¹ Wa PUCHINA xakgatlilh Moisés chu wanilh: ² ''kakawani pokgtu Israelitas katiyakgolh akgtum likakni ki palakata wanti xnakú chuna puwan na tlawa.Wix na ki palakatiyaya yuma likaknit.'' ³ Chu wa yuma likakni tu nakamakgamakglhtiya: oro, plata chu bronce; ⁴ lhakgat tu spupuku, tu smantawa chu tu spinini, lino tu lu xalakwan, xchixit calhnilo, ⁵ kxuwa calhnilo tu spinin tasokgnit, kxuwa tlanka skiti, chu xa kiwi matan'kajkiwi; ⁶ xaceite xla xchik Dios, palhma xli lak´kaxtlawacan aceite tu li akgmawaka'kan chu tu xlimahinin tu tlan muksun; ⁷ chiwix xla onix wa tu lu tlan tasi, chu makgapitsin chiwix tu na kuxmumawakan xtalhakgan xpalakachiwina Dios chu xlaxkuxmutawacat. ⁸ Kakamakgaxtakgtit na ki tlawanikgo ki chik, chi chuna Yikit nak kalaks'stipatawila. ⁹ Lu chuntaya na tlawaya la nak masiniyan nak xatalhkan xla xchik Dios chu pokgtu wantu na lin ¹⁰ Na natlawayatit xpumakakin matan'kajkiwi . Xli lhman xliwanat akgtuy a'yitat makxpan ; xli titlanka yakgtum a'yitat makxpan chux li'talhman chuna yakgtum a'yitat makxpan. ¹¹ Na limalhakgeniya xpulakni chu xmakni, oro tu xatlan, chu natlawaniya xkilpan xla oro tu xa tlan xkiltun la natakgchuwa. ¹² Mi litlawanit yakgtati stilili likan xla oro, chu na waliya nak xlakatati tsastununin pumakakin, yakgtuy stilili likan kgalpatu chu yakgtuy stilili likan ya'kgalpatu. ¹³ Na chuna natlawaya tsatsu kiwi xla matan'kajkiwi chu na limaktlawata oro. ¹⁴ Namanuya tama tsatsu kiwi nak stilili likan, la xkgalhpatunu pumakakin, chi wa na li chaxatit pumakakin. ¹⁵ Wa tsatsu kiwi yanta xlitanut nak stilili likan xla pumakakin , ni namapanuniyatit. ¹⁶ Chu yanta na waliya nak pumakakin limapekgsin tu Yikit nakmaxkiyan. ¹⁷ Chu na natlawaya tlanka kgaltawilh xla oro tu lu xatlan. Xli titlanka yakgtuy'ayitat makxpan, chux lititlanka yakgtum'ayitat makxpan. ¹⁸ Na natlawaniya yakgtuy querubines xla oro, wa tu lakatunu nankilpawaliya nakx tlanka kgaltawilh. ¹⁹ Natlawaniya chatum querubín kgalpatu, chu chatum querubín yiakgalpatu. Tama litlawat kani yakgtuma natalay xatlanka kgaltawilh. ²⁰ Wa querubines talhman na stonkgoy xpekgkan, chu nali'tlapakgoy tlanka kgaltawilh. Wa querubines natalakgaxtokgoy, chu yanta xliyukxilkan nakx yitat xatlanka kgaltawilh. ^{21 22} anta nak pumakakin nak tatanoglhan. nak takgalhchuwinanan anta nak tatagsacha anta nak tlanka xkgalhtawilh. Anta nak xlakgstipan tantuy querubines anta nak xlakni pumakakin xla xlikana tachiwin wantu nak lixkgatliyan xla limapagsin wantu nak maxkiyan xpalakatakan israelitas. ²³ Natlawaya akgtum mesa xla kiwi xla acacia. Wa xlilhman nawan akgtuy makxpan, cho xlititlanka akgtum makxpan cho xlitalhman akgtum aitat makxpan. ²⁴ Nalimatlakganiya oro chu natlawaya akgtum xkilhpan xla oro nak xkilhtun la natakgalhchuwa. ²⁵ Na natlawaniya nak xkilhapan akgtum kilhtun xla lakapun makan xlititlanka, cho natlawaya agtum xkilhpan xla oro nak xkilhapan xkilhpan. ²⁶ natlawaniya akgtati stilili likan xla oro, chu nawalinya stilili likan nak akgtati makgantsastun, anta ninta xwilakgolh akgtati xtuwan. ²⁷ wa stilili likan anta xlitaslamat nak xkilhtun xpalakata ampi tlan natanukgoy tsasu kiwi, xpalakata ampi tlan nalinkan mesa. ²⁸ nakalitlawaya lak tsatsu kiwi xla matan kajkiwi cho na li maktlawaya oro xpalakata ampi wa mesa tlan nachaxkgoy xlakan. ²⁹ Nanatlawaya puway, cuchras, xalú chu pokgotni xpalakata ampi nakamaklakaskina akan nakamajuya likgotna xla likakni. Lu xman xla oro nakalitlawaya. ³⁰ chu lakgaxnin nawaliya kaxtilanchu xla Dios anta nak mesa nak kilkatin. ³¹ chuna cho natlawaya xputay magskgot lu xman xla oro. wa xputay magskgot nalitlawkan xputay chu xchaxpan. wa xputajun, xchaxpan xputajun chu kxanat putum watoya nalitlawakan. ³² cho nataxtukgoy akgchaxan nak xpagni-- akgtutu pagni natapagstonkgoy nak xpagxtum xputay magskgot xlitapakgastonkgat nak xakgalhpatu ³³ Nak xlipulhna xpagni xlikgalhit akgtutu xputajun xtachuna la xanat xla almendro nak akgtum xpagni, xcopa chu akgtum xanat; chu akgtutu xputajun xtachuna la xanat xla almendro nak akgtum xpkagni, xkgalhiy akgtum xcopa chu akgtum xanat. Chuna xliwnat putum nak akgchaxan xkpagni tuku taxtukgoyacha nak xputay magskgot. ³⁴ Anta nak xpunan xputay magskgot, natawilakgoy akgtati xputajun xtachuna xanat xla almendro, chu xchaxpan xputajun chu kxanat. ³⁵ Natawilay akgtum xcopa nak xtampin akgtuy xlipulana pagni--akgtuma litatlawanit, chu akgtum xchaxpan xputajun xtampin xliakgtuy kgantuy xpagni-- nachuna akgtum litatlawanit. nachuna chu, xlitawilat xcopa nak xtampin xliakgtutu akgtuy pagni, nachuna akgtum xlitatlawanit. chuna xliwanat putum xla akgchaxan pakgni tuku takgapaskgastonkga nak xkilhtin xputay magskgot. ³⁶ wa xchaxpan chu xpkagni putum wa akgtuma xlitatlawanit, akgtuma tuku litatlawanit xlagstu oro tuku lu xa tlan. ³⁷ chuna chi natlawaya xputay magskgot chu akgtujun xlimagskgon; chu nakawaliya xlimagskgon xpalakata ampi namagskgokgoy cho namaxkikgoy magskgot xla xputay magskgot. ³⁸ Wa xlichipkan cho xpujinin xla oro xliwnat. ³⁹ kalakaskinti puxumakaw akgtati kilos xla oro xpalakata nalitlawaya xputay magskgot chu wantu nakgalhiy. ⁴⁰ Lu chuna katlawa nantla masiynikanti limasiykan nak kakiwitna.