¹ Anamɨ taheima yuawitsie meta kwie hekuame nepuxei matɨari taheima yuawitsie meta matɨari kwie pukumawirekai, Haramara hapaɨana pɨpuyɨ. ² Nepuxei kekari aixɨ'ane Jerusalén, hekwame akamiekame taheima yuawitsie Kakaɨyari hatsɨ, 'akaneka, 'aixɨ hauku'anenetɨ wa'atɨ wikiwame aixɨ reuyukuniɨtɨatɨ kɨnaya yeikame hetsie ku'eriwatɨ ³ Niuki nepu'eni yutɨrɨkarima haniutɨ 'uwenitsata ayeneikame pɨhaitɨ: ''¡ xeunieri! Kakaɨyari kweiparieya kayukanieritɨaka teɨteriwatsata meta 'iyaa wahamatɨa tayarɨni mɨkɨ kekarieya mepakɨne, Kakaɨyari hekɨatɨ wahamatɨa puyeikani meta wa'Kakaɨyari Payani. ⁴ Iyaa waɨkwui pauku itieni wahɨxiteta, manamɨ tawari mɨkiriya kwatixuawere hakwa'uyukayeine, ni tsuari, ni kukwiniya, Meripaitɨ kentiuyɨ pukumawirixɨ. ⁵ Iya uwenitsie makaatei pɨputayɨ: ¡Xeunenieri! naime tihekwame netiutiwewi! Iyaa pɨputayɨ: Ikɨ ketaka'utɨa ikɨ niuki yuri manyinekɨ meta kwa iitarikakɨ. ⁶ Iyaá pɨnetiutahɨawixɨ: ''yatiuyɨri ne nehɨkɨ manyaka Alfa meta makwinatɨ Omega, reukahaitɨa meta kwinatɨme. Ke ane mauharimɨkɨ, Ne nepiharitɨani neka iwiyatɨ haa tukari tiyupitɨwa aku haixata mieme. ⁷ Ke ane rayu'íwaa payaani ikɨ timamatɨarieni ne'ta Kakaɨyarieya nepayani mɨta mɨkɨ neniwe payani. ⁸ Mɨta memukamama, sasuni mekwate'erie, metenanawaya, teyu kwikate, yuwaɨkawame mewamate, meteyukewaiya, tewewiyatɨkaime mete ayexeiya meta yunaitɨ mete itaawa, wakie payani harakuna azufre ta'atsie. Ana hutarieka mekwinitsie hɨkɨ. ⁹ Akeritsixi me atahutatɨ xewitɨ nehatsɨa patɨa, aku iyaá atahuta xakɨrɨte ma'ɨkai ayamaneme kwinatɨme atahuta kwiniya mɨta pɨnerahɨawe: ''Ana'i hura xakɨ'ni. Iyaá wikiwame nexexeiyastɨani, muxa ɨyaya.'' ¹⁰ Umaniere netsi hetɨ Espíritutsie hɨri utewimetsie mɨta kiekari aixɨ ane netsu xeiyastɨa, Jerusalén, taheima Kakaɨyari hatsɨa akamiekame. ¹¹ Jerusalén Kakaɨyari hekɨariyaya pexeiyakai mɨta hekɨariyaya kuka wichi anenetɨ hapaɨ tiyu hekɨakai, Jaspe teteyari hapaɨ ririkiyari anyehekɨatɨ. ¹² Kuraru pexeiyakai atiyatɨ 12 itupari yayautɨ peixeiyakai, ituparitsieta 12 akeritsixi mepan ukai. ¹³ Hixɨatatsie haikatɨ itupari pexeiyakai utatatsie haika itupari, tserietatsie haika itupari mɨta tsutata haika itupari. ¹⁴ Kuraruta kiekari pexeiyakai 12 teki tete yatsarika pawewiyakai, hetsiena pa uxakai xewitɨ kementetewa Muxa nɨ'arimama. ¹⁵ Iya nehamatɨa tikuxatakai kɨye ti inɨnɨatame hapaɨ aneme pakwekai orokɨ wewiyakame, kiekari inɨnɨtame, itupari kemutɨtɨ, muta kuraru ma'ka. ¹⁶ Kiekari putamarie kwie nauka tsikuri hexeiyame, yaxeikɨa hautatetewame. Iyaá kiekari pu'inɨataxɨ ti inɨatame makwekai, 12,000 estadio ayetewitɨ (yaxeikɨa ayetewitɨatayautɨ mɨta yaxeikɨa hautitetewatɨ). ¹⁷ Iyaá hapaɨna pi inɨataxɨ kuraru makatei, 144 inɨariyari tewi mama tsikuritsie ukaikame (ikɨ inɨari hapaɨna akeritsixi wa'inɨari hɨkɨ). ¹⁸ Kuraru jaspekɨ wewiyakai meta kiekari wewiyakai orokɨ tixaɨtɨ katinɨitɨarietɨ, anyehekɨatɨ xikɨri hapaɨ. ¹⁹ Kuraru pawewiyakai aixɨ tiyuhekɨatɨ naitɨ tetexi xuawe wichiti anene paukutekai. Matɨari jaspe hɨkɨtɨkai, hutarieka safiro, hairieka agata, naurieka esmeralda hɨkɨtɨkai, ²⁰ auxuwirieka onice hɨkɨtɨkai, ataxewirieka sardio hɨkɨtɨkai, atahutarieka crisolito, atahairieka berilio, atanaurieka topacio, tamamatarieka crisopraso, tamamata heimana xewirieka jacinto, tamamata heimana hutarieka amatsita hɨkɨtɨkai. ²¹ Ituparite tamamata heimana perlakɨ wewiyakai xexuitɨ itupari xeime perlakɨ wewiyakai. Huye oroyatɨkatei tixaɨtɨ katinɨitɨarietɨ puyahahapanekai kiekaritsie, xikɨri hapaɨ anyehekɨatɨ. ²² Teyupanie nekwa uxei kiekarita, Ukiyari naimekɨ tiyɨwe Kakaɨyari meta muxa teyupanie mehɨkɨkɨ. ²³ Kiekaritsie tau hekɨariyaya kwahauyewekakai ya metseri hetsiena kɨxenikɨ Kakaɨyari hekɨariyaya mana yukanieritɨakaikɨ, meta iyaá Muxa kɨxeme hɨkɨ. ²⁴ Yu naitɨ kepatɨ nuiwari mexuawetsie, Reytsixi kwiepa me xuawe kepaɨmeme metehexeiya hɨxiena mete atɨani. ²⁵ Hekɨta ituparitsie kwareunamiexɨani mɨta ka ukuyɨyɨretɨ payani. ²⁶ Hetsiena mete atɨani mete hexeiya nuiwarite kwiepa mexuawe hapaɨna wa tɨrɨkariya. ²⁷ Hetsiena kwahautahani tsiti anetɨ. Ni hapaɨna ke ane tsitikamie ya hapaɨna aixɨ katiyukuhɨawetɨ, xeikɨa meyɨwawexɨani kehate kementetewa memaka uxa Tukari Kwaxɨwe Muxa Xapayatsie