¹ Pablo, xewitɨ ti uximayatame Jesucristo, utahɨawerieka mayani nɨ'ari, anayahanietɨ Kakaɨyari niukieya kuxatanikɨ. ² Mɨkɨ kahɨkɨtɨni niuki yukɨmana mekaxewiriyaxɨ yu nɨ'arima wa hetsie aku utsika maiwe. ³ Katanyɨneni Nu Ayakɨ, aku mutinɨiwaxɨ David nuiwarieya'tsie ketentekunɨnɨiwa hapɨ. ⁴ Mankuke'kɨ mɨkite watsata, Mɨkɨ payeitɨarie kunie titɨrɨkaɨye Nu'aya Kakaɨyari aku mɨkɨ Espirutu aixɨ ane-Jesucristo ta Ukiyari. ⁵ Mɨkɨ'Tsieta teyatuiriyarie imikieri metasiere Nɨ'ariekate temayeitɨarie te heu'ananantɨ yuri tete'eriekɨ, yunaimewatsie te huyahutɨ kepatɨ kiekari manmanetɨ'ka. ⁶ Mikɨ'tsie kiekari'te, xeme siere xeputihɨawerie xemakɨne'kɨ niwamama Jesucristo. ⁷ Mɨkɨ utsika yu naime watsie mieme ke ane menkutei Roma, kunie mete nake eriwa Kakaɨyari hepaɨsta, ke ane memuti'hɨawerie menhɨkɨtɨni'kɨ santos. Nenimayatsika xehamatɨa kekaniereni, metasiere Kakaɨyari uxipiyaya ta'Yau siere Ukiyari Jesuscristo. ⁸ Matɨari, ne Kakaɨyari panpayusi nerehɨawe Jesucristo xeyunaime'kɨ, yuri kexente'erie xemiku'xatakɨ naitsarie kwiepa. ⁹ Kakaɨyari kahɨkɨtɨni netsixeiya, aku nemi uximaya ne espiritu'kɨ niuki Hekwua neyatua Nu'ayatsie timieme, aku ke hapɨ tukarikɨ mankayeika nexe utiterɨwa xeme. ¹⁰ Ne tukari'kɨ nepiwawa neyunenewie tsepa ke hapɨ, ne paleku neranayayani'kɨ, Kakaɨyari kenreu yahɨwa, xehatsia nemeta anikɨ. ¹¹ Ne nexehauxeiyamɨkɨ, nexetsi heyatuirienikɨ imikieri espiritual, tɨrɨkariya xemexeiyanikɨ. ¹² Mɨkɨ kahɨkɨtɨni, pɨtasiere nereuyahɨwa temeyuyatuirieni waɨritsika teyunaitɨ, yuri ketente'erie te yu xexuitɨ. ¹³ Hɨkɨ'ta ne pɨnekwua reuna ke'erie xekwua te hakumateni, ne iwama, kename ne tukarikɨ ne iwaune xe hatsɨa nemie'kɨ (mɨta ne kwua upitɨarie hɨkɨrikie), nemenierekɨ kexemeyupaɨme, akusiere pɨnerekatɨa Gentiles watsa'ta. ¹⁴ Ne pɨnetinemate kename nexeraxaxatɨwani yunaime, griegos metasiere extranjeros, yunaitɨ, ke ane kunie rakumate metsiere ke ane kwuatiyu ɨkitɨarinɨa. ¹⁵ Ya umieme, ne, aixɨ nepaunekuyurie niuki nexetaxatsirienikɨ xemetsiere xemekutei Roma. ¹⁶ Ne nekwua hau'yu tewiya Kakaɨyari niukieyakɨ, metsɨ kahɨkɨtɨni Kakaɨyari tɨrɨkariya tatsi kuwikwestɨanike iya ke ane yuri mete'erie, manyaka iya judios mɨta siere griego. ¹⁷ Mɨta aixɨ rakayuruwa Kakaɨyari kayuhekɨatani yuri'eriyarikatsie. ke hapɨ tiu utɨarie'kɨ, ''KE ANE AIXɨ TIUKA IYARI KAKU WIKWUEMɨKɨ YURI TI ERIEKɨ.'' ¹⁸ Mɨta haxɨaya Kakaɨyari kayuhekɨ'aka ta heima iya ke ane aixɨ kwua ti ane teɨteri wahetsie, ke ane karekanakemekɨ kunama yuri manyɨne, ¹⁹ Ikɨ kahɨkɨtɨni rayukumate Kakaɨyari hepaɨsta ka hekɨaka wa hetsie. Mɨkɨ Kakaɨyari katiwaru xeiyastɨani. ²⁰ Mɨta kemu'ane kwua hekɨa, ha meitimani tɨrɨkariyaya kwua xɨwe meta siere kentiuka iyari, puxeiyarie paleku meripaitɨ kwie muyutamatsie. pini naitɨ tiutiwewiyatsie. Ya umieme kwuayɨwe xemeyu uweni. ²¹ Ikɨ kahɨkɨtɨni pɨta, tsepa mɨkɨ mete akumaikai Kakaɨyari hepaɨsta, mɨkɨ raya arɨkame me kwua ayeitɨa aku Mɨkɨ Kakaɨyari, metasiere panpayusi mekwua te he hɨawe. Pɨta , mepayaxɨri meka hau'enanatɨ kemeteyuku hɨawe, meta siere wa iyarite kwua reumate puti yɨxariyarie. ²² Mɨkɨ mepayuyeitɨa kunie mete akumateme, mepayaxɨri'ta meka heu'enanatɨ. ²³ Mɨkɨ mepipataxɨ kenraya axe Kakaɨyari kwua mɨwe pɨta'ta mepayexei tewi ɨkɨya mɨweme, meta siere meta'awiwawe, tewaxi yautari nauka memu ɨka , meta siere memaxɨriwawe. ²⁴ Ya umieme'ta Kakaɨyari waya tuiri xɨyaritɨarika iyari tsiti anemekɨ, wa waiyari tewinɨarieka watsata. ²⁵ Mɨkɨ mehɨkɨtɨni memitipataxɨ yuri manyɨne Kakaɨyari ti itarika'kɨ, pɨta memayexei memita uximayataxɨ wewiyakame ke iya Naime Tiutiwewi, ke'ane aku tukarikɨ tikwitɨarie, Pɨke'aneni. ²⁶ Ya umieme'ta, Kakaɨyari kawaya tuirieni xiyaritɨarika tewiweme, mɨta ukari meniuyutipata kemen anene iyakɨ aixɨ kwua tiuyu xexeiya. ²⁷ Metasiere ukitsi meniuku eirieni kemete uhukai ukari wahapɨ mɨta meniuyuti xɨyaritɨani yu naitɨ. Mɨkɨ mehɨkɨtɨkai ukitsi tsimete uyɨ tewiwemekɨ hipame ukitsi wamatɨa mɨta meyatuiriyarieni castiku wa hetsie timieme ya mamuyɨ'kɨ. ²⁸ Mɨkɨ pɨ me kwua utɨyɨ kename Kakaɨyari mehexeiyakai yu iyaritsie, Mɨkɨ ya umieme wayatuiri tsimeteyuku hɨaweni'kɨ yumu'utsie, tsimete kahunikɨ iya aku aixɨ kwuti'ane. ²⁹ Mɨkɨ me muti hɨniyarie tinaimekɨ haixɨ kwuati'ane, tsiranyɨne, kwuatsiya metasiere tsimete u iyarini'kɨ. Mɨkɨ mepayahɨpɨne kwuatsiya'kɨ, teyukwikate, meyukwuitɨwe, mete itawa metasiere tsimeteyu'rieku. ³⁰ Mɨkɨ meteyuwawiriwa, yu iwama mewa'ita, Kakaɨyari mamakaheka. Mɨkɨ mete ukatsewixima, me kwuateyu ɨkɨtɨarinia, kunietewa meyuka uitɨa. Mɨkɨ mehɨkɨ mete utsutɨa iya tsiranyɨne, metasiere yu yeyeuma mekwua wareu'enie. ³¹ Mɨkɨ mekwua ekamaitɨkɨka; kwuarekanake yuri hatiwa eririeka, mekwua te uyukamare metasiere mekwuate uyukanenimaya. ³² Mɨkɨ mete akumate'tɨ Kakaɨyari kenreuyahɨwa, mɨkɨ yementeka'hu aixɨ ane memukwinikeyu. Yatɨ'tɨ mɨkɨ xeikɨa mekwua yurie, mikitsiere metepitɨa hipatɨ pimeyɨaka.