¹ Echiriga ikili echali rawe mapu ali echi nula uchuli jueces niruli olowali echona kawichi, ali bile rijoi echona bitemi Belén nima Judá simili echona kawichi riweachi Moab echi jubila yuga ali echi okua kuchala. ² Echi rawala jena rijoi ju Elimelec, ali echi rawala upila ju Noemí. Echi rawala binoi okua tanala nili Mahlón ali Quelión, nili Efrateos echona Belén nima JudÁ. Isili echona kawirali Moab ali pireli echona. ³ Echiriga Elimelec, echi kunala Noemí, mukuli, ali echi tibili okuami kuchi yuga. ⁴ Jena kuchali chapili jubila echi muki echona Moab pireami; jena rawala echi bile ju Orfa, ali auche bile rawala Rut. Pireli echona echi ku bami makoy. ⁵ Echiriga, okana, Mahlón ali Quelión suwili, tibili Noemí ke kuneka ali kecho nilaka echi okua ranala. ⁶ Echiriga Noemí natali riwekuami simiwami echona Moab echi mo'olila yuwa ali ku simiwami echona Judá ali echiriga namali echona jiti Moab echi WALUBELA ONORUAMI echiriga kuwirali echi pueblo mapu ali noaleli ali yali echi kowami. ⁷ Echiriga riweli echi kawi mapona asali echi okua mo'olila yuga ali owinali echona buwe simiya ku echona kawirali Judá. ⁸ Noemi je aneli echi okua no'olila: ''Simibaka, sisaku, ibili nira echi, echona muje iyela bitelachi. Echi ni WALUBELA ONORUAMI inerisa echi kalekuami yemi yuga, mapuriga yemi inerali echi kalekuami echi suwili ali ayenacho tami. ⁹ Echi WALIBELA ONORUAMI echiriga olasa yemi yuga riwisa echi wisabawami, yemi ibili echona auche bile bitelachi kunali. Echiriga binoi chumili ali nalakali. ¹⁰ Aboni je aneli: ''¡Ke! Tamuje simaboti muje yuga mapu na bite.'' ¹¹ Ali echi noemi jeanili: ¡ku simibika, nije ranala! ¿Hu rikare simabotime tami yuwa? ¿We chobiji niwin kuruí nije ropalachi yemi nila, mapi omerima nila iyemi kunala? ¹² Ku simibika nije ranala, simibika aboni ku buwerili, mapurika ju nije ma we wilami mapurika nima bile kunala. Echanisa nije: 'nima bile kunali jipi roko,' ali omerima niwa okua kuruín, ¹³ ¿achi buwebo yemi mapu ocherima? ¿Achi buwema ali ke kunema cho jare ralamuli yuga jipi? ¡Ke, nije ranala iweé! We omoni; minapi iyemi yuwa, mapurika echi sikala ONORUAMI iyali we chati tami jiti." ¹⁴ Aliko echi mo'olila owali raichali ali nalali cho sine. Orfa ala anili ku sime ruá binoy asirumi yuwa bile chumuka, ali Rut chukubali echi yuwa. ¹⁵ Noemi jeanili: "Anami, muje chiyela ku simili binoy ralamuli yuwa ali binoy ríosali. Ku simika muje chiyela yuga." ¹⁶ Ali rut jeanili: "Ke echiriga naki chakinima muje yuwa, mapumi simi muje, nije sime; mapu mi tibi, nije tibima, muje nili pueblo, nimare nije nili pueblo ali muje nili Riosi nimare nije nili Riosi. ¹⁷ Mapumi mukimi, mukemere, ali echomi torrámi nima. Tami satigarsa echi ONORUAMI, ali minabi, cho karoniti echi mukuwami rojonasa ke sine." ¹⁸ Mapali Noemi riwali mapu echi Rut asali ni ala si sime ruá, riweli wemi raícha echi yuwa. ¹⁹ Aliko okuanta simibali echona jonsa isili echona pueblo Belén. Ikili mapali sili echona Belén, karika echi pueblo muchuli we kaniliga echi jiti. Echi umúki jeanili: "¿Jena ju Noemi?" ²⁰ Ali binoy jeaneli: "Ke echiriga anisi Noemí. Anisi Mara, mapuriga echi Onoruami ke ala olali tami yuwa. ²¹ Machiniki ni we bochimi, ali ECHI ONORUAMI ku palí kuluwami kalichi ke biri niruchi. Ali ko, ¿churikare tami ane Noemí, ineka papurika echi ONORUAMI satigarli; mapu echi Onoruami yali omonakuami?" ²² Aliko Noemí ali Rut, echi Moabita, binoy mo'ólila, ku sili kawichi echi Moab nila. Sili echona Belén ni chukuchi uwikuachi echi turuí.