¹ Sineymi ka jasica, tori echi Jesusi echona bachami Pilato yua. ² Aboni ma chotari winitasi jeriga aniga: ta mujeta riwari jena rijoi si unarca ruyea tamuje pagotamawara, mapu que risencia ju mapu abo wenomi echi Pilato, aribiche jeriga aniga mapu echi ju echi Cristo, ne waruana. ³ Pilato jeriga aniga ku ruweri, weche muje ju warruara echona juriosi aribiche Jesusi ku nijewaga je aniri, muje echiriga ani. ⁴ Pilato je aneri owera saserdote: ¨Ari auche jare wacabe pagotame¨ nijeni ketasi chaty oraami niraa ritiwa jena rejoy. ⁵ Chopi echi pagotami ne owerili anili jeriga echi ju mapu si una iluya iyena pagotami ali binercia echona buchuwi judeachi echonaGalileachi si wamina naisi. ⁶ Echiriga mapari ma namari echi Pilato echi, aribiche ku ruweri, echi rijoi Galileochi biteami niri. ⁷ Mapari ma machisa mapu pa rikibe niraa niri echi erorsi yua Jesusi ma toruame niri echi erorsi yua, mapu echona si muchiri Jerusalemachi echari rawe. ⁸ Mapari erorsi ma riwisa echi Jesusi, we caniiri mapuriga binoi ayena riwinari pe wili rawe niraa, binoi bacha niraa namari echi niraa aribiche kiri nenari. Chuyenaro chatasia bire namuti we simirami omerica olasia. ⁹ Erorsi wika namuti ruweri echi Jesusi we anli Jesusi tabile biri nijewari. ¹⁰ Echi oweaara saserdote aribiche echi escribas jasica winuiri ne wabe winijelica niraa. ¹¹ Erorsi echi jare binoi sontar sawara wabe chibi oarari, ne wabe tinichari echi binoi aribiche napachatari bire mapacha we simati aribiche chesine ku toruame niri mapo na asari Pilato. ¹² Herorsi echi Pilato amigowara najitari echari rawe (bacha raweco nakichika niraa pireali). ¹³ Echi Pilato napaburi echi oweara sacerdote aribiche echi oweara nuraame ayenacho aribiche echi wacabe pagotami ayenacho, ¹⁴ echari binoi je aneri yemitamo tami yari jena rijoi mapuriga wa na awatiame echi jare pagotami chopi nijena ma suwaba we rucueri jena: ¨Bachamiyemi yuwa nijeni ketasi riwari mapuriga chati oraami niraa mapurigatamo winiri. ¹⁵ Tabire Herorsi chiriga ku kuwana juuri tamuje yua mapurigatamo ritiwa echijiti nijeni maye mapu ketasi werari ju mapu binoi wamina miriruame nima. ¹⁶ Echiriga nije binoi castigoni yama wamina ni ku ubama. ¹⁷ Jipico Pilato owerari ju ni ubama bire pacha patame juriosi echona omowala wachi. ¹⁸ Aboni sineami ne weli sinaka jeriga aniti ¹⁹ Barrabasi niri bire rejoi mapu pacha patami niri mapu nicowami niri echona wica rijowachi. ²⁰ Pilato auche sine ku raichari pagotame yua mapuriga ku nakiti ku niyubanara echi Jesusi. ²¹ Aboni weli sinoka jeriga aniri cursichi michonsi cursichi michonsi. ²² Echiriga anerami ju baisa choweme mira: ¿Piri jiti? ¿Piri nira chati orari jena rejoi? tasi ni mamuti riwa echi echi nira, mapuriga werari muriruame nima chiriga castigo ni yasa wamina ni ku niyubama. ²³ Aboni owerara aribiche weli ra ichagaaneri mapuriga wamina cursichi michontiga miriruame nima echi weli raechaga anili Pilato ariga nijewari mapuriga ani pagatami. ²⁴ Aribiche Pilato ariga nakiri aribiche ariga winuiri. ²⁵ Binoi ku ni ubari mapu aboni tanari mapu pacha patami niri mapuriga wabe raciame niri aribiche nicowame si aboni ma ku arami niiri echi Jesusi mapuriga aboni natiga orama. ²⁶ Mapari ma machi patami niri aribiche chapuruami niri echi simoni sirenahi biteami mapari ku nawaya inarari echona pami rabo jonsaaribiche cursi ucherami niri mapuga tomea echomi jubama Jesusi yua. ²⁷ Echona si sirili wuicabe ralamli aribiche muguisi ne nalakeia ali omenika echi Jesusi jiti. ²⁸ Ali ku cuwana ku raichica jerika ku aneli echi Jesusi keni cuchua Jerusalenchi pireami tasi nalakasi tami jiti nalakasi ti emi aboni jiti ali ti emi aboni cuchuala jiti nira. ²⁹ Mapuriga ha nawama sine rawe mapari echi pagotami jerika animea caniriami ju mapu ketasi omera chuchia caniriami ju mapu quetasi sine nara niiri mapu keta cho sine raneame niiri mapuriga chirma; ³⁰ Aribiche aboni raichika jeameri echi waru cawi waru rabotame wakina moba najusi ali cuuchi cawi kina moba pare. ³¹ Wetamo echiriga olasa gatamo mapari echi sawa we siyonimi kaachi churiga nimire ma makichesi echi sawa. ³² Auche jare ocua wabe echati orami rijoi si toruame niri echi Jesusi yua mapuriga aboni ayenacho wamina cowiruame nima. ³³ Mapari ma sibasa echona mapu jerika riweali chuwi ¨Mo, orachi¨, echona aboni wamina cursichi michontami niri ocua rijoi wabe chati orami si biri watoma nira ucharami niri aribiche auche bireco jo una nira ucharami niri. ³⁴ Jesusi jerika aniri keni ono ko wicowi kiri mapurika aboni tasi machi mapurika oraya ena aboni rofuanika nowari echi Jesusi napachara jiti. ³⁵ Echi pagotimi echona jari niga mapari echi oweara nurami ayenacho we chariga raichika jerika aniri binoi auche jare cuwirika orari, jipico binoi ku kuirsa gara nima ane bichiwari echi Riosi niwara Cristo nisaga mapu echiriga jurame ju. ³⁶ Echi sonntarsi ayenacho wabe chiuiyiri oroga tinichika muriwari aribiche bajirare bire binargre aniriwami bawi we chipuame. ³⁷ Wamina jerga si aniga ne bichiwari muje nisaga ne waruana echona Judios nira binoy ku gara cuwira. ³⁸ Ayenacho ucharami niri bire osiruami echona ripa eursichi mapu jerika aniame niri, jena ju echi juriosi sirimuara. ³⁹ Bire rijoi chati orami mapu ayenacho michontami niri echona cursichi binoi hue charga raichika aneri a ne bichiwari muje sisaga echi Cristo binoi ku cuwira aribiche tamuje si cuwira. ⁴⁰ Auche bireco jerika ku aneri guechamo majawa Riosi mapu Chigariga Riosi orarami ju mapuriga tamuje. ⁴¹ Tamujeko ayena gara niri mapuriga castigo marepo mapuriga tamujeko ayena chati orari chopi jena rejoi ko table pe sine chati orari. ⁴² Ayenacho jerika aneri echi Jesusi echiriga tami ke nata mapori ku simi wamina ripa riwigachi. ⁴³ Binoi Jesusi raichika ku jerika aneri ne bichiwari nira nije mimi anema jipi muje tami yua asimea echona we garabe cawirari. ⁴⁴ Aribiche ma sebachi mapisa rawe ne wabe chonika wiribari ne buchuwi cawirari pe bakia inarachi ariwachi jonsa ⁴⁵ mapara ma chowiachi echi rayenari echari echona re obachi bire chini we runoame ne nasipa nira chi wari. ⁴⁶ ne wabe iweami nira ra rehika binoi Jesusi jerika aniri: Abeni ono gara tibu keni ariwa jeriga aniga binoi ma mukuri. ⁴⁷ Echi waruara senatrsi ma riwori mapuriga ikiri echori binoi ne wabe warubera anega Riosi waminabi jeaneri ne bichiwari jena rijoi ne wabe gara niri. ⁴⁸ Mapara suwaba pagotami napawiri mapari echiriga ikiachi abani ku simibari ne wabe siweka aboni pirerachi ne surachi choneka. ⁴⁹ Swaba mapu ga machiruame niri o amigwara niri ali muguisi mapu najatari echi Jesusi echona Galileachi jona pe nabeaka nira jari niga echiriga ikiachi. ⁵⁰ Echari biteari bire Rijoi mapuriga riweami niri Jose ayenacho biteami niri echona arimiteachi aniriwachi niri ne wabe gara rijoi niri ⁵¹ echi rijoi ketasi nakiri mapurika aniga nowari o mapuriga orari binoi echona judeachi Arimiteachi riweachi biteami niri binoi buyeri echi warubera Riosi nurariwara. ⁵² Jena rejoi muriwari echi Pilato tanari echi Jesusi ripocuara. ⁵³ Binoi ma rikaburi aribiche bire chini we garabeara polika cabika rikari aribiche ma chuirotami niri echona resochi mapu waratame niri echii rite mapu na ketasi choo wesi chuirotami niri. ⁵⁴ Echari rawa ma kariweka nokari mapuriga ma sebachi niri isablauchi rawe. ⁵⁵ Echi jare mugui maponajatari Jesusi Galileachi jonsa ayenacho si simibari aribiche riwali eci risoche aribiche echi Jesusi ripocuara mapo na rikarami niri. ⁵⁶ Aboni ku kuwama ku sinibiri aribiche niware bire namuti we simati jukame aribiche echari rawe isabluachi aboni isabari mapuriga aniruami niri jiti.