¹ Le caa nuxi-chaa Samuele', tu yaala' ti' u palalo' cau p'isoltoo' Israel. ² U sucuntzilil u palale' u kabae' Joel, u caatul u palale' Abias caachi. Leeloba letioo' p'isoltic Beerseba. ³ U palaloobe ma' tu meetoo jeebix tu meta' u tataoobe' men tu ma' uuymat'antoo Dios, men tu tzaaypachtoo taakin, yetel kakas sibaloo', maun meetcoo' utzil baaloo'. ⁴ Beytuno' tu lacal u nuxibil Israel tu much' ubao' yicnal Samuel tee Ramajo'. ⁵ Caa tu yaaloti':"Pacte' teche' dzaa nuxita, a palaloobe maun meetcoo jeebix ta meete. Dzaa toon un tul ajawtial p'isolcoon toon jeebix tu laacal le caajoobo'". ⁶ Lela' ma' luub utzil ti' Samuele' caatu yaaloo:"Dzatoon un tul ajaw tial p'isoltcoon". "Beytuno' Samuele' payalchina ti yuntzil. ⁷ Yuntzile' tu yaala' ti Samuel:"Dza ti' a cajal le cu kaatcoobo, men letioobe ma' tech cu mambaal cunsqueehobi ten, baale' dzuu mambaalcunsquenoo' ten tial min meetquimba ajawil tioo' ⁸ Bey u meeticoo bejlae', jeebix tu metiloo' le kin tin joo'-sa le maacoo Egiptoe', tun dzaquenoo un tzelil yetel tun kulticoo u laak diosoo, beyxan u meticoo ta weteloo'. ⁹ Beyo' tan oltoo'; baale' udzi aaltioo met u yojeltcoo' bix bin cun ajautaalo' men le ajawoobo' ¹⁰ Beyo' Samuele' yu yaala' tu lacal u t'an yuntzil ti le caaj kaatic un tul Ajau. ¹¹ Tu yaala':"Bix cun ajawil le ajau ta' wokoleex. Letie' yan u chiic a palalex cu yeeyic tial u bolanil baateil, tial natic u tziminooo wa tial aalcab tu tan u bolanil baateil. ¹² Yan u teetic tial u meetuba nojochil ti' u milil u huachoo', wa u nojchil tial cincuenta huachoo'. Letie' yan u meetic ti wa jaituloobe caa jat luum-nacoo', u jeloobe' caa uxnacoo u laa' wa jaitule' tial cuu meetoo u nuuculil baateil wa' u nuucul tial le bolanoo' cu binoo' baateilo'. ¹³ Yan u ch'iic ti teex, a ch'uupalalex tial meyaj quibbooc, ch'ae' janal yetel tial meyaj wa' wa pakach. ¹⁴ Yan u ch'iic u jadz utzil le luumoo'bo', u chuchil tux caa pakquex uvas, le tux caa pakquex olivos, cu dzic ti uj meyajoo'. ¹⁵ Yan u ch'iic u diezmoil le neek'o beyxan le uvaso' cu dzic ti u nucuch meyajoo yetel ti u kosoo'. ¹⁶ Yan u ch'ic ti tex u jach maalobil le koosoobo yetel le xkosoobo'; u maaloobil le maacoo' tantanquelemoobo' yetel a chohuac xiquinex; cu dzicoo meyaj tu lacaloo' utial leti'. ¹⁷ Yan u ch'ic u diezmoil a tamanex teexe' cu palitzilquex. ¹⁸ Beytuno, le kin jeelo', ca tacpoleex yetel u jail a wicheex yo-sal le ajau le teex teto' a tial teex; baale yuntzile' ma' bin u nuucteex ti le kin jeelo'. ¹⁹ Baale le cajo' ma' tu yota' u yuub u t'an Samueli'; tu yaaloo':"¡Ma'! ec kaat un tul ajau tec okol. ²⁰ Yo-sal ec beytal jeebix u jel cajoobo, yo-salxan ec ajawe' cu p'isoltoon, caaxan xic tani ti toon yetel cuu batet ec baateiloo'. ²¹ Le caa tu yuuba' Samuel tu laacal u t'an le cajo', letie' tu caa aala' le t'anooba ich payalchi' ti yuntzil'. ²² Yuntzile' tu yaala ti' Samuele':"Tan oltoo yey untul ajau u tialtoo."Beytuno' Samuele' tu yaala' ti u maaquiloo' Israel:"Tu lacal xiboobe' kaanaan u suutoo tu nojcajaloo'.