¹ WA PUCHINA xakgatlilh Moisés chu wanilh: ² Kakimapapitsini xalak napuxkun lakgawasan xalak Israel, lakchixkuwin chu takgalhín. Wa xalak napuxkun lakgawasan kintapeksinikgoy. ³ Moisés wanilh kachikin: "kalita nak mintalakgapastakni, tima kilhtamaku akan wixinin taxtutit nak Egipto, kilhtin xchik tachin, xpalakgata wa xlimakgatliwakga xmakan PUCHÍNA tamakgaxtunitan tima nak pulataman. Ni kgatiwat kaxtilanchu tu nikgalhiy limaxkutin. ⁴ Wixinin nataxtuyat nak Egipto lanchiyu kilhtamaku, nak pa'pa Abib. ⁵ Akan wa PUCHÍNA nalinan nak xa tiyat xla cananeos, xla Hitita, chu xlakan Amorreos, chu xkan Heveos, chu Jebuseo, wa tiyat wantu malaknulh minkilhtsukutkan nakamaxkiyan. tiyat anta nintsamay tu wakgan, chunanchu miliwxilhat uma tu nalay takgaknin tima pa'pa. ⁶ Akgtujun kilhtamaku miliwat kaxtilanchu tu nikgalhiy limaxkutin; xli akgtujun kilhtamaku natawilay xpaskua xlilakgapastakgan PUCHINÁ. ⁷ Miliwat kaxtilanchu tu nikgalhiy limaxkutin akgtujun kilhtamaku; ni kat tamasiyulh kaxtilanchu tu kgalhiy limaxkutin nak milakgstipankan. Ni milikgalhitkan limaxkutin nimpal anta ninkitapaktay mintiyatkan. ⁸ Wa tima kilhtamaku nakgawaniya minkgaman : "Wantu PUCHINA kintlawanilh akan ktaxtulh nak Egipto. ⁹ Wa uma akgtum xlilakgapastakgan mimpalakgata nak mi makgan, chu akgtum xlilakgapastakni nak milakgapun . Wa uma xpalakgata xlimapekgsin xla PUCHINÁ natawilay nak minkilhni, xpalakgata wa xlimakgatliwekga PUCHINÁ tamakgaxtun nak Egipto. ¹⁰ Xlimakgwa milimakgkit uma limapeksin kilhtamaku tu limaxtukganit, kata,kata ¹¹ Chu akan wa PUCHINA nalinan nak xa tiyat xla Cananeo, lantla xla malaknunin wix chu minkilhtsukut, chu akan XLA namaxkiyan tima tiyat, ¹² Milimapapitsit putum lakgawasan xalak napuxkun chu putum xalak napuxkun mintakgalhin. Chu xalakgawasan natapakgsinikgoy PUCHINA. ¹³ Putum xalak napuxkun axnu nakatamawpalaya amakgtum tantum kalhnulu. Palapi ni natamawaya amakgtum, chu nchu napixtukxa. Pi tantunu ¹⁴ Akxni wa milakgawasan nakakgalhskinkgoyan alistalh: "¿Tuku wamputun uma? chunanchu nakawaniya: wa xlimakgatliwekga xmakan litamakaxtun nak Egipto, nak xchik tachín. ¹⁵ Akxni wa Faraón lu tisitsilh nilakaskilh nikinkamalakgachan, wa PUCHINA kamakgnilh putum xalak napuxkun lakgawasan nak xa tiyat Egipto, chatuy xalak napuxkun, la lakchixkuwin, la takgalhin. wa xpalakata uma kit klikakniy PUCHINA xliputum xalak napuxkun xalakgawasan xla takgalhin, xpalakata wa kit ktamaway kmaspita putum xalak napuxkun xla kilakgawasan. ¹⁶ Wa uma akgtum xlilakapastakan nak mimakán, chu akgtum xlilakapastakan nak mimuxtin, xpalakata wa xmakan xlimakgatliwekga PUCHINA kinkalitamakaxtun nak Egipto. ¹⁷ Akxni wa Faraón makgaxtakgli alh xkachikin, Dios kalaklilh nak xa tiji xtiyatkan Filisteos, maski wa tiyat lakatsu xwi. xpalakata Dios wá: "xalan pala wá kinkachikin xtalakgaspit'tayalh akxni namaklhkatsikgoy tatalatlaw chu nataspitkgoy nak Egipto." ¹⁸ Chunanchu Dios kaliyalh xkachikin nak xa kaskakni tiyat nak pupunú xla caña. Wa Israelitas taxtukgolh nak xa tiyat Egipto, takaxtayakgolh nak putalatlaw. ¹⁹ Moisés liyalh xlikut José, xpalakata José kamamaláknunilh Israelitas akan tiwa: xa xlikana Dios nakalakmaxtuyan, chu wixinín nalipinatit kilukut. ²⁰ Wa Israelitas kilhtayakgolh tijí nak Sucot na anta tilaktankuwikgolh chu nak Etam nak xkilhtun xa kaskakni tiyat. ²¹ WA PUCHINA nak xlakatinken xan kakuwini na akgtum puklhni xkalipulaliyama nak tijí. Chu katsisní nak akgtum talayaw xla lhkuyat xkalimaxkiy makskgot. chunanchu noyma tlan xtlawánkgoy nak tijí xa katsisní ²² WA PUCHINA ni mapanulh nak xlakatinken kachikin talayaw xla puklhni la kakuwiní, nimpalawa talayaw xla lhkuyat xla katsisní.