¹ Teexe ma kabét a meetquex idolos, mix xan kabét a liisquex figuras takaan ti che, wa un wol tunich quiliich, ma kabét a dziquex un p’el oochel polaan ti tunich ta luumex tial caa p’onlaquex tu tan, men ten YUNTZIL a DIOS. ² Teexe kabét a canantqueex u kinil jeelel, caa tziqueex in quiliich naj. Ten YUNTZIL. ³ Wa teex ca ximbaleex tin leyese caa cananteex in tuchit’aanoobe caa uuymat’anteex. ⁴ Beytuno, quin dzic u kaxal jaa ta wicnaleex tu kinil; yan u maalotal u yic a luumex, le u cheil le luumo yan u maalo tu yich, u cheiloo le colo yan u niccuntic u yichoo. ⁵ Le a jat luumeexo yan u P’aatal tac tu kinil tial a uxquex uva, u uxul uvae yan u xaantal tac tu kinil pakal. Teexe yan a maalo janaleex yan a cajaleex jejedzquil le tux cana meetex a wotocheex tee luuma. ⁶ Tene quin dzicteex jeetzel tee luuma; teexe ca weneleex xma saquilil. -Ten quin machic le baalche loboobo naach tee luumo, le espadao maun maan chumuc a luum. ⁷ Teexe yan a aalca pachtic a ch’ap’eecoo, letioobe bin luucoo ta tanex yo-lal a espadaex. ⁸ Joop’el u tulul teexe caa alca pachquex naachi cien u tulul, cien ichileexe ca alca pachquex diez mil u tulul, a ch’ap’eecoobe cu luubul ta taaneex yo-lal a espadaex. ⁹ Tene yan in pactiquex yetel udz, yan u yaátal baal teex, yan in yaa cunt quex; ten quin dzic in nuupt’an ta weteleex. ¹⁰ Teexe ca jantquex janal canantaan ti yaa kin. Teexe yaan joosquex a canan janaleexo men kabét tex le cuchil tial le tumben joocho. ¹¹ Ten quin dzic in wotoch tial much’tal ichileex, tene main ch’ap’ecqueex. ¹² Ten quin ximbal ta wetelex ten can a DIOSINTEEX, teexe yan in cajalquex. ¹³ Ten YUNTZIL a DIOS, max jooseex tu luumil Egipto, yo-lal teexe ma u palitzintquex. Ten dziin xet’ic u katbelil u muukoo caa tin meetu ximbaloo yetel u yooc, toojoo. ¹⁴ Baale wa tex maan wuuyque neexe, yetel maan uuymat’aanquex le tuchit’anooba. ¹⁵ Wa tex ca jadzkatquex in tzolt’aanoo caa ch’aapectex in leyes, tial maa uuymat’antcoo tu lacal in tuchit’anoo, baale ca xexetquex in nuupt’an. ¹⁶ Wa caa meetex le baalooba, beytuno tene quin meetic tex lela: quin meetic a ch’iquex quiquilanquil, kojaaniloo, yetel chocwiloo, cun kasca wicheex yetel cu sap’ca cuxtaleex. Teexe ca pakca a pakaleex tial mix baa, men a ch’apeecoo cun jaantic u yich. ¹⁷ Tene yan in loloopactiquex, teexe yan a jadzlex men a ch’ap’eequex. Maacoo u p’eequeex cun noolchetquex, teexe ca pudzulex, tac wa mix mac alcapachqueex. ¹⁸ Wa teex maan wuyquex in tuchit’an, ten tune quin jadzquex siete u tenel, jach ya jeebix a kebaneexe. ¹⁹ Yan in xixcuntic a canal ich ichil a pajtalilex. Ten quin meetic le ca-an ichilexo bey hierroe le luumo bey broncee. ²⁰ Chen cunel cana xup a muukeex, men a luumexe muun dzic u yich, le cheo tee luumo muun yantal u yichoo. ²¹ Wa teex ca ximbaleex kas ti tene, yetel maan wuyquenexe, tene quin tasic tex jadz, siete u tenel tip’aanil ti teex, wa quin quet yetel a kebaneex. ²² Ten quin tuxtic ti tex loloobaalcheoo u jantex , letioo cun ocoltic a palaleex, cu xixcuntic a wacaxeex, cu p’aatquex un p’iitil. Beytuno a beleexe cu sut-tocoy luumiloo. ²³ Wa quex yo-le baalooba, teexe maan kamquex in wudzquina laili tan ximbaleex kas ti tene. ²⁴ Beytuno tenxane quin ximbal kas ti teex, ten xan quin jadzquex siete u tene tip’aani yo-lal a kebanex. ²⁵ Ten quin tasic un p’el espada ta wo-leex cun vengartic uchic a xixcuntquex le nuup’aano.- Teexe bin muuch’laquex ichil a cajaleex , tene quin tuxtic teelo kojaanilo ichileex. ²⁶ Teex tune caa kubuleex tu kab a ch’aap’eecoo. Le chen in p’aat in dzic jaanal, lajun coolel ma u p’aat cu takancunsic u yooch waa tu chuucabi, letioo cun dzic a woch waajex p’isantac.-Teexe caa janleex baale maan naataleex ²⁷ Wa tex maan wuyquenex , quex yo-lebaalooba, baale laili a ximbalex kas ti tene. ²⁸ Beytuno quin xiimbal kas ti teex p’uujaanen, tene jee xan in jadzquex siete u tenel tip’aanil, yaab yo-lal a kebaneex. ²⁹ Teexe bin a jaantex u bakel a palaleex, teexe ca jantquex u bakel a ch’uupalaloo. ³⁰ Tene yan in xixcuntic le canal cuchiloobo qui xotic u multunil a inciensoex, quin tasic u quimen wincililo yokol u idolos, ten quin jadzkatcoo.- Ten quin sutic u cajaloo xixchajaan yetel quin xixcuntic u cuchil u quiliicho. ³¹ Tene maun quimac tin wol yetel u boc u siibaloo. ³² Ten quin xixcuntic le luumo.- Uch’aap’eecoo, le cun cajaloo teelo, yan u ch’icoo saaquilil yo-lal le xixcunajo. ³³ Ten bin t’iitbescoo ichil u laak cajoo, ten quin joosic in espada quin walca pachtoo. U luumoobe yan u xuump’aatal, u cajaloobe cu xixcuntaal. ³⁴ Cu dzoocole le luumo cu ch’iic u kinil u jeelel, caliquil xump’at taan teexe tianeex tu luum a ch’aap’eequeexe. Caliquil le kin jeelo le luumo cu jeltal cu ch’ic u kinil u jeelel. ³⁵ Caliquil xun p’aat-taane, yan jeelel ti, lela u jeejelil le maa yan cha ti le u kinil caa jeeleex teexe, cach tee cajaaneex ti leti. ³⁶ Le ti teex, le cu p’aatal tu luum u chaap’eecoobo, Ten quin tuxtic saaquilil tee pucsiikaaloobo, yo-lal quex chen u juum un p’el u lee.kax men le iko cuu sabeseex teexe caa puudzquex bey u pusz lil espadae.- Teexe ca lubleex, tac wa mix mac alca pachqueex. ³⁷ Teexe yan a t’oochpajal ta baex bey wa tan alcapach taaleex me espadae, quex wa mix mac alca pachqueex. Teexe muun bin yantal patalil a wataleex actan ti a ch’aapequex. ³⁸ Teexe bin dzoococ teex ichil le cajoobo, tu luum a ch’aap’eequex caa jantcabaex tex. ³⁹ Le max cun p’aatal ichileexe, cu dzoocol tioo ichil u kebanoo, letioobe tianoo tu luum u ch’aap’eecoobe, yo-lal u keban u tataoo beyxan bin dzoococ tioobo ⁴⁰ Paatiqui wacu caant u kebano yetel u keban u tataoobe, bix uchic u binoo kasil ti tene, yetel xan ximbanajicoo kas ti tene. ⁴¹ Le quin in meeto yan u maan kastioo yetel quin taascoo tu luum u ch’aap’eecoo- wa u pucsiikaloo ma sujuykuptaan cu t’ontale, wa xan ku kamoo u jadzil yo-lal u kebanoobe. ⁴² Beytuno tene quin tasic tin pol in nuupt’aan yetel Jacob, in nuupt’an yetel Isaac, yetel in nuupt’an yetel Abrahan; beyxan ten quin t’anic le luum tin tucul. ⁴³ Le luuma bin u xump’at-too letioo, beyo udz cun tal tu kinil u jeelel caliquil u xump’atmoo letioo. Letioobe kabét u bootcoo u siipilil yo-lal u kebanoo men letioo jadzkat in tuchit’an yetel dzooc u dzacoo un tzelil in leyes. ⁴⁴ Paatiqui, quex yo-lal tu lacal lelo, le chen yanacoo tu luum u cha’ap’eecoobe, tene main jadzkatcoo, mix xan tin dzicoo un payil tial in jach xixcunte, quiin dzo ocsic in nuupt’an yetel letioo, men Ten u YUNTZIL u Dios. ⁴⁵ Baale u tialoo utzile, tene quin tasic tin tucul in nupt’an yetel u uchben ch’iibaloo, le maxoo tin taasoo tu luumil Egipto tu tan u jeel cajoo, tial tene cu DIOSINTENOO. Ten le YUNTZILO”. ⁴⁶ Lelooba letioo le tuchit’aanooba, tuchitaabi yetel leyes le YUNTZIL tu meta leti yetel u cajil Israel tu wiitzil Sinai tu dzaa tu chi Moices.