¹ Mɨkɨ'ta akeri netsi'uxeiyestɨa aki'utɨa ha'a uhaneme tukari tukame cristal hapaɨ aneme. puhanekai hayenetɨ Kakaɨyari ɨparieya tɨa muxa'tɨa. ² Mɨkɨ ha'a puhanekai kiekari hixɨapa huye muye'ha'hapane'tsie. aki utɨa testana putiwekai iteɨri tukari hɨkɨ'tɨkai, hauka'yaxiketɨ tamamata heimana ikwaxi haukayaxiketɨ xei metsayari hautineika'kaku. mɨkɨ iteɨri xawari uaye hɨkɨtɨkai nuiwari wa'hetsie mieme. ³ Tawarie tsiranyitɨ kwatiti'xuawire Kakaɨyari ɨparieya meta muxa mana kiekaripa yu'kanieri'tɨaka nɨarimama'ta mepeyexeiyeni. ⁴ MɨKɨmexi mepi'xeiya kenraka'erie meta kentitewa puyeikani wa'hamatɨa. ⁵ Mɨta uyuwitɨ'ri kwa'ayani; tixaɨtɨri metehauye'hɨatɨ'ri makwa'akɨne ni hekɨariya meta hapaɨna kɨxeme meta hekɨariya ni tau mɨkɨ Kakaɨyari Ukiyari wa'hekɨariwiyeni wa'tsata. Mɨkɨ'ta xei'tsixi mepakɨne tukari mautihane. ⁶ Akeri'ta ne tiuta'hɨawixɨ ikɨ niuki ka'sas{unitɨni . Ukiyari,Kakaɨyari espíritus iya temaikate wa'renɨa'airi akeri tiwa'hekɨsti'irienikɨ mɨkɨ yu'nɨarima aku kepauku kentiyɨni kwitɨwa. ⁷ ¡Keneunieri'ta! ¡ne kwitɨ ne'nuani! Aixɨ ke'itɨarieka iya keane aixɨ tikamie niuki kemaine aku temaikate wa'niuki ikɨ xapa'tsie.'' ⁸ Ne Juan ne hɨkɨ ne mu'enaxɨ meta nemunierixɨ kemɨtiuyɨ.Kepaku ne nemu'enaxɨ ne mi'xei, ne neputitunumake mɨkɨ akeri hɨxie ne eyexiyatɨ mɨkɨ netsixeiyastɨa mɨkɨ ya'tianene. ⁹ Mɨkɨ nerahɨawe: ¡pɨ'pekwatiyurieneni! Ne ne hɨkɨ a'iwa ahamatɨa nɨari, iya a'iwama temaikate meta yati'anekɨ keane yemete'kahu kemaine ikɨ niuki ikɨ xapa'tsie.¡Ke'nayexeiyeni Kakaɨyari''. ¹⁰ Mɨkɨ nera'hɨawe: ''pekwai'utani mɨkɨ temaikate wa'niuki kemaine ikɨ xapa'tsie, ariri tukari pu'hura. Iya keani aixɨ kwatiuka'iyari kene'hayawani ketiye'eweiyani pɨ'tikamietɨ. ¹¹ Iya keane, yu'mu'utsie tsiti'ane rexeiya , ke nehayawani ketiuweiyani tsitiane. meta keane aixɨ tiuka'iyari, paɨ'ketikamieni aixɨ tiuka'iyaritɨ. mɨta keane aixɨ mauyu'kuyuirie Kakaɨyari'tsie, keneha'yawani ke'umieni aixɨ yuyurietɨ. ¹² ¡keneunieri! ne kwitɨwa nenuani. nerexeiyatɨ imikieri ne'hetsie mieme, meta mɨkɨ netiwa'yetui'rieni yu'xexuime akaxewimekɨ kemen'teuyuri. ¹³ Ne ne'hɨkɨ manye'haitɨa Alfa meta makwinatɨ Omega, meta mu'haitɨa mukwinatɨ,meta hapaɨna tiuka'tsutɨa meta ranhɨani. ¹⁴ Aixɨ meke'itɨarieka iya keane yemetekahu ɨki'ítsika kemaine mɨkɨ heitserie meme'xeiyanikɨ memiti'kwanikɨ iteɨri tukari'yari'tsie, meta memautaha'xɨanikɨ kiekari'tsie itupari mauwie'tsie. ¹⁵ Mɨta ta'kwa me'yukuhayawa tsɨikɨri, meta mete'yukewaiya, meta karayunitsixi aixɨ me'kwatekahu meta siere teyumiekate, meta me waraye'xeiya yusite'kɨyexiyari, iya keane reutemawie meta yatikamie xeikɨakɨ. ¹⁶ Ne, Jesús akeri ne peyanɨa titaxa'takɨ pini'tsie rakunetɨkakɨ teyupanie hepasta. Ne ne hɨkɨ nana David nuiwareiya, xurawe xawa'tɨ matineika ximeri. ¹⁷ Mɨkɨ Espíritu meta wikiwame kanaineni: ¡kwiniwa! keane e'na nepaine: ¡niwa! Keane mauharimɨkɨ,xekeneupitɨa maya'nikɨ keane pɨ'tiku'eriwa,xekeneupitɨa ha'a tukari me'xeiyenikɨ katiyu'tɨatɨ. ¹⁸ Ne nepaine yunaitɨ keane men'enana niuki me'enie meripai mieme ikɨ xapa'tsie: xɨka xewitɨ niuki anaye'hɨani Kakaɨyari'ta plagas waranayatsirieni ikɨ aku maka'uxa xapa'tsie. ¹⁹ Xɨka xewitɨ niuki ana'yexɨrieni ikɨ xapa'tsie temaikate wa'utsíka, Kakaɨyari siere'ta pikumaweriya iteɨri tukariyari kiekari aixɨ ane makuma, ya'ti'anekaku ya'reuku'uxa ikɨ xapa'tsie. ²⁰ Mɨkɨ keane tiku'xata ikɨ yamanyɨne paine: ²¹ ¡hɨ! ne kwitɨ ne nuani''. ¡pɨ'ke'aneni! ¡niwa, Ukiyari Jesús! Pampariyusi kehɨkɨtɨni ta'Ukiyari Jesús yu'naime wa'tsie ke'yukanieritɨaka. paɨ ke'aneni.