¹ Ya umieme, texeiyarie ta'aurie mamu uwa metatsi xeiya iwamarixi, watepih+aka tita tatiukuhapana hapa+na titak+ tatakuri teteyupit+a. Tepu nautsar+meni tewa'ut+ ik+ nautsari ta h+xie kaniere. ² Tepiku eniwani tepi enieka Jesús, M+k+ aku h+k+ tatsi xeiya aix+ tatsi yurie sasuni tete'erietsie. Temawiya muxeiyast+ariek+, kuruxi pu'neewi, tewiyarika wahaun+'at+, m+ta Kaka+yari aurie tserieta putiya uwenieyatsie. ³ Ya umieme xeku eriwani Hetsiena, Iya ke ane tiukwinix+ tahetsie mieme Yu waiyaritsie kukuiniya miti'pi, xeme xekwa u'uxenik+ yu iyaritsie siere xeka ukunuax+anik+. ⁴ Xeme kuxi wairiyarika xekwa yupit+awawe xekwa yutikwiwawe tatakuri hepa+sta xekwayu xurist+awe. ⁵ M+ta xeme xetehat+maiyax+ tukari xepit+a xeniwemamak+: ''NENIWE, YETEWIMEK+ PAKWA AKUH+AWENI UKIYARI METSI HAATE'AK+ NI PAKWA UXENI KEPAUKU PATATIERIENITSIE. ⁶ METS+ M+K+ UKIYARI XETATIENI YUNAIME KE ANE WAREUYAH+WA, M+TA M+K+ KASTIKU WAPIT+A YUNAIME KE ANE YU MAMATSIE WAH+.'' ⁷ Xenewieka m+k+ kukuiniya kastiku hapa+. Kaka+yari xeme p+xeti +wiya yuniwema wahapa+. M+ta, ¿ke ane niwetsiekame yu yau pate'a? ⁸ X+kata xeme xekahatieriwani, aku yunait+ te+teri p+mete u'hu, xemets+ xekane maaremama xekaneniwemama. ⁹ Mexita akuxi, taame ta yeyeuma tewarexeiyakai ana kwiepa metatsi hate'akai, m+ta taame tewa texiekai. ¿P+kati anenikeyu temei eniekake masi wa+kawa ta Yau m+ta temu uwanikeyu? ¹⁰ Mets+ yu mamak+ ta yeyeuma mata niutiwani echiwa xeik+a xei tukari, ke hapa+ m+k+ meteku eriwakai kename aix+ ranyine. Xeitapata p+ta, Kaka+yari yatatsi yuriene tame aix+ tete u'iyarinik+ hamat+ana temeiti manik+ tatakuri kwahexeiya. ¹¹ Tierika aix+ kwamaya hamuta tierienitsie, wa+kawa tiyukukuine. Umaniereta, m+k+ ut+mana aix+ hatiuyumani uxipiya haputi xuawit+ani iya siere wahepa+sta ke ane mete uta'+kit+arie tierikak+. ¹² Ya umieme yu mama'te kaw+ xet+r+kariyani yu teuri siere kwat+r+r+kawi aku. ¹³ Xeu huyetar+meni heitserie xe ketate muyak+netsie, ke ane +kam+ri kwa atiwautseni p+ta aix+ it+arieka. ¹⁴ Xeuweiyani uxipiya yu naime wahepa+sta, hapa+na siere tatakuri xekwa pit+aka x+ka p+xe aneni Yu Ukiyari xekwa xeiya. ¹⁵ Xeyu +wiyani kataku xewit+ Kaka+yari imiekierieya heiyah+aka, kataku nána utineni xe iyaritsie m+ta wa+kawa tsiti aneme titiwiwieni, kataku yuwa+kawat+ ya anyinemek+ mete utikwikwine. ¹⁶ Xeyu +wiyani kataku xuaweni ukari temawiyarika Esaú kemuy+ hapa+ xekwa aneni, xei xak+r+yarik+ ikwai tiu paatax+ yu imikieri mat+ari nuiwakaik+. ¹⁷ M+ta xete akumate umaniere, kepauku yu imikieri yu mamatsie h+nikekai, m+k+ kwa utanake'eriwax+, mets+ kakanika xeika yuti iyarit+ani, tsepa t+t+ hatsuat+ miwaukai. ¹⁸ Mets+ xeme xekwa ayeix+a ana'i h+rimutsietsie kway+we aku kumay+iyani, h+rimutsie tai h+k+ antiteteret+, uy+xa+yet+, utimer+kat+ wa+kawa. ¹⁹ Xeme xekwa hayeix+a awa xeku eniet+wet+, ni nuiki iya ke ane memi enie memiwawa tawari niukik+ makwa hah+awer+wani. ²⁰ Mets+ m+k+mexi maka inewi kehapa+ mete un+'ariekai: ''X+KA XEWIT+ TÉWA YAUTANAKA HIRIMUTSI UKUMAY+ANIKE, P+KETI ANENI KE ANAYATUAXIET+YANI.'' ²¹ Wa+kawa mariika pat+a ik+ Moisés yatui nierit+arie: ''NEPAU'MA NEPU Y+Y+AKA'' ²² Hetsiena mieme, xeme xeh+k+ h+ri Sión siere kiekari Kaka+yari mayeniere kaniere, Jerusalén taheimama mieme, siere akeritsixi makayu in+arit+ wiesta mewewiet+. ²³ Xeme xeh+k+ xeyu xe+rie mat+ari nuiwakate xemaka ut+arie taheima. Xepu ax+a Kaka+yari aix+ rakayuruwa yu naime watsie, siere k+p+ri makanieretsie aix+ mete u'iyari aku aix+ memuti it+arie. ²⁴ Xeme Jesús hats+a xemu ax+a, M+k+ H+k+ taheima nunuwame aku hekwame temakaxewiriyarie, aku siere xuriyak+ tiuxurimarie masi aix+ ane ke akuxi Abel tiuxurimak+. ²⁵ Xeunieri xeme waxekwa heikah+aka iya ke ane xehah+awe. X+ka m+k+mexi maka uyuta'una kepauku wamemeikah+a iya ke ane mamutatieriekai kwiepa metaama, tameta masi tekwa y+wekax+ani temuyuti awieta, x+ka tehautéware Iyaa ke ane tatsi hatee'a taheima pai kanieret+. ²⁶ Heiwa mieme yu niukik+ kwie putayuit+a. Hík+ta hik+ tatsi akaxewiririe p+hait+: ''TAWARI HAIWA MIEME, NE, KWIE XEIK+A NEKWATA YUIT+ANI, HAPA+NA SIERE TAHEIMA TAMA.'' ²⁷ Ik+ niuki: ''HEIWA MIEME TAWARI'', p+ anyit+ panyine kuyuit+arieni pini tita tiyuawawe, p+ anyit+ panyine, aku pini tita tiutiwewiya, aku tita pini kwatiyuit+ariewawe rayeneniereni. ²⁸ Ya umieme, yu mamatsie ih+t+ xeime reino kway+we aku kuyuit+arieni, panpayusi xeutiyuaneni m+ta pa+m+ te utiyuat+ Kaka+yari tepayexeiyani teheitexiet+ siere tehaumamat+. ²⁹ Mets+ ta Kaka+yari kah+k+t+ni tai tiyutaiyame.