¹ . Wa Puchina kaxakgatlil Moisés chu Aaron nak´x tiyat Egipto. Xla kawanilh . ² Wa wixinin yuma papa nalimapiliyatit makgapitsisn papa, wa yuma papa nakalipulaniyan wishinin tu yakgtum kata ³ . Kakawanitit tamakxtumit xalak Israel: Nak xli yakgkaw kiltamuku yuma papa na chipayatit tantum borrego o cabra wa tu tskgagku xpalakatakan , yakgatunu limakxtum chuna na' tlawakgo, tantum borrego yakgatunu chiki . ⁴ Palpi ni lilhuwa tu yakgtum chiki natalhuwatiya liwa xli lakatsu, pal xla borrego o xla cabra, chuna la naliyakchankgo ⁵ . Wa mi borrego o mi cabra wa tu xa'lakwan na laksaka, tantum xa kgawasa tu kagku xyakgtum kata . ⁶ Na kamakgtakgalhatit hasta xli yakgkutati kiltamuku yuma papa. alistan paks tamakxtumit xala´k Israel na kamakgnikgo yuma takgalhin ikxi na tsuku tsiswan . Y ⁷ natiyakgo xkalni y naliwakgo x´taliyaw chu x´kiltun malakcha yanta ni na wayankgo . ⁸ Wa liwa xa taxpupu na wakgo tama tsisni, chu kaxlanchu wa tu ni kgalhi limaxkutin, na talhuwawakgo xa xun palhma. ⁹ . Ni na wayatit pal´ka xa stakga o ka xa pupuni, ka paks na xpupuyatit x´yakgxakga, x´ tuwan chu x´pulakni . ¹⁰ Ni tu xlitamakgaxtakgat, pal pi wi tu na yakgataxtu, na lhkuyuyatit la´ naxkgakga . ¹¹ Chuna nama miliwayanatkan: tlan na´ tatampachiya, tlan na'tatununana, chu nachipaya mi lixtokgo. pala na´wayana. Wa tama x´Pascua Puchina. ¹² . PUCHINA wan: katsisni nak´ tilakgstipataxtu x´tiyay Egipto chu nak´kamakgni ti pula lakgatankuwinit chixku o tagkalhin. Nak´ kalimini liyakgastakyaw paks xlimakgtum Egipto. Yikit Puchina. . ¹³ Wa kgalni tu nalitlawayatit mi chikikan wa nak´kalilakgapasan. Ikxi nak´ kukxi kgalni wixinin ka nak´katilakatsalayan ikxi nak lakatawaka Egipto. yuma limasputum ni katikakakgchan wishinin. . ¹⁴ Yuma kiltamuku xli lakapastakni na tlawayatit y na li paxuwayatit akgtum paskua xpalakata PUCHINA. limapekgsin na´tlawayatit ka´nikxnixtiwa hasta chuna la na´ mitilhakgo mi limakxtumkan. ¹⁵ Akgtujún kiltamuku na´wayatin kaxlanchu tu ni kgalhi limaxkutin. Xli akgtum kiltamuku na´ mapanuyatin limaxkutin nak mi chikikan. Wa ti pal wal kawua kaxlanchu tu kgalhi limaxkutin la xli akgtum hasta xli akgtujun kiltamuku na tamakxtuya nak´ Israel. ¹⁶ .Xli akgtúm kiltamuku natamakxtupiyatit ki palakata na chuna na kitlawapalayatir xli akgtujún kiltamuku. Pakz yuma kiltamuku nitu katilizkuhtit, xmanwa na tlawayatit mi liwatkan, ni tu akgampatu. ¹⁷ Namakiyatit yuma paskua xla kaxlanchu tu ni kgalhi limaxkutin , xpalakata ikxni ktamakaxtul mi kachikinkan nakx tiyat Egipto. Kata kata na ki lakapastakatit yuma kiltamuku, yakgtum mi limapekgsinkan na tlawayatit. ¹⁸ Wa tu xli akgtum papa kata, nawayatit kaxlanchu tu ni kalhi limaxkutin, namatsukiyatin xli akgkutati kiltamuku kxni natsuku tsiswan , na ki makgalsputuyatin xli puxumatum kiltamuchu tama papa. ¹⁹ Tama akgtujún na´ mapanuyatin limaxkutin nak mi chikikan. Wa ti pal wal kawua kaxlanchu tu kgalhi limaxkutin na tamakxtuya nak´ Israel, maski xla yanta o ka xa mini. ²⁰ Ni tu natawayatin limaxkutin, mas nintlan katawilatit wa nawayatit kaxlanchu tu ni kgalhi limaxkutin. ²¹ Moisés katasanilh lakgkgolatsitni y kawanil:''Capintin y kalaksaktit mi ovejakan chu mi cabritokan wa tu na li yakchanatin la nawayanatit, namakgniyatit borrego xla paskua ²² Natiyayatin paxtum palhma na li mastajayatit kalhni wa tu nawualiyatit makgot. Nalitlawayatit kgalhni xtaliyaw, chu xkiltum malakcha. Nialti nataxtu kiltin la ku na kixkgakga. ²³ Wa PUCHINA na titlawan y na kalakatawaka Egipcios. Xla na wakxi kgalni nakx kiltun, chu nakx taliyaw mi malakchakan , chu ka na titaxtu y ni katimastal talakaskin na kalakgtanuyan masputuna. ²⁴ Na makiyatit tu na la,yuma limapekgsin namakgantaxtiyatit wixinin chux kamankan mi kaman ²⁵ Ikxni na tanuyatit nak tiyat tu PUCHINA na kamaxkiyan , chuna la kamalaknunin, tiwan na tlawayatit yuma lilakapastakni. ²⁶ ikxi mi kamankan na kakgalskinkgoyan ¿tu waniputun yuma tu tlawayaw? ²⁷ wixinin nakawaniyatit: xli makgapatin xPascua PUCHINA , xpalakata wa PUCHINA kakgsputsalalh xchikikan Israelitas nak Egipto ikxni kamakgnilh Egipcios. Xla kalakgmaxtul Israelitas.'' Wa kachikin takilputalh chu matlankikgo PUCHINA. ²⁸ Wa Israelitas yankgolh chu chuna tlawakgolh lax kawaninit PUCHINA Moisés chu Aarón. ²⁹ Titaxtul yitat tsisni ikxi PUCHINA kamakgnilh pakz xa napuxkun nakx tiyat Egipto , la xapuxku xkgawuasa Faraón , tix tawila nakx laktawilh, la xanapuxkun xlakgkawuasan tachipa, chu pakz xpulalakgatakuwinin takgalhin. ³⁰ Faraón takil katsisni, natakikgol xlakskunni chu pakz Egipcios. Chu tlan´ka talipuwan tawi nak Egipto, xlakata ni tux wan chiki yanta ni nituxwan nin. ³¹ Faraón tasanilh Moisés chu Aaron chu kawanil: ''katakitit chu kataxtutakitit nak ki kachikin, wixinin chu Israelitas. Kapin´tit chu kamakgapaxuwatit PUCHINA chuna la tiwantit xtlawaputunatit. ³² Kakatiyatit mi calhnilo´kan chu pakz mi takgalhinkan , chuna la tiwanti y kapintit, y nachuna ka kisikualanatlawatit''. ³³ Wa Egipcios lu pala xkatantlakgaxtuputunkgo, xpalakata xwankgo:''Putum xanin ikinin'' ³⁴ . Wa kachikin liyalh kskitit y niax tatlawa limaxkutin.Makgchekgolh xksikititkan nak lhakgat chu pextutawakakgolh. ³⁵ Chu xkachikin Israel tlahualh tu wa Moisés. Cu kaskinikgolh Egipcios tux´la plata, tu´xla oro chu lhakgat. ³⁶ PUCHINA tlawalh pi wa Egipcios na kalakgachixkuwikgoy Israelitas. Chuna chu Egipcios kamaxkikgolh pokgtu tu skinkgolh. Chuna numa pokgtu kamakgltikgolh Egipcios. ³⁷ Wa Israelitas taxtutakikgolnak Ramsés yankgolh nak Sucot. Xlakan xyikchankgo akgchaxan ciento mil lakchixkuin ti katuwan xyankgoy, nix tataputlekge kaman ni pal lakchaján. ³⁸ Luwa katatalhuwikgol ti ni Israelita, na katankgolh , nax kaliyankgo xkalhnilokan y lu lhuwa takgalhin. Chu wa tu tklawakgol xkaxlanchukan wa tu ti limikgonitancha nak Egipto kskititkan tu ni xkgalhi limaxkutin. ³⁹ Nix kalhi limaxkutin xpalakata nialpal kalimakgwanil lak´kaxtlawakgol xliwatkan. ⁴⁰ Wa Israelitas akgtaticiento puxumakaw kata la tilatamakgol nak Egipto. ⁴¹ X'kgalsputni akgtaticiento puxumakaw kata, wataya tama kiltamuku pakz xkachikín PUCHINA taxtutakilh nakx tiyat Egipto. ⁴² Tama tsisni nika tiltatatit xpalakata ikxni PUCHINA katamakaxtun naxtiyat Egipto. Yuma tsisni xla PUCHINA tiwan na lakapastakatit wixinin Israelitas, la mi kamankan, la´x kaman mi kamankan. ⁴³ wa PUCHINA kawanilh Moisés chu Aaron: ''Wa yuma xlimapekgsin pascua: Wa ti ka xamini ni la na´ naway yuma liwat. ⁴⁴ Wampi pokgtu tachin xla Israelita, xtatamaw, tlan na naway pal pi xa ta chukuni xtiyat liwa. ⁴⁵ Ti ka xamini chu ti ka tasakua na ni la katiwakgolh yuma liwat. ⁴⁶ kanak yakgtum chiki ni na tawayan . Ni la na tamakaxtuyatit taliwan kgapun, y na ni na tukxatit ni yakgtum lukut. ⁴⁷ Pakz xkachikin Israel nali pazwanankgo. ⁴⁸ Wanti palka xamini chu na katapaswanamputunan xPascua PUCHINA, pokgtu ti x´lakchikuwin xlichukutkan xtiyatliwakan. Chuna chu tlan nakatapaswannanan. Kani naxalanta lakgatankuwini nalitaxtu. Wampi wa ti ni chukunin xtiyat liwa ni la tu na tiya yuma liwat. ⁴⁹ Wa yuma limapekgsin chuna natlawakgo wanti xala yanta chu tika xamini katalamakgon . ⁵⁰ Pokgtu Israelitas chuna tlawakgolh la PUCHINA xkawaninit Moisés chu Aarón. ⁵¹ Wataya tama kiltamuku WA PUCHINA tamamakaxtul xkachikin Israel nak xtiyay Egipto.