¹ YUNTZIL tu t’ana Moices, ca tu yaati: ² ”Aati u cajil Israel: Jeenn maxac ichil u cajil Israel, wa jeenquech tanxel luumi cajaan Israel cuu dzaa jeenquen u palal ti Moloc, kabét ,u jajil , u quinsaaloo. U winquiloo le luuma kabét u muruchtunichtic. ³ Ten xane quin dzicpactic le maaca, quin tzelic ichil u cajal men dzuu dzic u pal ti Moloc men dzuu biibiilic in quiliich cuchil dzuu popoch’ic in quiliich kava. ⁴ Wa u maaquilo le luumo cu meetcoo bey mun yilicoo le bax cu meetico le maacoobo le chen u kuboo jeenquen u palaloo ti Moloc, wa maun quinsicoobe, ⁵ Beytuno ten quin dziicpactic le maaco yetel yokol u laakoo, ten quin tzelcoo leti yetel tu lacal le cuxaan pak-kenaniloo tu junal u bao, tial caa pak-kebanacoo yetel Moloc. ⁶ Le mac cu sut yicnal le cu t’aano yetel quimenoobo wa le cu t’anoo yetel pixanoobo tial caa pak-kebanacoo yetel letio, ten quin lolopacticoo; ten quin culch’acoo ichil u cajal. ⁷ Le oólale, kubabaex tex ta baex yetel caa quiliichaquex, men ten YUNTZIL a DIOS. ⁸ Teexe kabét a meetiquex in tuchit’an yetel caa meetex bey u yaaco. Ten YUNTZIL, Max dzaaquex un paayil bey quiliicheexe. ⁹ Tu lacal le cu pupult’antic u tata wa u ná mun jechic kabét u quinsaal. Letie dzuu poch’ic u tata wa u ná, beyo siipilchaji kabét u quimil. ¹⁰ Le mac cu wenel yetel u jeel coolel u yatan u jel maaque,lelo, jeen maxac caa wenec yetel u yatan le cajaan tu tzeelo-le pak-kebano yetel le xpak-kebano tu caatulilo cun quinsaaloo. ¹¹ Le mac cu chital yetel u yatan u tatae tial caa wenec yétele dzuu pajic u su-tal u tata. Tu caatuliloo, bey le u palo le tatatzilo yetel le atantzilo, kabét, u jajil u quinsaaloo. ¹² Wa un tul mac cu wenel yetel u yilib,tu caatuliloo kabét, u jajil, u quinsaaloo. Letiobe dzuu metco baa ma-an kas. Letioobe siipilnajoo kabét u quimiloo. ¹³ Wa un tul xib cu wenel yetel u jel xib, jeebix u wenel yetel coolele, tu caatulilo tu meetoo baa ch’ap’ecbil. Letioobe kabét, u quinsaalo. Siipilnajo kabét u quimiloo. ¹⁴ Wa un tul xib cu dzoocol u bey yetel un tul colel cu dzoocole cu dzoocol u bel yetel u ná, lelo kasbeen. Kabét u toocaaloo tu caatuliloo, leti yetel le coolelo, yo-lal muu yantal kas ichileex. ¹⁵ Wa un tul xib cu wenel yetel un tul baalche,u jajile, kabét u quinsaal, teexe kabét a quinsquex le baalcheo. ¹⁶ Wa un tul coolel cu nadzcuba ti un tul baache tial wenel yetel, teexe kabét a quinsquex le coolelo yetel le baalcheo. Letioobe kabét, u jajil, u quinsaalo. Letiobe siipilnajo kabét u quimiloo. ¹⁷ Wa un tul xib cu wenel yetel u kik, jeebix u pal u tatao, wa u ná u ch’uupalo-wa leti cu wenel yétele letie yetel leti,un p’el baal suutzil. Letioobe kabét u tzeeloo tu tan u cajal, men letie dzuu wenel yetel u kik. Letie kabét u chic u siipilil. ¹⁸ Wa un tul mac cu wenel yetel un tul coolel tun yic u “mese” dzuu wenel yeteloo letie dzuu yilic u mansic kik. Dzuu yilic u saybil u kikel. Tu caatulil xib yetel coolel kabét u tzelelo tu cajal. ¹⁹ Teexe ma kabét a weneleex yetel u kik a ná,wa yetel u kik a tata tu men teexe jaa su-lac-cunsquex a laakex nadz ti teex. Teexe kabét a ch’iqueex a siipileex. ²⁰ Wa un tul mac cu wenel yetel u dzee ná , dzuu pajic u su-tal u dzee yun. Le chen quincoobe, quin jadzcoo tu caatuliloo, le chen quincoobe ten quin ch’ic jeebax u tiiloo cach u palaloo kabét u ch’acoo ti u tataoo. ²¹ Wa un tul mac cu dzoocol u bey yetel u yatan u sucuun jeebix cuxaan u sucuuno, lelo sú-tzil. Letie dzuu pajic u su-tal u sucuun, ten quin ch’ic jeebaxac ti u palaloo juu beytal u tialcoobe cache men u til u tatao. ²² Teex yo-lal lelo, kabét u yantal teex tu lacal in tzolt’aano yetel tu lacal in jalach’taanoo, teexe kabét a uuyma t’antquex yo-sal le luum tux quin bixqueexo tial cuxtal mau xeé-quex teex. ²³ Teexe ma kabét a maneex le tux cu man le cajoo le quin in pic-ch’int tawolaleexo, men letioobe dzuu meetcoo tu lacal le baalooba, ti ten cu luubuloo kasil. ²⁴ Ten tin wala teex:”Ti teex quin in dzaa le luuma; ten quin dzicteex a tialteex, un p’el luum cu tul lechei yetel cab. Ten YUNTZIL a DIOS se-ex, junpaycunteex ti u jeel cajoo ²⁵ Teex tune kabét a kaolquex ichil balché udz yetel le kaso, yetel ch’ich’oo kastac yetel le utzoobo. Teexe ma kabét a kastalex yetel baalche wa ch’iich kastac wajeen baax alakil cu jitcuba yoklum, le loobo dziin dzic un paayil bey kasoo a tiileex. ²⁶ Teexe kabét wa quiliicheex,men ten, YUNTZIL, Quiliichen, tentune dziin dziquex un paayil ti u jel cajoo, men teexe in tiileex. ²⁷ Un tul xib wa un tul coolel cu t’an yetel quimenoo wacu t’an yetel pixanoo, kabét u jajil u quinsaaloo. Le cajo kabét u muruch tunichticoo. Letioobe tu siipiltoo kabét u quimiloo”.