtakala natlawayatit ²¹ chu tipuxam xputay xla plata. Aktuy xlitawilat xputay nakxtampin nakxli maktum lhtakala, aktuy xputay nak xli maktuy lhtakala, y chuna na yantilha. ²² Wa xmakni xchik Dios la xli tzankgay chichini nakaxtlawaniya makchaxan lhtakala. ²³ Aktuy natlawaniyatat tu xakgantsastun xakgstin xchik Dios. ²⁴ Yuma lhtakala ni xlitalakgnut nakx tantun, wampi nakx ikpun xli litalakgnut akgtuma stilili. Chuna natlawayatit lakatuy nak xakgantsastun x'ikpun . ²⁵ Xli tawilat akgtsayan lhtakala, tu tataslamanit xputay xla plata. Xli tawilat pokgtu akgkuchaxan xaputay. Akgtuy nax'tampin xli maktum lhtakala, akgtuy nak xtampin tu stala lhtakala chu chuna na yantilha. ²⁶ Natlawayatit pat'sina xla matankaj'kiwi --akgkitsis wa tu xla lhtakala tu lakatum xpaxtun xchik Dios, ²⁷ akgkitsis pat'sina tu xla lhtakala yalakatum xpaxtun xchik Dios , chu akgkitsis pat'sina xla nak xpaxtun la tzankga chichini nakx chik Dios . ²⁸ Xpat'sina nak xlakayitat lhtakala , titum xliyanat la na kitsuku chuna la na kisputa. ²⁹ Wa lhtakala nalitlawayatit oro. Na kaxtlawayatit stilit xla oro, chi wa nalichachipakan pat'sina, yuma patsina na nalitlawayatit oro. ³⁰ Chuna mi liyawat xchik Dios la masinikanti nak kasipih'ni. ^{31 32 33} 31. Natlawayatin maktum lilakgatlapan xla lana tu lu xa tlan, xspupuku, xamntajwa, chu xaspinini wa tu talkatawilakgonit querubines,wa natlawa ti lu katsi xtaskujut. 32. ³² Na makganuwakayatit nak kgantati taliyaw xla xkiwi matanjka'kiwi wantu talitlawanit oro. Wayuma taliyaw na kgalhikgo xkgalhakgxtokge xla oronakx lakatati nakx putay plata. 33. Nakx tampin limamakanun namaukayatit lilakgatlapan xpumakakin xla xlikanan tachiwin. Wa lilakgatlapan wa na li tapapitsi xchik Dios anta ni lu xa santuhla nak xpulakni xchik Dios. ³⁴ Nawualiya tlanka kgaltawilh nak xkgalhni xpumakakin xla xlikana tachiwin, wa tu wi anta ni lu xa santulha nak xpulakni xchik Dios. ³⁵ Nak xlakatin lilakgatlapan na waliyatit mesa. Xputay makgskot nak xlakatin mesa nayawayatit la nak xpakgalhjú xchik Dios . Wa mesa anta xli tawilat nak xpakxtun. ^{36 37} 36. Natlawaya maktum lilakgatlapan xla xli'laktanun xchik Dios. Na li tlawayatit lhakgat xa spupuku, xa mantajwa , chu xa spinini, chu lino tu li xa tlan xatalakgawilekgxni, wa tu tlawanit ti lakatsapanan. 37. Wa tu nalimakganuyatit, natlawayatit akgkitsis xtaliyaw matankaj'kiwi, tu limaktlawakanin oro, chu na mastalankiyatit bronce tu na li tlawayatit xputay.