¹ Pablo, Jesucristo nɨ'arieya pɨ reunake eriekaku Kakaɨyari metasiere tatakuri mekwa te hexeiya Efesotari metasiere ke ane Jesucristo mamuweiya. ² Aixɨ xeke itɨarieka xeme Kakaɨyari'tsie ta Yau meta siere Ukiyari Jesucristo. ³ Ta Kakaɨyari ta Yau ta Ukiyari Jesucristo aixɨ raya atɨ ke ayeitɨarieka, imikieri tatiyatuirie naime kepa tixɨawe imikieri espiritual taheima timieme aku Cristo'sie. ⁴ Kakaɨyari tatsi anayahapa meripaitɨ kwie kata wewiwekaku, tame tehɨkɨtɨnikɨ tatakuri tekate hexeiyatɨ temu uwani tekate atɨtɨiyarietɨ hɨxiena. ⁵ Kakaɨyari tatsi anaya hapa niwemama temakɨnekɨ Jesucristo'sie, pɨreuya hɨakaikɨ. ⁶ Yu niwama tatsi ayeitɨakɨ temeyexeiyanikɨ kwinie tewa te ikaketɨ tatsi utinenimayataxɨ Mɨkɨ piyatua Yu'Niwe aku waɨkawa mauyahuwa. ⁷ Mɨkɨtsie Jesucristo aixɨ te itɨarie yu xuriyatsie mɨta tareuya hɨwirie ta'tatakurikɨ, mɨkɨ kepa mexeiya nenimayatsika. ⁸ Mɨkɨ waɨkawa yetua nenimayatsika ta hetsie kenreutamaiwe meta siere kenreika henietɨyeika. ⁹ Kakaɨyari tatsi uxeiyastɨa kehekuyitɨ mekuyine ti awietɨ kenreu nake'erie, mɨkɨ kentinake, Mɨkɨ mi hekɨataxɨ Cristo'sie. ¹⁰ Uximayatsika'ya Cristo hɨkɨtɨ'kai kentiyɨnikekai maya anikɨ tukari, naime tiku xeɨrienikɨ, aku naime ta heima timieme meta siere kwiepa, mu'ukame xewitɨ xeikɨa mayanikɨ aku Cristo. ¹¹ Cristo'tsie te manaya hapanie te teyatuiriyarienikɨ. Meripaitɨ pɨ tiuyɨhuawekai Mɨkɨ kentiyurienikekai, pɨti uximaya pɨtiyɨnikɨ kenti yukuhɨawe. ¹² Kakaɨyari tastsi anayahapa teteya tuiriyarienikɨ tame temakɨnekɨ temanyetei tehexeiyatɨ wikwestɨarika Cristo'sie, tame tete ikwitɨakakɨ kwinie raya arɨkame te ayeitɨatɨ. ¹³ Cristo'tsie, xeme siere, kepauku xemeiti enieni niukɨ yuri hɨkɨ, hekwamekɨ kenti kuxata ke hantiu wikweni kepaukuta yuri xete ta erieni Mɨkɨ'tsie meta siere xeyatuiriyarieni'tsie Espiritu Santo. ¹⁴ Mɨkɨ Espiritu Santo pexɨkahexeiyani pɨ anyitɨ panyɨne kename ari'ri imikieri petiyatuiriyarie aya'ari, ya umieme kete kwitɨaka kwinie raya arɨkame pa ayeitɨatɨ. ¹⁵ Ya umieme, yene tiu enaka kename yuri xete erie Ukiyari'tsie Jesus, metasiere kexete warauyahɨwa'kɨ yunaime Kakaɨyari kiekarieya Santo, ¹⁶ ne nekwati haya'wawe panpayusi ne rehɨawetɨ Kakaɨyari xe hetsiemieme tukari'kɨ nexe utiterɨwa ne nenewiyatsie. ¹⁷ Ne neyunenewie mɨkɨ Kakaɨyari ta'Ukiyari, Mɨkɨ Yaukame aku kwinie raya axe, kexe yatuirieni espiritu kwinie timaiwe kexetiuxeiyastɨani Mɨkɨ kenra kumate. ¹⁸ Ne neyunenewie yu iyaritsie xe manta nenierekɨ, xekeheitɨmani wikwestɨarika yuri hɨkɨ, Mɨkɨ xehɨawe xetiyatuirienike waɨka kepa xeyeiya xehetsiemieme Kakaɨyari nɨiwarieya santo. ¹⁹ Metasiere ne neyunenewie ne peya wawa xeme xeke heitimani kenti tɨrɨkaɨye ta hetsie aku ke ane yuri tete erie, keta ti nama yu tɨrɨkariyakɨ. ²⁰ Ikɨ yaxeikɨa kahɨkɨtɨni tɨrɨkariyaya Kakaɨyari tiuta uximaya Cristo'tsie, kepauku Mɨkɨ mankuke mɨkiriyatsie mɨta menkaye Mɨkɨmatɨa yu tserieta wata paitɨ wichilaku'anetsie. ²¹ Mɨkɨ pankaye Cristo yu naime watsie anyakaitɨ itsɨkate wa'heima meta siere mete nɨ'atsie metasiere tɨrɨkariyatsie tixuawe kati hekɨakamekɨ. Cristo itsɨkame payani hikɨ xeikɨa waikɨ tukaritsie, siere tukari makamietsie. ²² Kakaɨyari tiukupi Cristo hetɨana, mɨta yatuiri teyupanie mu'ukame hɨkɨ kepatɨ tiyepine tipinieya. ²³ Teyupanie hɨkɨ Waiyarieya, Mɨkɨ kenti tɨrɨkaɨye'kɨ wa hɨniya yunaime, naimetsie.