¹ Ikɨ kanihɨkɨtɨni Jesucristo xeiyastɨarikaya aku Kakaɨyari tiwahekɨastɨirienikɨ te'uximayatamete aku kemɨtiyɨni. Mɨta mɨkɨ paɨ tikatɨa yu'akeri penɨa nɨariekame Juan hatsɨa. ² Juan ta'wayetuiri yu'ɨxatsi tinaime'tsie timieme kemɨtiyurienekai Kakaɨyari meta niukieya kemainekai meta ya xeikɨa yu'ɨxatsika kuxatakai Jesucristo tsie rakunetɨkakɨ. ³ Imikieri kanihɨkɨtɨni keane mekaterɨwa, tɨrɨkarima meta keanimexi niuki men'enie ikɨ timaikame yatikuxatakɨ, meta keanimexi yametekahu utsika'tsie kemɨreuku'uxa mɨtari tukari reuhura maye'ani. ⁴ Juan, atahutame teyupanie aku ku'u Asia: panpariyutsi xeme, kaiwatɨ katiumakani ke'ane uxipiya mɨhɨkɨ meta ke'ane mɨhɨkɨtɨkai meta yaxeikɨa ke'ane mamie, Meta yaxeikɨ atahuta espiritus hɨxiena menkaniere yu'uweni makatsie, ⁵ Mɨta Jesucristo kanihɨkɨtɨni nierekame kati'itawamekɨ aku Iya memuhaitɨa menkwikwií meta xeiyes'tsixi wa 'Itsɨkame kwie'tama Mɨkɨ waɨkawa tatsihauyehɨwa meta tatsi'akuwenaxɨ tatatakuri'tsie yu'xuriyakɨ. ⁶ Mɨta mɨkɨ kataniutinɨitɨani tatsinitsixi Kakaɨyaritsie Yuyautsie Itipitɨ paɨke'aneni raye 'akamekɨ meta tɨrɨkaɨyekɨ tukari yehane tukarikɨ. Pɨke'aneni. ⁷ Xekeneunenieri, kanakamieni haiwimatɨ yunaitɨ yu hɨxitekɨ menierikuni, yaxeikɨa Iyame kehate me kwa 'unierixɨ. Yunaitɨ kwiepa mentama mekanititsuakuni Kɨmana. Hɨ, paɨke'aneni. ⁸ ''Ne nehɨkɨtɨni manyaka yukatsutɨ meta manwetse,'' Kanaineni 'Ukiyari Kakaɨyari, ''aku ke'ane mɨhɨkɨ meta meripaitɨ muyeika meta ya xeikɨa keane mamie, mɨkɨ Tɨrɨkaɨye.'' ⁹ Ne,Juan -xe'iwa 'aku hapaɨna netiukakukuiine xehamatɨa meta mɨkɨ niuki nekuxata meta netinewie nekahauyumexɨitɨatɨ Jesús 'utɨa temuhukɨ -neuyeikatɨ kwie itsiyewa haramaratsie yema Patmos tiyetewakaku Kakaɨyari niukieyakɨ ne'uweiyarietɨ meta siere kenentiunierixɨkɨ Jesús hepaɨsta. ¹⁰ Espíritutsie neyukanieritɨatɨ Kakaɨyari tukarieya mayeikatsie. Ne niuki ne pu'eni tɨrɨkaɨyeme ne'utɨa 'awa hapaɨ tiuyuatɨ. ¹¹ Paɨ painekai: ''Kenaka'utɨa xapa'tsie ekɨ kepemɨtiniere, mɨta kenannɨa teyupani 'atahutatɨ ku'utsie - aku Efeso, Esmirma, Pérgamo, Tiatira, Sardis, Filadelfia mɨta Laodicea.'' ¹² Mɨta nepautaerixɨa ne nierekɨ keane netsi hahɨawekai, nehanakunierixɨtsie nepuxei 'atahutame katira 'uitɨwame 'oroyatɨkaime. ¹³ Mana katira 'uitɨwame hixɨapana payewekai 'Uki Nu'aya hapaɨ anetɨ, hauketɨ kutuni tewime 'anakatɨtɨ 'uka'akame ɨkayatsiepaitɨ, mɨta 'anayuhɨatɨ hɨayame 'oro'maɨyemekɨ. ¹⁴ Mu'uya meta Kɨpateya witsitituxatɨ muxa huxarieya hapaɨ - kwaní hapaɨ , meta Hɨxiteya tai hɨkɨtɨkai antiteteretɨ. ¹⁵ ɨkateya tiuyuxexeiyakai bronce tatɨkaitɨ hapaɨ tsi'anenetɨ wa'atɨ horno'ta raya'ɨiya hapaɨ, mɨta niukieya aki haa hapaɨ tiuyuatɨ. ¹⁶ Mɨkɨ siere yumamaa tserieta patɨkɨkai 'atahutame xurawetsixi, tetana payeneikakai kutsira 'ata mɨariekame naitsata hautixikakaunitɨ. Yu hɨxieta puti merɨkakai tau hapaɨ meta siere payexa'watɨkai waɨkawa tɨrɨkaɨyemekɨ. ¹⁷ Kepauku nemixei'tsie, ɨkateyatɨa nepukawe tewi mɨkitɨ hapaɨ. Iyaá yu mama tseriekɨ netsi 'umayɨa pɨputayɨ: ¹⁸ Meta Iyaá muyeika, Ne nemumɨkai, Mɨta keneunieri, ¡ Ne nenuyeikani tukarikɨ! meta ya xeikɨa ne nepatɨkɨ tiyepiwame mɨkite memeukaxɨriwa mieme, meta taipa mieme. ¹⁹ Mɨkɨ yapentiniere, ketinaka'utɨa, kepemɨtiunierixɨ, hɨkɨ yati 'anekɨ meta kemɨtiyɨi waritana reumietɨ. ²⁰ 'Aku keanyɨtɨ manyɨne awiekamekɨ 'atahutame xurawetsixi pewaruxeiyakɨ newaratɨkɨme, ne mama tseriekɨ, meta ya xeikɨa 'atahutame katirate oro'yatɨkaime, 'atahuta xurawetsixi mekanihɨkɨtɨni 'atahutame teyupani 'akeritsixi mama, meta ya xeikɨa atahutame katirate kanihɨkɨtɨni teyupanite.