¹ Nemautanierixɨa mɨta nepuxei muxa uweme hɨrimutsie'tsie Sion. Mɨkɨ Matɨa mexuawekai 144,000 iyamexi mepexeiyakai Kentitewa meta siere kentitewa Wayau pa uxekai wahɨxie. ² Nepu'eni niuki akanekame neheima pɨtiuyuanekai yuarieya hapaɨ haa haxɨpatɨ meta siere tɨrɨkaɨyeme mimierika hapaɨ tiuyuaneme. Mɨkɨ nemu'eni siere pɨtiuyu eniɨrɨkɨrekai teyuitɨwame wahapɨ wa atɨ yuwaɨkawa meteheyuitɨa yu kanarikɨ. ³ Mɨkɨ mekwikakai hekwuame kwikari uweni hɨxie meta siere wahɨxie yunaukame tewaxi memu'uwa meta siere ukirawetsixi wa hɨxie. Nixewitɨ kwayɨwekai kwikari metimani xeikɨa iya 144,000 aixɨ memu itɨariekai kwiepa. ⁴ Mɨkɨ mehɨkɨ tsimekwate uyɨ hipame ukari wamatɨa, memuyuti utaxɨkɨ tsimekwa aku'ane. Mɨkɨ mehɨkɨ memuweiya Muxa tsepa Mɨkɨ kemetɨa. Mɨkɨ aixɨ mepu itɨarie teɨteri watsa'ta memakɨnekɨ mawari Kakaɨyari hepaɨsta aku Muxa. ⁵ Nixewitɨ itarika kwa ukaxeiyarie watenie, mɨkɨ mehɨkɨ aixɨ me ane'ne uweni hɨxie aku Kakaɨyari. ⁶ Nepuxei tawari xeime akeri uwiximeme ekatsie, ke ane mɨkɨ mahaɨritakai niuki kwuaxɨwe aixɨ ane niuki hekwua mitaxata'kɨ ke ane aku iya kwiepa menkutei - kwie anyayau'tsie, marekate, yɨkɨ mete uniuka meta siere yunaitɨ teɨteri. ⁷ Mɨkɨ pauta hiwaxɨa tɨrikaɨyemekɨ: '' Kakaɨyari xekeneutexieka xekenayeitɨaka Mɨkɨ kunie raya arɨkame. Maya axe'kɨ aixɨ Raka'yurieni Xekenayexeiyani Mɨkɨ, Mɨkɨ aku mutawewi ta heima makaniere, kwie, haramara, meta siere haixate.'' ⁸ Xewitɨ'ta akeri - hutarieka akeri - pɨpainekai: ''Matiwe, matiwe Babilonia mutewi, ke ane aku tiuyuri yunaime kiekaripa waran'itɨa winu xɨyaritɨarika tsiranyɨnemekɨ. ⁹ Xewitɨ'ta akeri - hairieka akeri - warankuwei, pɨhaitɨ tɨrɨkaiyemekɨ haniutɨ: ''Xɨkate xewitɨ ayexeiya tewaxi tsiti itɨa meta siere ɨkiyaya mɨta xikate utana ke'erieni ra utɨarieni yakatɨxaɨ yumamatsie, ¹⁰ mɨkɨ'tsiere pan'ieni winu Kakaɨyari haxɨaya, aku winu makatuarie kamɨinarietɨ tekɨxieyatsie Mɨkɨ haxɨaya. Ke ane tewi men'ieni tikwinitɨarieni taikɨ meta siere azufre Wa akeritsixi santos hɨxie meta siere hɨxie Muxa. ¹¹ Kɨtsieya tiyukwinitɨwa pantineika tukarikɨ meta'siere tukari makamie meta mɨkɨ'siere mekwa uka'uxipiwa hekɨta meta siere tɨkarikɨ - mɨkɨ memayexeiya tewaxi tsiti'itɨa meta siere ɨkiya'ya, ke ane'ta siere memutana ke'eri mema utsiyarie kenti tewa. ¹² Ana'i mehɨawerieka metetakwewieka teewimekɨ aku santos, ke ane aku memau'enie Kakaɨyari mari'itsikaya meta yuri mete erie Jesús'tsie.'' ¹³ Taheima mieme niuki xeime nepu'eni: '' Ketaka utɨa ikɨ: Aixɨ meke itɨarieka mɨkɨte memukwi yuri mete'erietɨ Ukiyari'tsie.'' ''Hɨ,'' mɨkɨpaine Espíritu, '' Mɨkɨ meka uxipienikɨ yu uximaya'tsikatsie, kementekahu waruweiya.'' ¹⁴ Nepautanierixɨ mɨta nepuxei muwa haiwi tutusame. Mana'pakatei pɨtiuyu xexeiyatɨ Tewi Nu'aya hapaɨ. Mɨkɨ panamakakai yumu utsie kuruna oro'kɨ wewiyakame meta siere pakwe'kai kutsira atamɨariekame. ¹⁵ Mɨta xewitɨ akeri payatɨa xiriki'ta mɨta pita hɨawixɨ hayeyeuretɨ ke ane aku maka'ka haiwɨtsie: '' Akutsira keneutikwue'i paya'a itsanarika, ariri ikwuaxi kwuepa aixɨ ane.'' ¹⁶ Mɨta ke'ane makatei haiwitsie yukutsira kwuepa pauke, mɨta kwie puka itsna'rie. ¹⁷ Tawari'ta xewitɨ akeri wayatɨa xiriki'ta petɨa yu heima; mɨkɨ siere pakwekai kutsira atamɨariekame. ¹⁸ Mɨta tawari xewitɨ akeri watitɨa xiriki'ta aku pɨtsi'ta, mɨkɨ mexeiyakai mutanɨ'ani tai'tsie. Mɨkɨ putahɨawixɨ tɨrɨkaiyemekɨ akeri aku kutsira makwuekai atamɨariekame: ''Keneutikwe'i akutsira matamɨarie mɨta keneutiteɨxɨ yakɨ papaɨmeme uvas mau'ta etsietɨka kwiepa, kwa'kwaxiri uvas.'' ¹⁹ Mɨkɨ akeri pauke yukutsira kwiepa mɨta putiteɨxixɨ kwiepa itsanari uvas mɨta peikaxɨri haxnekameta xari aku winu Kakaɨyari haxɨaya. ²⁰ Muyetekai'ta putaketsinarie takwa kiekaripa mɨta xuriya payakunixɨ mɨta xuriya kunie tewa puti'a wa'atɨ kawayu hukayatsie hapaɨ hautatewame 300 kilometros.