¹ Paprurni , tayapstampan nda tputsmun misha tputsmuntam nda uwi , ashriya Isusmuncha misha Apanllmun , tayapstatriya watam Apanll tsipakchu anotsta tuxizarguwa , ² ashriya ichingruni zuwanche nuwapta tayapstaini , iglesiy Galasiashchema: ³ Na chinashish siyamcha misha mapishish Apanllmun anmunsha wipamun Isusmuno , ⁴ Usha wanatsi watsipun nda pachindrangiya iyam yutritshishrini , tapachindamam na tarashish yutritsho , Apanllsha iya chinako ashrsngiya , ⁵ Ashriya uwachsha ungirtachniya urutamrita . Wapri. ⁶ Nu napuxtana siyatsi watam Apanlle wapirus taksawa , usha siya kuruzranguwa isusmun chinako. Nu napuxtakna siyatsi watam nllitritachsha taysptashish tachitaksawa. ⁷ Insha ashkis an ndati nllitrit taysptashish tareja nda , itrusha ashpatam tputs siyam xarashish wayaknaya ashriya zankana an Isuso tayapstash kasapna atu ashkaniya. ⁸ Ashriya na isha , misha kanindshuch kamanmapan , tayapstargini anochsha kasairo , nllitritsha tayapstashish kamankinari waneeshish kiyung kachiychiya, ⁹ Ichtro kamanrangni anritam , nasha yususha kamankina: "wandaya tputs tayapstargini anochsha kasairo nllitrisha tayapstashish kamanko an tputs waneshish kiyung kachiychiya" ¹⁰ Watam ¿nu nachungaki an tputs wanasircha at angaz o Apanll wanasircha atu angaz? misha ¿nu nachungakezi tputse chinash tuminmama? ashriya nu wand tputse chinash tuminmam chinaknarena , ashriya nu isuschichezi ndambri. ¹¹ Yasapna atina , zuwanche , tayapstashish nu kamanki an tputseja tayapstashni. Nduntam tputs panargiya nuwama misha nduntam tayapstargiya. ¹² Ashriya Isus nuwa kamaneru kamachtargiya. ¹³ Ichingrus maznarangtischa nuwa tarashi tushirgo utaspasa anotsi , nu Isuschiche kiyung yachatrina,Apanlle tachitkana anowa chingamam zandrangna. Nu utaspas arangnasha nargina zapan nuwapa masachri tatsamrana anpa misha nuwansho tarashi takna anpata. ¹⁴ Ashritam kizpur tsiyandatrina misha nu aparetsi tarash payurgina. ¹⁵ Itrusha Apanllsha , yu nuwa ipusrangu anershirti waxangna , misha yu nuwa kuruzrangu chinashmuno , ¹⁶ wipatssha nuwam yamdargiya , ashriya nusha kamanmama Apanlle wipa nllitritam tputsi , nda mikmashchiri mashrangna nutsemi misha kurasremi. ¹⁷ Nu nda nargina Irusarenpi yap Apanllush tachiterna ambi ndatma nu tachitchuri , ashriya nargina Arabiyapi anmunsha kanaprangna Damaskupi. ¹⁸ Ashriya tuchip masach tushiramacho nargina Irusarenpi pangpi cefasatsi aturi misha uwash targina kuwiz zametpa matairo zari. ¹⁹ Itrusha nda pargina minowa isuschichetsi,Sandegotsim pargina kurakretsni zonlli. ²⁰ Yuwash yandagi , nu zurkina Apanllmuno nda ngichkina. ²¹ Anmunsha nargina tarashish Siriap misha Ciliciapi. ²² Nuwa nda yasarganiya utiyshuch iglesia Isuso chinakna anowa. ²³ Ushtisin maznaksin targana an :¿An kamuz minush zar iya kiyung yachargu an , nasha mangoz tatshishe kamankiya yuwa kuz tpachingapi targo anotsi. ²⁴ Ashriya Apanlle ungirtarganiya nuwa pargusna.