¹ Xeketene pit+aka nake'eriyarie kexuaweni xetsata. ² Xekwuate hat+mamaiyani iwawatamete'k+ xewarankwe wieka. Karik+ m+k+tsie, hipat+ mewarankwuewieni akeritsix+ mekate akumait+. ³ Xeke newaraya eriwani kaxariyari memaya'u, wa'at+ xeme xete akuw+ siere wahamat+a. Xeke newaraya eriwani iya aku memukananaimarie, wa'at+ xeme siere xeteh+k+ xetekwuinit+arie xe waiyari'tsie. ⁴ Memuyuw+t+k+ mekewatexieka timaiwe hapa+ yunait+. Wa uta memuyuwit+k+ aix+ ke aneni, M+k+ Kaka+yari warantax+rieni ke ane te+teri tsimetey+a tsirany+nemek+ meta siere yewa'xi siere karayunitsix+ ⁵ P+xekwuateka hun+ wa'at+ tumini kunie xete hau nake'erie hapa+. xekene yutemamawieka tita xetehauxeiyak+, Kaka+yari yuk+mana kaniutay+ni: NEKWA METSI HAYAWA NI NEKUA METSIKU EIRIENI.'' ⁶ Tekeyutemamawieka tey+wawet+ temak+ne: '' UKIYARI NESPAREWIWAME; NE KWUA HAUMARI. KETS+ NE NETSIYURIENI TEWI?'' ⁷ Xekenewara ye'eriwana mexe ahana, ke'ane aku iya Kaka+yari niuki mexetsi utaxat+a, xeke'na eriwani aix+ ranayeneika kexente kahu. Xekene +keni yuri kemente erie. ⁸ Jesucristo yaxeik+a kanih+k+t+ni takai mieme meta siere hik+ meta siere tukari makamie. ⁹ Xekwa a x+riyat+weni hau'eriet+ y+k+ ti anenemek+ ik+t+arika katiyumain+akame. Aix+ ane iyari yut+r+kariyani nenimayats+ka'tsie, hawa+k+ iyak+ ikwai kemeteyuku h+awe kwuati waparewie ke'ane iya k+mana memu'uwa. ¹⁰ Tepexeiya niwetari muwa tiyepine kwuay+we muwa xiriki'ta hatutikwani. ¹¹ M+k+ waxuriya tewaxi, memawarie tatakurik+, kaniu'at+ariwani maku'santoyatsie, mexita wa waiyari taiyarie takwua kiekaripa. ¹² Pa+m+ta yaxeik+a, Jesús tiukwinix+ kiekari'ta takwua itupari manya axe, wa santificar+wani'k+ kiekatari Yu xuriyak+. ¹³ Tekeneuhuni, m+ta, M+k+ hats+a takwua kiekarita, teyutatuat+ M+k+ hapa+ kentiu tewin+arie. ¹⁴ Tekwa hexeiya kiekari tukari yurieweme ana'i. Ya umieme, tepiwaut+we kiekari makamie. ¹⁵ M+k+'K+, m+ta , tekeyatuaka tukarik+ mawari Kaka+ayari tetekwit+at+, kwikari kah+k+t+ni ikwuaxi tenie hayaneika kunie raya ar+kame mayeit+a Kentitewa. ¹⁶ Metasiere tekwuata hat+t+maiyani aix+ teteka huni metasiere teyuparewiet+, m+k+ mawari h+k+ mik+ta wa+kawa pinakie Kaka+yari. ¹⁷ Xekeneu enanaka metasiere xewa eniet+ mexe ahana, m+k+ karik+ meh+ka xe k+p+ri, m+k+ yememetiy+ni kementeka'k+ xek+mana kuinat+rieka. Xekenewa enieka mexe ahapana m+k+ meyutemamawiet+ mete'ta uximayata mekahauyu heiweriet+. aix+ kwuaxetiyurieni xikate tsiti aneni. ¹⁸ Tahetsie mieme xeyunenewiet+, yuri tepayeit+a kename aix+ teteyuku h+awe, meta p+tete hauya h+wa aix+ tetekahuni tinaimetsie. ¹⁹ Ne nexetsi hauwairirie p+xetekahuni wa+kawamek+, nemayenenik+ yapauku xehats+a. ²⁰ Hik+, Kaka+yari keyatuaka uxipiya, m+k+ aku mankuke mikite watsata wa +wiyame muxatsi, ta Ukiyari Jesús, yu xuriyak+ mekaxewiriyax+ kahau'ar+kame, ²¹ aix+ xetsi utiyuri xey+wawet+ xemak+ne yexetekak+ne Kenreuna ke'erie. M+k+ ta hetsie ke uyuhek+ata tita aix+ ti'ane M+k+ tita tinake, Jesucristo'tsie, M+k+ kunie raya at+ ke ayeit+arieka tukari makamie meta siere tukari'k+. P+ke aneni. ²² Hik+'ta nexetsi hauwa+ririe, ne iwama, xekene enieka niuki mari'istika nexetsi aka utsiri yetewimek+. ²³ Xeketena kumaika ta iwa Timoteo kane wayayepiyani kaxariyari'ta, m+k+ mat+a nexetsi ha ix+ariemie xikate yapauku henuani. ²⁴ Teiwari keware h+ka iya yunaime mexetsi ahana meta yunait+ santos. Italia'tari mexetsi ha h+awe. ²⁵ Nenimayatsika xehetsie ke kaniereni.