¹ Saul oxlajun jaab ti caaj u meet-cu ajawi, le caa dzooc u meet cu ajawi camp'el laun jaab yook Israele'. ² Letie' tu teta oxp'el mil maacoo ti Israel. Caapel mile tian caach yetel Micmas beyxan ti u witziloo Betel, caliquil mile xiboobe tianoo caach yetel Jonatan tee Geba ti Benjamin. U yala' le huachoobo tu tuxta tu yotochoo, jujuntuloo caa xiico tu nayoo. ³ Jonatan tu jatza' tun leu huachiloo filisteos le yanoo caach Gebao, le filisteoso tu yuubo lela'. Beytuno' Saule' tu paxa' trompeta tu lacal tux, tun yaic:"Uuyees Hebreos". ⁴ Israele tu yuuba bin Saule' dzooc u jadzic u huachiloo le filisteoso', beyxan Israele' jach ch'ap'ectan men filisteos. Beytuno' le huachoobo' t'anon cu much'ubao' yetel Saul Gilga. ⁵ Le filisteoso tu much'ubao tial cuu batetoo Israel: Oxp'el mil bola'n tial bateil seis mil xiibob tial bisic u bolanil bateil, yetel huachoo jeebix u sac luumil u jal kanaabe. Letioobe naacoo caa tu meetu paseloo Micmas, tu la-kin Bet-Aven. ⁶ Leu xibiloo Israel caatu yiloo sen kas yaniloobe caachile- le cajoo tun yaolal, tu tacubao' ich actunoo, yaanal cheoo', paach toktunchoo, ti ch'eenoo yetel tancach jooloo'. ⁷ Wa' jaitul le Hebreoso' binoo yook Jordan tu luumiloo Ged yetel Galaad. Baale Saule tu pechuba' Gilgal tu laacal le cajo tzaypachmil yetel nojoch saaquilil. ⁸ Letie' tu paata' siete kinoo, leti le bucaa kin tu yaala Samuelo'. Baale Samuele' ma kuch Gilgali, le maacoobo tun maachtaloo ti Saul. ⁹ Saul tu yaala':"Taaseex le sibal tocaantaco beyxan u sibalil jeetzel:"Beytuno' leti kub le sibal tocaantaco'. ¹⁰ Chen p'elac u dzoocol u kubic le sibal tocaantaco Samuele' kuchi. Samuele bin u nactante yetel cuu tzique'. ¹¹ Beytuno' Samuele tu yaala:"¿Baax le dzaa meetico'? Saul tu nuuca': Le caa tin wila' le caj tun p'atqueno', yetel maan kuchul jeebix aalmiloo quex tin p'a-tquecho, yetelxan le filisteoso tun kuchloo Micmas. ¹² tene tin wala':"bejlae' le filisteosoobo yan u yemeloo' u p'eeltenoo' tee Gilgalo', dzoocole' tene' main kat ol u meyaj, utzil yuntzil. Beytuno' tin p'isimba in kub le sibal tocaano." ¹³ Beytuno' Samuele tu yaala' ti Saul:"Dzaa meetic bey ma' naateche. teche' maa' uuymat'ant u t'an yuntzil a Diios tu dzaatech. ¹⁴ Men yuntzil leti pak u pajtal yok Israel ma' tial caach xululi. Baale bejlae' a ajawile xuuli. Yuntzile' dzuu caxtic untul maac jeebix u pucsikal letie', yuntzile' dzuu tetic leti tial cu meet u nojoch dzulil yokol u cajal, men tecge' mata' uu yatanta le tu ajau aalta techo'". ¹⁵ Cu dzoocole Samuele liiki caa naacti Gilgal tac Guibea ti Benjami. Cu dzoocole' Saule' tu xoca' le maco yan yetelo', min seiscientos maacoo. ¹⁶ Saul, u pal Jonatan yetel le maacoo yan yeteloobo, p'atoo tee Geba utial Benjamin. Baale' le filisteoso' tu meetnu paseloo Micmas. ¹⁷ Ocoloo' cu taaloo' tux cu jeeleloo le filisteoso oxjatzo'. Un jaatzee bin Ofra tu luum Sual. ¹⁸ U laak un jaatze' bin tac Bet Horon u dzooc u jaatzo' binoo tu xul tux cu yilal u tadz luumil Zeboim tu tojil tocoyluum. ¹⁹ Minaan mix untul herrero tu lacal u suutulo' Israel, men le filisteoso cu yaacoo':"Wa ma' beyo' le hebreoso' dzuu meetcoo caach espadas wa' lanzas utial letioobe'. ²⁰ Tu lacal u xiibilo' Israel cu aala'olcoo le filisteoso tial u Jooss u yee' u escardilla, u pico, u baat yetel u hoz. ²¹ U tojole' caa xet ti oxxte u granosil siclo' yo-lal le escardillao' yetel le picoo', un xet ti oxxet u granoi' plata le cu joosal u yee' le baato' yetel xan u yudz quintcoo' le hozoobo'. ²² Beytuno', u kin le bateilo', maan caxtic mix un p'el espada wa' lanza tu kab mix untul huachoo le yanoo yetel Saul yetel Jonatan; chen Saul yetel u pal Jonatan yan espadas tio' caachi'. ²³ Le much' huachoo' ti le filisteoso' jookoo' tial u kat u belil Micmas.