¹ Echali omeachi rawe mapali ma chi tasiachi echi mukui simibili echona chuweachi sili mapona Jesusi rikarami nili mapurika echi wabe suweti jukami namuti taga mapu abani ma´a alartami niíli. ² Mapali ma sisa riwali mapurika echi rite ku etili echo yeichi asali echona rosochi ma ke asalí. ³ Mapali echona racha chuwechi mowisa mapurika aboni ke riwali echi ne walubela Jesusi mukuami sapala echona bowiami mapona bachanala rikarami nili. ⁴ Echirika aboni ne wabe majali mapurika aboni minabi wabe majajali mapali aboni ke saina riwali okoa riuawi echona napawika aboni yuwa jawami echi mapurika ne wabe simirami rata bami napachami nili. ⁵ Li echi muki ne majaka ripili li chokobika jali rale raweka, li anili echi muki: ¨¿Chorikaria ayimo echona mukumechi?¨. ⁶ Binoi ma ke ite narbe mapurika ma ku owinati kala natasi mapurika binoi bacha rawe tiemi nimi aneli mapali binoi abiji yenachi echona kalileachi, ⁷ echali binoi Jesusi tiemi jenaneli mapu ariga werati nili mapurika binoi mina nijarami nima mapali echi jare chati alame pagatami chapika milimea chona bileana kursichi michotami nili mapurika binoi bakia rawe ku awinali. ⁸ Echali aboni kala nataga niwali mapurika binoi chabenara anili ⁹ mapali echi jare mugui ku sirli echona walulachi echona chuwechi jonsa echali aboni ku ruyeli suwaba jena jeyiri echi jare mkoy mina bile mapu chabenala jularami nili nawisanal. ¹⁰ Mapali echi jare mugui mapu jena jerika ne bukuiwami nira yutelli echi jare jularami nili nawisanala echi Maria Magdalena, Juana, Maria mapurika echi Santiago itelo niti mapurika echi auche jare musui aboni yuwa tenili. ¹¹ Mapali echi jare makoy mina bile jularami nili nawiisanila aboni mateli mupali echi jare mugui chapi mapurika nira raichali ali aboni ke bichili maurika echi mugui nawesali. ¹² Mapali echi Pedro arika machirika we wabe maga simili echona chuwechi mapali aboni ineli echona pacha echi chini chopi riwali echona chakena acharami mapali echi Pedro ku simili ne wabe natali sawabe jeyiri mapurika ikili. ¹³ echali rawe abe, akua ralamuli mapu Jesusi llua ename nili enili echona Emaus simabaria. japirika ne wikabe mika niraka nili mapona simaburili echona Jerusalen jonsa. ¹⁴ abowi ka raicha enili abowi ka mapurika ne karika namuti mapu olarame nili echu Jesusi. ¹⁵ Je rika ikili, mapuli echi kaa enili raicha mina abowi ka ku rukueka niraka, ali Jesusi ka mulubewili ali lluá simili. ¹⁶ we nalina echi ka ke machirtame niraka arrame nili mapurika ke machime Echi Jesusi. ¹⁷ Jesusi ka je aneli: "¿Pirri niraka raichitumo ti'emi ka mapurika'tumo ena?" Abowi ka ne siweka niraka ripi muwibi. ¹⁸ Bile ka, Cleofas riweme, je anika nijewili: "¿We mujue ju echi bilepi rijowi mapu ke machi mapurika ikilla ikili jena rawe ne chokueme mapu simarili?" ¹⁹ Jesusi ka je aneli echi: "¿Pirri namuti?" Abowi ka nijewaka anili: "karika namuti mapurika Jesusi echi Nasareno ikili, mapu nili echi Riosi jiti nulerame raichanila, ne jiwerika olame miná ne raichika bachami Riosi jiti ali ne suwabaka ralamuli jiti. ²⁰ Mapurika ne bacha niraka jawame echona ro'obachi eli echi welpala jawame mapurika echi silime nijaka olali mapurika milirume niraca nima ali michonaliti echona cursichi. ²¹ Mapurika tamujue ka bulleí mapurika Binowi nima mapu ku solonika olama echi Isrrael. achirika ju, Ali chu jare wikabe niraka, ali jipe ju ma baisa rawe mapurika simirali je na karika namuti. ²² Mapurika achiko, jare muwi mapona tamujue muchuwa tamujue anika eneli no walabe ala niraka, mapuli echona chuwechi enili ne billa biji. ²³ mapuli abowi ka ke riwali echi ropowala, ali je anaka riosi capiniwala riwirtame nila ría mupu je anili Echi ka akáme asali. ²⁴ Jarre ralamuli mapu tamujue lluka muchule simibili echona chuwechi ma abowi ka riwali mapurika echi mukui ruka anili. Mapurika abowi ka ke chiko riwali binowi Jesusi." ²⁵ Ali Jesusi je aneli: "¡Ralamili ta nowalame ali ta bineme mapurika anerrame nilutumo ne binenila nesulachi niraka mapurika'tumo anerame nili echi karika mapu Riosi jiti ju nulerame raichanila! ²⁶ "¿ke ne jiwerika niraka nili mapuri ka echi Cristo olarame nili ali mapurika binowi ka ku simika sima echona mapona ne sima re echona Riwigachi?" ²⁷ Ali, Moises lluka owechika ali echi jiti mapu Riosi jiti nulerame ju, Ali Jesusi ku ne ala anika aneli echi, karika namuti echi biniwi Jesusi jitiri maporika Moises anili. ²⁸ Mapuli ma sojio silla ichuli echona Emaus riwewachi, Mapona abowi simibaruli, Jesusi ka sili mapurika pe bachami niraka simime. ²⁹ mapurika abowi ka ne wabe wili anika eneli: "Jemi si ripi tamujue lluka, ma muli chonamare, ali ma muli siwiba je na rawe." ali Jesusi bakili echona pacha, na lluka ripili. ^{30 31 32} Simirili echirika, Mapuli Binowi ka asibili echi lluka ma coporia, Juli echi pani, ali tanika sili ali nasipa isi rapanili, ali echi ali. 31 Ali machirtame nira arrame nili ali abowi ka machika chika nili echi ali Echi ka kawirruli abowi busila jitiri, 32 ali abowi ku anika nokuali: "¿Mapuli ena nokuali achona wilimina buwerili ali Echi ka tamueje lluka raichili ali ne ala niraka anili mapurika osurume nili, ³³ A li echi ku jaska simibili ku echona Jerusalen. Echi ko riwali echi makoi bile naapawika muchuwame a li mapu chujare ralamuli si muchuli, ³⁴ A li jeanika:'' ECHI Rijowi ni bichiwa niraa ku owinali a li echi Simon riwirtame nili.'' ³⁵ A li echi karka ku ruka nokuali mapu ikili buchiimi a li mapurika Jesusi riwali Echi pani rapachali. ³⁶ Mapali raicha muchuli jena namuti nira, echi binoi Jesusi wilibka sili echona nasipa mapo na echi binoi anajatami muchuli li jeaneli: ''Kilii niraa ti emi yua.'' ³⁷ wenalina echiko ne maajaka jali, mapurika aboni ko bile iwika mayeli. ³⁸ Jesusi ku jeaneli aboni: '' ¿chorikaria we nata muchuwa? ¿ chorikaria we rukuga nokuatmo echona sulalachi? ³⁹ Nije sikala nesi, a li echi ronola, ni nije ju. Tami nochasi a li nesi. Mapurika bile iwiga que tasi niwa echi sapala a li ochi, mapurika ti emi tami ritiwa ⁴⁰ Mapali Echi echanili, sika riwirali ali binoi ronola. ⁴¹ Echi ko we kanilika muchuli mapurika ku owinali a li ke bichi uli, Jesusi ku jeaneli: ''¿a niwitmo namuti kowame?'' ⁴² Echi ko pi taa rochi kuwame. A li ⁴³ Jesusi ko nareli a li ne bachame wilika kowali. ⁴⁴ Echi ko jeaneli: mapali nije ti emi yua iyenli, ti emi aneki mapu karka osuruame echi moises jitra nololiwala,riosi raichala rume, a li echi Salmos, ne bichiwa niraa ikime.'' ⁴⁵ A li biche machirtiame nili pamurika na,ama mapo osoruame ju ⁴⁶ Echi ku jeaneli:a li echirika chuku echona osorutame mapurika echi Cristo ka ne ru sua nilika mukumea a li bakia rawe sika ku owinima ⁴⁷ Echi mapo chati ola wikauli ku takuame a li ku rowikuame ne buchuwime nawisakuame ju, owechka echona Jerusalen. ⁴⁸ Ti emi machi mapu ikili na je ⁴⁹ Na nesi, nije ko naula mapurika Nije Onola anika anili. Wenalina echo na a muchisi arialchi nopisi sipuchrame ne obe ripa jiwerika niraa.'' ⁵⁰ A li biche Echi jesusi toga sili echo na ne mulibee Betania. Echi ko sikala kayauka li kuwirali ali. ⁵¹ Mapali Echi kuwiri, pi riweli a li na ripa riwigachi toruaame nili. ⁵² Ali biche ne chokobika jaga bachami niraa a li we kanilika ku simibili echo na Jerusalen ⁵³ Echi ko ko ku sili echo na templochi, li ne ala namuti olali echi Riosi.