¹ Mexi'ta, tame tetaniniereni wa+kamek+ teta'enanaka kete'm+te'ena, m+ta aku tekwa'hautewanik+ wa'hets+a. ² M+ta niuki mu'yutaxa akeritsixi wa'niuki sasúni kani'h+k+t+ni tatakuri mete'yupit+a'tsie meta ke'ane ya'kwatikamie meta aix+ ranyemie kastiku pankwewieni, ³ ¿m+ta kepa+ tete'uyu'awietawe tame x+ka wikwikest+arika raya'axe wa+kawa wate'haukah+ani? Ik+ kani'h+k+t+ni wikwest+arika mat+ari iya Ukiyari mita'xaa meta maka'xewi ta'hetsie mieme m+ta isiere keanimexi memi'eni. ⁴ Meta isiere anam+'tsie tukari Kaka+yari tiu'taxa tihekak+, temawiya meta kwatiy+we hapa+ m+ta hapa+na imikieri wa'yetuiri Espítu Santo akaxewimek+ Kaka+yari kem+'reuyeh+wak+. ⁵ M+ta Kaka+yari kwatiu'yuri akeritsixi wa'rakuw+t+a kwie tama rakamie, aku temiku'xatak+. ⁶ M+ta ta'aurie mawetse pa+ta,xewit+ waipait+ reta'xaa,hait+: ¿TITA REUY+NE UKI,M+TA EK+ PERE'XEIYENI TITA RE'XEIYA M+K+ META PEMEYE'ERIWANIK+? ¿META ISIERE UKI NU'AYA M+TA EK+ K+MANA KENEU'AH+WENI? ⁷ EK+ PEMUTAWEWI UKI KARA'AYAKAME KE'YURI AKERITSIXI; KURUNA PEMENTIMANIRI RAYA'AKAME HAUMAKAMEK+ PEMEN'ENI. META EK+ PEMUY+WEKAX+A PEMAN'TAHUI TINAIME'TSIE. ⁸ Meta m+k+ tiu'yuri aku Kaka+yari tinaime pini yu'hetsie tih++. Meta yaxeik+a tixa+ kwatiuku'eiriwe katih+'riekame M+K+ hats+a. meta akuxi tame te'kwate'xeiya tinaime yu'hetsie tih+kame M+K+. ⁹ M+ta teniereni aku iya keane mutawewiya yak+ hauyumait+ ke'akeritsixi, meta yate'wimek+,m+ta Jesús, kwiniyayak+ meta hapa+na m+kirieyak+ kuruna kanana'maniyerieni raya'akamek+. M+ta ta'aurie mawetse hik+ Kaka+yari nenimayatsikaya'k+ M+K+ wa'in+ata m+kiriya'tsie yu'xexuime ukitsi. ¹⁰ M+ta pa+'reuyewekai Kaka+yari kename tinait+ pini tixuawe tipiniteya,m+ta wa+kawame wa'niwema wa'at+anik+ raya'axe'tsie,meta m+k+ yu'xa+ta yu'kuwikwest+anik+ yu'kwiniya'tsie, ¹¹ M+k+ keane iya aix+ ti'yurie m+ta m+k+mexi aix+ me'it+ariet+ka, ya'xeik+a m+k+ wa'yeu.M+ta M+K+ kahau'yute'wiyat+ tiwaruter+wa iwamarixi. ¹² M+K+ pa+ paine: NE IWAMA NEWA'TATER+WIRIENI KEPETITEWA;NE TA'KWIKA A'HETSIE TIEMEK+ WA'TSATA PAIT+ ME MAYUTIXEXE+RIWA'TSIE. ¹³ M+ta ta'warie: sasúni netita'erieni M+k+ hetsie. M+ta ta'warie: XEUNIERI, ENAÍ NE PUYEIKA NE NIWEMA WA'MAT+A AKU KAKA+YARI NE'TSIYETUIRI. ¹⁴ Mexi'ta , Kaka+yari niwemama waí meta xuriya meyun+'+ ya'xeik+a me'anene, m+ta isiere Jesús m+k+mexi wa'hapa+ ane, m+ta ta'aurie mawetsek+ yu'm+kiriya'tsie M+K+ me'iwakekaik+ aku keane muy+wekax+a t+r+kariya he'xeiyet+ mat+a rayu'iwax+ m+kiriya'tsie m+k+ ik+ kah+k+t+ni t+kakame. ¹⁵ M+ta aimie ik+ tiuy+ M+K+ y+weka'x+anik+ yunaime m+k+mexi wa'tax+nak+ meta isiere ke'hate me mamat+ m+kiriya'tsie me mu'uwakai tukarik+ me'akuw+t+. ¹⁶ Tam+'ta akerixitsi wa'k+ hawaik+ kwa'hauyu'h+awe M+K+; sinú pa+ta Abraham hatsiyarimama'k+. ¹⁷ Mexi'ta M+K+ y+wekai yu'iwama warayeit+ani tsepa kepauka't+ni meta isiere mayani tatsini manyeka tiuyuka'nenimaya Kaka+yari muweiya ke'maine, M+K+ y+wet+ payeikakai te+teri tiwareuyeh+wirieni tatakuri'tsie. ¹⁸ M+ta Jesús tiu'kwinix+'tsie ,pu'tai'n+a'tsie, m+ta ya'xeik+a m+k+ tiuparewiwe iyamexi ke'hate in+atsika meme'xeiya'tsie.