11 ¹ Beytuno YUMTZIL'E tu a'alaj ti Moisés: "Yam jun p'eel xan yayaj olal ken i taasej yook'ol Faraán yetel ti Egipto. Dsokol te lelá, leti' ken u cha'aj a bin te wayé. Chentun u cha'aj a biné, leti' ken u bisech pachil. ² Kaánsaj a kaajal yola tu laakal maaké yetel tu laakal colele u k'aat ti u yetwinkililoobe u nukuloobil plata yetel oro." ³ Te u sutulkilá YUMTZILÉ tu beet'a le egipcioiloobo ka u kiimak oltoob le israelitaoobo. Beyxan, le maak'o, Moisés dsok u najmaltik u j'ajkunsaal tu tan u ich' ti tu laakal u k'oosoob Farón yetel u kaajil Egipto. ⁴ Moisese tu a'alaj: "YUMTZILE ku a'alik le lelá: 'Tan chuumuk 'aak'abe yan in máan ti Egipto. ⁵ Tu laakal yaax paalal ti u lu'umil Egiptoe yan u kímil, ku chumbal ti u yax paal Faraón, kulukbá tu jalaach k'anché, tak ti u yaax paal le xpalitsiló ku kutá' tu pach u nukulil juuch' yetel u yaax chichnil wakax. ⁶ Yan u yanta' jun p'eel k'anchak ook'ol ti tu laakal u lu'umil Egipto, jen bix mix jun teen uchuk yetel mix jun teel ku ka' uchul. ⁷ Bale mix jun tuul pek' ku tojoltik yolal u kaajil Israel, mix tu yolal maak mix ti baalché. te beytuná yan u ojeltáa in dsamimbá jejelas ti egipvioiloob yetel israelitaoob'. ⁸ Tu laakal a k'oosobe, Faraón, yan u taaloob ti teen yetel ken u chi'nunpoloob tin tan. leti'oobe yan u a'alcoob: ¡Xeenex, teex yetel tu laakal a kaajeex ka u tsaypaachteex!'. Ka'tun te lelá teené kin jook'ol." Ka'tune leti'e bin yetel nojoch p'uujulil tu tan Faraón. ⁹ YUMTZILÉ tu a'alaj ti Moisés: "Faraone má' u bin u ch'enxikintech. E lelá tu yolá tumen teené yan in beeti nuukuch chikulaj tu lu'umil Egipto." ¹⁰ Moisés yetel Aaroné tu beetoob chikulaj tu tan Faraón. Bale YUMTZILÉ tu dsuikinsaj u puks'i'ik'al Faraón, yetel Faraone má' tu cha'aj u kaajalil israel ka jook'ook te tu lu'umo.