¹ Pablo,Silvano meta Timoteo Tesalonicenses wa'teyupanie Kakaɨyari Yaukame meta Ukiyari Jesucristo.Nenimayatsika uxipiya mana xe'hetsie keyukanieritɨaka. ² Tame tukarikɨ Kakaɨyari pamparius tetenehɨaweni xe'hetsie mieme yunaitɨ, hetsiena te xekuhayawani ta'nenewiyakɨ. ³ Tame te neye'eristɨwani teka wa'uwetɨ Ta'Kakaɨyari Ta'Yau hɨxie, mɨta uximayatsika yuri'eriyeri,uximayatsikatsie nake'eriyeri'tsie hakunenakɨ kahau'yumexɨitɨatɨ sasuni ayeitɨatɨ hautinieretɨ Ukiyari Jesucristo'tsie. ⁴ Ne iwama ne xehauyahɨwa, ⁵ Tameri tenekumaika kename tatsi'anayahapa mɨta kaniunuani Kakaɨyari niukieya xe'hetsɨa niuki waɨkawa hawaikɨ sinú paɨta tɨrɨkaɨyemekɨ, Espíritu Santo'kɨ ya'anemekɨ waɨkawa tɨrɨkaɨyemekɨ. Ikɨ yamanyɨnekɨ xeme xetenakumaika tame ketemɨte'uhu xe'hetsie xɨka te yɨwawenike texe'uparewiwekaku. ⁶ Xeme xenakɨne te yu'ɨkekate tame ketemɨte'uhu'tsie meta Ukiyari'tsie, mexi'ta Kakaɨyari niukieya me ankwewi me muweiyeriekai'tsie meyu'temamawietɨ Espítu Santo'tsie. ⁷ Ta'aurie mawetse xeme xenakɨne aixɨ xetekahú iya wa'hepasta yunaitɨ sasúni mete'utari Macedonia meta Acaya memɨkútei ⁸ Mɨta muwa ne ayayayu xe'hetsɨa, Kakaɨyari niukieya kaniuyu'enieni, Macedonia meta Acaya menkutekai xeikɨa ha'waikɨ sinú naitsarie sasúni eriyeri Kakaɨyari'tsie kaniuyuta'iwieni.Aku kename yuri xete'erie, tameri tsitemútiyɨni te'kwayɨwame. ⁹ Mɨta mɨkɨmexi paɨ mete'kuxata, aixɨ xeme xetate'ankwewi'tsie. ¹⁰ Mɨkɨmexi paɨ mete kuxata kename xeme xewarupataxɨ yusite wewiyakate meta Kakaɨyari mayeniere sasúni hɨkɨ xepayexeiya. Mɨkɨmexi niuki paɨ anekame me kaniyetuaka kename xeme xekwewie iyaá Nuaya hutapaitɨ ta'heima, aku keane mankuke mɨkite wa'tsata. Ikɨ kanihɨkɨtɨni Jesús, keane tatsixɨna haxɨa makamietsie.