¹ Meri pait+ Kaka+yari ta tutuma kawakuh+awekait+ni mete haumate wamat+a wa+kawamexa tsepa ke hapa+. ² M+ta yeti anet+ hik+ taa, M+k+ katanikuh+aweni Yuniwetsiek+, aku m+k+ mayeit+a naime yuhetsie tih+ni tita tixuawe. M+k+tsiek+ aku nait+ ti yuawitsie katiuhek+are. ³ M+k+ xeik+a h+k+ Kaka+yari hek+ariwe, ya xeik+a tikamiet+ kenti'anek+. M+k+ yeme katiwikwest+aka nait+ pinite ti xuawe ke maine niukieyatsie t+r+ka+yemek+. Yatari tiuyurieka watakurik+ waruti'itieka, kanayer+ni tserieta ta heima mautitewatsiepai. ⁴ M+k+ kanayani t+r+ka+yet+ akeritsixi waheimapai kawet+, hapa+na kentitewa M+k+ kayatuiriyarieni aya'akame+ mekwatetetewa hapa+. ⁵ Titak+ta ¿ke ane aku yu akeritsixi Kaka+yari p+rah+awe heiwa: "EK+ NENIWE PEH+K+, HIK+ NE A YAU NEPANEYEIT+A." "NE YAUYA NE H+K+T+NI, M+K+TA NENIWE H+K+T+NI?" ⁶ Tawarita hapa+na, kepauku aku Kaka+yari Yuniwe mat+aria at+ani kwiepa, M+k+ paine: "MEYUNAIT+ KAKA+YARI AKERITSIXIMAMA MEPEYEXEIYANI." ⁷ Akeritsixi wahetsie paine: "KE ANE AKERITSIXI MEKAHEK+AKAME WARAYEIT+A, MEWAPAREWIE MEXAWAWAT+ME TAIK+." ⁸ Yuniwetsie M+k+ paine: "A +PARI, KAKA+YARI, HEYEME H+K+ MAUTIHANE. EK+ PAPANKWEWIE AIX+ TI'ANE WAPEREUKAH+AT+ AIX+ KWATI'ANE. ⁹ YA UMIEME KAKA+YARI, A KAKA+YARI, PENAKA HAWIYARIENI HAXEITIK+ TEMAWIRI+K+ MASI NI KE A IWAMA. ¹⁰ MERIPAIT+, UKIYARI, EK+ ENA KWIEPA NIUKI PEPUKUHAYEWAX+ AIX+ ANEME. TA HEIMA TI XUAWE A MAMATEK+ PETIUYURI. ¹¹ M+K+ MEPAUYEWENI, EK+TA PEPUMIENI. M+K+MEXI MEYUNAIT+ METITSANE PINI HAPA+. ¹² HEK+TA PEWATI EIMA IXURIKIK+, METIWAPARIENI PINI METE ANAKAPINIT+ARIET+. EK+ XEIK+A EK+ PEH+K+ NI KWA'AKAX+NI M+IXA WITARI. ¹³ Aku ta, ¿ke ane ta akeritsixi Kaka+yari rah+awe: "NEUYEXI NETSERIETA KE PAUKU TSIMETE'IT+T+A A +KATET+A WAHEIMA PEMAYAR+NI"? ¹⁴ ¿Meyunait+ akeritsixi mekwah+k+ mete'uximaya, men+'ariet+ mete'+wiyanik+ aku metepit+arieni mekuwikwest+arieri?