¹ Le yuntzilo tu yaala ti Moices:T’an le yunkinoobo, u palal Aaron , aatioo letioo: Mix un tul cu meetuba kasil yo-lal le cu quimiloo ichil a cajalo, ² chen jaalil wa yo-sal u laakoo nadztioo u naa, u tata,u pal, u xchuupal, u sucuun, ³ wa u yitzin sujuy leti canantic, men letie minaan u yichan.letie juubeytal u p’aatal kasil yo-lal letie. ⁴ Baale letie ma kabét u kastal yo-lal u jeel laatziloo beyo cuu biibiiluba. ⁵ Yunkinoobe maa kabét u dzic-cu poloobi wa cuu dzic u tuuk u camaachoo, wacu xot u wincililoo. ⁶ Letioobe kabét u meetcubao quiliichoo tial u DIOS Yetel ma kabét u p’aasticoo u kava u DIOS, men le yunkinoo ku kubcoo ti YUNTZIL u siibalil janal,u waajil u DIOS. Le olale le yunkinoobo kabét u quiliichtaloo. ⁷ Letioobe ma kabét u dzoocol u beloo yetel mix un tul coolel xpak-keban men dzuu biibiiltal, letioobe ma kabét u dzoocol u beloo yetel un tul coolel u p’aatmu yichan, men letioobe un paycuntaanoo tial u DIOS. ⁸ Tech can paycuntic, men leti si-ic wa ti u DIOS. Letie kabét quiliich a tial, men ten, YUNTZIL Max quiliichcunsquech, ten xane quiliichen. ⁹ Jeen macamac u ch’upupal yunkin ca u kasubae men cu suut pakebani cupaj-cu suutal u tata. Letie kabét u toocal. ¹⁰ Le max le canal yunkino ichil u sucuuno, le tu pol weque le aceite uchic u unjirtaalo, le max kuub tial u buquint u nok le canal yunkino, maun jiit chaatic u pol wa cu tziitzic u noko. ¹¹ Letie ma kabét u bin ti un p’el cuchil tux yan un tul quimen, yo-lal muu kastal tu baa, quex yo-lal u tata wa u naa. ¹² Le yunkino ma kabét u p’aatic le cuchil quiliicho ti u najil le much’talo wacu biibiil u quiliich na DIOS, men letie kubaan tial canal yunkini yo-lal le aceite dzaa tu polo men u DIOSO. Ten u YUNTZIL. ¹³ Le canal yunkino kabét u dzoocol u bel yetel un tul sujuy tial u yatante. ¹⁴ Letie ma kabét u dzoocol u bel yetel un tul xquimen ichan, yetel un tul coolel p’aatan men u yichan, wa un tul xcolel xpak-keban. Letie maun dzoocol u bel yetel le cooleloo beyooba. Letie chen yetel un tul sujuy u yet cajal cun dzoocol u bel. ¹⁵ Beytuno, letie maun pakic kas ti u palal ichil u cajal, men ten YUNTZIL, Max quilichcuntic. ¹⁶ YUNTZILE tu t’ana Moices tun yaacti: ¹⁷ T’an Aaron aati:Jeen maxac ichil a chiibaloo caa Yanac baal uchul ti u wincililoobe, letie ma kabét u nadzcuba u kub un p’el janal ti u DIOS. ¹⁸ Jeen max maaquil yan baal uchul ti u wincilile ma kabét u nadzcuba ti YUNTZILI, jeebix un tul ch’oop, wa un tul mac maun beytal u ximbal, un tul jelaan u paatal u yich. ¹⁹ Un tul mooch u kab wau yooc. ²⁰ Un tul wa nojoch p’otlic u paach, wa jelaan dzoyaani wa jach p’eex, wa un tul mac yan baa uchu ti u yichoo, wa yan wa bax kojaanil ti, kinan , wacu soolpajal u yo-t’el, wa nulul xch’iich. ²¹ Mix un tul mac ichil u chibal Aaron le yunkino wa yan baa uchul ti u wincilil; wa beyo ma kabét u nadzcuba u kub u siibalil waa ti u DIOS. ²² Letie juubeytal u jantic u janlil u DIOSE, quex wa leti le jach quiliich wajo wa le chen quiliicho. ²³ Quex beyo, letie ma kabét u yocol ichil le simbil nooko wa u yocol nadz ti le u multunil le kultajo, men letie yan baal uchul ti u wincilil yo-lal letie muu biibiilic in cuchil quiliich, men ten YUNTZIL, max quiliich cunscoo”. ²⁴ Beytuno, Moices tu yaala le t‘aanoo ti Aaron,ti u palal yetel ti tu lacal u cajil Israel.