¹ Jipi echi kunali Noemi, Elimelec, niili bile rijimala, Booz mapo nii'li bile rijoi we niwami ni we' machirutami. ² Rut, echi moabita, je aneli Noemí: "Jipi nakiwi sime ali napabusia turi rakala jubami nochami yuwa echona kawirali. Nije inarama jubami echali ni bachami muje busilachi riwisa nije kuwirali. "Ali echiriga Noemí je aneli: "Simika, tewe nije ranala." ³ Rut simili ali napabuli echi turi rakala mapo tibili echona kawirala jubami echi nohami yuwa. Echiriga ali binoi nawali echona echi kawirachi mapo niwali niili Booz, mapo niili rijimala Elimelec. ⁴ Je nai ati, Booz nawali Belén jonsa ali je aneli echi nochami: "¡Echiriga ONORUAMI asisa yemi yuwa!" Aboni je aneli: "¡Echiriga ONORUAMI mi kuwirasa!" ⁵ Echiriga Booz je aneli echi nulaami mapo ili'li inee echi napabumi turi rakala: ¿Chiga rijowi nili ju je na muki?" ⁶ Echi nochami ineemi echi napabumi nijewaka je aneli: "Echi ju tiwe moabita mapo nawali echi Noemí echo na kawirali Moab. ⁷ Echi tami chaneli: Piri koo' nakiwi napabuma turi rakala jubami echi napabuami.' Ali echi riga nawali je nai nochali pi biyaa' jonsa jipi arija, echiriga isabali pi itelpi echona bitichi." ⁸ Echiriga Booz je aneli echi Rut: "¿A nama atime, nije ranala? Ke simisa ali napabusia turi rakala auche bileni kawirali; ke riwe je na kawi. Echiriga echona, a tibisa je nai ali echi iwe nochami yuwa. ⁹ Echiriga ni kala naka ni bilempi echona kawirali mapo echona echi ralamuli uchuwi achaya' ali najati jubami echi jare muki'. ¿Ke biiri aneli nije echi ralamuli maporiga ke biiri mi nocháma? Ali bajinasá bawi, omeri simiya mapo ona ati sokoli bawi yua ali baji bawi mapo echi ralamuli machi buli." ¹⁰ Echiriga binowi chokobaka chukubali bachami echi Booz, nocháli echi moóli echona rile sarali. Binowi je anili: "¿Churikare riwaline nije niwali busila , mapo riga muje ati we acha anilika tami jiti, bile auche bileni bitemi? ¹¹ ¿Booz nijewika je aneli: "Echirija ruwerini karka mapo muje olali mapo ali mukuli muje kunala. Muje riweli muje onola', iyela ali kawi echona ocherali maporiga sime muje asiruwami ali nawali mapo omi ralamuli ke machime'. ¹² Echi ONORUAMI yasa mapo riga olali. Echiriga chapisa natera karka echi ONORUAMI, ECHI RIOSI Israeli, mapo riga echi anala' riwali niyukuami." ¹³ Echirika echi anili: '' nakewi tami riwa gala nira mapu moje yua, nije walula, chopi muje tami kuirli echali tami kie kanilachi, ali moje tami raichaliwe kala nira, chopi nije kie moje inili onochami juni nije.'' ¹⁴ Echali kowawachi Booz je aneli echi Rut: ''Akina simi, ali kowa pita pan, ali pako echi pan echona bajikuami mapu vino riweami.'' echi muki echona asiblanirua echi onochami yua mapu echi chirutami umi, ali iyati pita mapu echona ichati mapu kuakmi. Binoi echi muki kowali mapu iyensi busasa ali riweli mapu echi ripiwa isili. ¹⁵ Mapali echi muki ilisli mapu jusa echi rakali, Kooz nuleli binoi ralamli inili, je anika, ''riwesi echi muki mapu napabuma echi rakali ayenacho echona rokorami muwachi, ali ketasi anebo mapu echi kie kala mapu echi muki. ¹⁶ Ali iemi ayenacho nachi owabo echi rakala mapu napabura echi sikala u isimi, ali nakise echi muki mapu binoi napabuma echi. kie iyompo.'' ¹⁷ Echirika echi muki napabuli aliwachi jonsa. Echirika echi muki rojanli echi kali mapu binoi napabuli, ali echi kali inili makoi bakia kili mapu echi turu. ¹⁸ Echi muki napabuli echi ali simili echona wika rijowachi. Ali echi binoi asili riwali mapu echi muki napabu isili. Ayenacho Rut nachi pali mapu echi kali kuakmi mapu echona kowali ali ku roko isili ali echi iyali. ¹⁹ Echi binoi asili je aneli: '' ¿Komi napabukimi echi kali jipi? ¿Komi simikemo mapu onochasa? Echirika mapu echi rijowi mapu moje kuirli we kuirtami inima.'' Echirika echi Rut ruweli ku mapu binoi asili mapu echi rijowi nira mapu inili anili echi kawi mapu echona onochasa simili echi muki Rut. Echi anili: '' Echi raola mapu echi rijowi inili mapu inili ju echi kawi mapu echona onochaline nije jipi echi riwe Booz.'' ²⁰ Echi noemi je aneli echi moolula: '' Echi gala nira inisa anima mapu echi WALUBELA ONORUAMI jiti nira, mapu kie chakena riweli ni gala nira olali mapu echi owinami yua ali siwikmi isi. ''Noemi jeaneli: '' Echi rijowi ju mapu tamuje rijimala, mapu bile kuirami mapuy tamuje nira.'' ²¹ Echi Rut moabita jeanili:'' Ni bichili nira, echi jiti nije anerine: 'Moje mulubi echikume iremi mapu nije ralamli inila mapu iyeni sunusa onocha mapu echona nije kawi inili. ''' ²² Echi Noemí je aneli echi Rut, binoi moolula: '' We kala ju, nije ranala, mapu muje nachinma echi kie ocherami iwe onochami yua , mapurika kie ichibi kimeabami mapu karka chuweni kawi chiwawachi.'' ²³ Echirika echi muki mulube iyenli mapu echi iwe onochami yua mapu Booz inili mapali echi napabu inama riweli mapu echali suwisa echi chirutami mapu echi turu ali echi isi. ali echi biteli binoi asili yua.