¹ Beytuno' Nahas le Amonita bini caa tu ba'-pachtaj Jabes ti Galaad tu lacal tun u maaquiloo Jabese' tu yaalo ti Nahas:"Meet un p'el kaxtan tec etel bello' quee meyajtquex". ² Nahas Amonita tu nuuca:"Chen jali bey quini meet kax tan ta hutleexa', quin joos a noo' ichex ta lacleex teex, beyo' quin tasic kas yokol tu lacal Israel". ³ Beytuno' u nuxiboo Jabes tu nuucoo:"P'atoon tec jun siete kinoo, tial caa beyac tuxtic bisa t'anoo ti' tu lacal u luumil Israel, Beytuno', wa minaan mix maac tial toccoone quec kuubqueba' ta tanex" ⁴ Le bisa' t'anoobo' ku choo Ghibea', tux cajaan Saul, caa tu yaaloo tee caaj le bax dzuu yuchulo'. Tu lacal le cajo' ahuat okolnaji. ⁵ Saule' tun tal caach kax tu paach le huacaxoobo. Saule' tu yaala:"¿Baax cu yuchulti le cajo', tun yo-kol?" Letioobe tu yaalo ti Saul le dzooc u yaalic u maaquiloo Jabes. ⁶ Le caa tu yuuba Saul le cu yaacoobo; u pixan Diose emtu seeblaquil yo-kol leti', letie' yaab uchcu p'uujul. ⁷ Tu ch'aa caatul wacax caa paataanoo, tu xota' jujunxeeti' caa tu tuxtal tu lacal u luumil Israel men le bisa't'anoobo: letie' tu yaala':"Jeen maaxac ma' u jokol baateil tu tan Saul yetel Samuel, bey cun meetbil ti u caparbihuacaxoobo". Beytuno' u sabentzilil yuntzile' luub yo-kol le cajoobo, letiobe' tu much'ubao' bey n tulili' maaque'. ⁸ Saul caa tu dzicbata tee Bezeco', le winicoo tee Israeloo' min trescientos mil, u xiibiloo' Juda ocp'el lajun mil. ⁹ Letiobe tu yaaloo ti le tasat'aano taloobo:"Yaan a waaquex ti u xibiloo Jabes ti Galaad. Samuel chen chocochajac le kino' yan a toclex."Beytuno' le bisat'anoo' binoo caa tu yaaloo ti u xibiloo Jabes letioobe quimac-olnajoo. ¹⁰ Beytuno' u xibiloo Jabese' tu yaaloo ti le nahasilloob:"Samal ec kuquee ba ti teex, juubeytal a meetquex le bax ca tuc-liqueex tec etele'. ¹¹ Tu laa kine, Saul tu jaatze' caj oxjatzil. Caa ocoo' tee tux cu weneloo le huachoobo tial u sastal caatu juupuba u jadzoo le Amonitasoobo' tac tial u chocotal kin. Le ma' quiboobo titbesaabo, beyo' ma' p'at caatil much'tal un p'eli tux ¹² Beytuno le cajo tu yaala ti Samuel:"¿Maax caach aale?, ¿Saul cun u meet u ajawi tec okol?, Tas le maacootial quee quinsoobo". ¹³ Baale Saul tu yaala:"Mix mac kaanan u quimil bejlae', men bejlae' yuntzil dzuu toquic Israel." ¹⁴ Beytuno' Samuel tu yaala' tee cajo':"Cootenex. coonex tac Gilgal cac tumbencuns le ajawilteelo'. ¹⁵ Beytuno' le cajo' bin Gilgal caa tu meetoo ajawi Saul tu tan yuntzil tee Gilgaloo'. Teelo' letioobe tu ya-sibaltoo u sibalil jeetzel tu tan yuntzil Saul yetel tu lacal xiboob tee Israelo' nojoch quimacolal yancha'tioob.