¹ Ashritam , kuwiz ipumnar matairo masach taramcho natrangna yususha Irusarenpi Bernabepata Titochsha machrangtamna nuwanpatata. ² Natrangna watam wana Apanll kamachtarguwa tayapstashe kamanmama tunarshoutata. 3 Ashriya tsiyatrangna yanitrita yuwa parguri nind zurmari chinach aturi anotsi , nargi an nda guti nargina. ³ Itrusha Titsha , nuwapa ipunrangu an griegshuchmuncha , nda kamachtargana tase ktsupmama. ⁴ Yu ngichersin isuchichtnicha targana an pishumshuch kusrangnaya tsangayruni napni atusna , mapiruni isusmun kis takni anotsi. ⁵ Ushtisin iya muchurtamam zandrangnaya , itrusha isha nda chinarginiya tana anotsi minamtema , ashriya zurmari kamanrangni anotssha sisa payumama. ⁶ Ushtisin wanatsi ungirtargana , yu ashrana anotsi , nusha nda mapergina , watam Apanll tputse ungirtaku anowa nda ipuskuwa , ashriya ungirtargana anshtisin nda nuwa chinashish kanesich wayarganiya. ⁷ Misha nuwash parganiya wana Apanll tayapstamam wayargu anotsi nllitritamtata , Pitro isuschichem tayapstamam wayargu ashritamna. ⁸ Watam Apanll wana istarguwa Pitroma isuchichem tayapstamama , nuwachsha ipusrangtamta tputse nllitritam tayapstamama. ⁹ Sandeksha , Cefas , misha Wanga , ashriya uwa patuznazpaz ashru iglesiash wayarganiya , mangonrangnaya Apanll chinashe panargu anotsi , ashriya chinashipa kuwiz uputsutsnunchipa putargiya Bernabeyatsi misha nuwatsi. Ashrangna an iya wanii nllitritap tputs nayrusin tayapstapna atu ashrangnaya, ashriya ushtisin isuschichip namama. ¹⁰ Ushtisin pukrewa tayapstangtsa targiya iyatsi , yu nuwana chinargi anrita. ¹¹ Misha Cefassha kusrangiya Antiokiypi , ashriya nusha tasaseruri tuxarargina watam mantsir tarawaztarguwa. ¹² Ndatma Sandek wipnash kuschusna , watam Cefassha nllitritpa tputs katungrangnawa. Itrusha Sandeksha wipnash parganiya Cefassha xizayru nargiya araprisha xiyrangiya nllitrita tputs kasayro. Usha punirgiya yuwa wayumshre tas ktsupmam kamachtargana anotsi. ¹³ Misha minshtisin utiyshuch washnad shaniyrangnaya chinashish mantsrimshisho. Bernabeysha ngots mantsrip tachitrangiya chinashish mantsrimshisho. ¹⁴ Itrusha nusha pargina uwa tarashi nda chinarganiya zurmari tayapstashetsi , targina Cefasatsi ichingrusin parsina:"shii utiyshuchtishcha , itrusha shisha nllitri tputs ashro taksha nda utiyshuch tamapri ashro. ¿ahsriya tamareja kamachtachish nllitrita tputs utiyshuch tamapri ashro tamama? ¹⁵ Isha utiyshuchnicha nllurtargini anmandrita nda yutritshishpanni tputs nllitri tamapri ashrezni; ¹⁶ Ashrita isha yasatnicha minamtem tputs nda yarma yu ashko anotsi Apanllmuno , ashriya wapamuncha Isusmun yarangsha.Isha kusrangtamnicha isusmun mangini tatkini anmuno ashriya isha kamiran yanatsi tarashni yarmama isusmun mangini tatkuni anmunsha Apanllmun kamachtash yu tuminkini anitsi. Watam yu ashkini Apanllmun wamachtashi anmun minamtem wanatsi nda yarchiya.