¹ Úuch tuune caaj jéedz u ajawil ye'etél mu'uka'ane, tu pa'ata wa'alma ta'ane Yuumtzile--yéetel xan tulaakal Israel. ² U 5 ja'abo u ajawil Roboané, Sisac, u ajaw tie Egipto tal u ca'axt ba'atel Jerusalen, tumen le ca'ajoj tu tu'ubsaj Yuumtzil. ³ Sisac ta'al yéetel1200 bóolanóob yéetel 60000 u na'atmo'ob u tzimino'ob.Ba'atelo'ob mina'an u xoquil ta'alóob yéetel letie Egipto: Libios,Suquienos yéetel Etíopes. ⁴ Tu ja'ampayta le mu'uka'an ca'ajo'ob u tiál ca'ach Juda caj taj Jerusalen. ⁵ Bejeale Semaías aj bóobat tal u yill Roboam yéetel u nu'uquilo'ob Judá ma'axo'ob tu mu'uchu'ubao Jerusalen tiólal Sisac. Semaías tu yáala'aj tiob:"Lela le ba'ax cu ya'aalic Yuumtzil: ' Te'eche ta tu'ubsene'ex, ten tu'une quin kúubiquéex tu ka'ab Sisac."' ⁶ Dzo'oc léle, u pa'alal le ajawo'obó, yéetel le ajaw tu ya'alajo'ob, yéetel cabal o'olal:" Yuumtzilé jach toj". ⁷ Le ca tu yilaj Yuumtzile dzo'oc u tonjo'oltalóobé tu la'akalóobe, u wa'alma ta'an Yuumtzile tal ti Semaías ca tu yaalaj:Leutiobe dzo'oc u cabal óolalóob tu la'akalóob.Ma' biin in xu'ulsóobi;ten báale biin in toco'ob ichiil jun piit kiin, in dziiquilé ma' biin in tóox in pu'ujul tu yóokóol Jerusalen tiolal u ka'ab Sisac. ⁸ Leutiobe ya'an u páalitzitalóob, tiál u náatcóob báax in meyajta'al teen. ⁹ Beytuuno Sisac, u ajaw Egipto, tal tu yo'okol Jerusalén ca tu ma'achaj u ayikalil u kulnaj Yuumtzil yéetel u ayikalil jalach naj. Ca tu bisaj tu láakal;bey xan tu bisaj le chimaloob béetáab yéetel oro tumen Salomón. ¹⁰ Le ajaw Roboam tu béeta chimaloob yéetel bronce u jeel le biisaab béetab yéetel oro, ca tu dzaj tu kaaboob cu canáanoobo, maxóob cu canaantico u jo'ol naj jalach naj. ¹¹ Cu yúuchu túune le can o'ococ le ajaw tu ta'ana Yuumtzile le cananóobó, cu bisico'ob ca'achi; cu dzóocolé cu su'uticóob tu c'uuchil tuux cu canáanticoob. ¹² Beytumen tónlaj Roboam tu ta'an Yuumtzilé, j máan u pp'uja'anilé, caj pa'ate ma' tu jach xu'ulsaji. Ouex tumen beyó yaan ca'ach báaloob cu béetáal máalóob Judá. ¹³ Beyó le ajaw Roboam ,múuka'anchaj u ajawil Jerusalén beyo ajawni. Roboam yáanti 41jáabó ca caj u ajawil ajawilnaaji 17 jáabo Jerusalén, le cáaj yéeyab tumen Yuumtzil ichil tu la'aakal u chi'ibalóob Israel utiál u dziic u káaba téelo. U ka'aaba u mamae Naama, x amonita. ¹⁴ Le tié tu béetaj ka'as, ma' tu dzaj u pucsical u caxtic Yuumtzil. ¹⁵ Utzicbalil Roboam, liikbal caajic tac dzooquiqué , dziibtaab tumen aj bo'obat Semaías yéetel Iddo le nayo'ob,¿ max tu dzii ba'alta u yotochna'alo'ob yéetel le báateloob áach'aj ichil Roboam yéetel Jeroboam? ¹⁶ Roboane wéene yéetel u ma'anja'an chiibáalóob, caj mu'uk tu caajil David; Abías u páale culaj tu jalach káanché.