12 ¹ YUMTZILÉ tu t'aanaj Moisés yetel Aarón tu lu'umil Egipto: Leti'e tu a'alaj: ² "U ti'al teexe le wináala leti u chunul wináaloob, lu yaax wináalil jaab ti'al teex. ³ A'aleex ti u múuch'tsikbalil Israel: 'Tu diez kíiniloob le wináalá k'aabet a yeikeex jun tuul tamán wa jun tuul chivoo u ti'aloob. cada wotoche yan u beetik e lelá, jun péel tamán u tial jujun pay naaj. ⁴ Wa le naaj jach chich'an ti jun p'eel tamané, le maak yetel u yeet kajal k'aabet u ch'ikoob nonoj u bak'e tamán wa chiivo, bey nonoj u ti'al u xoocaboob le maakoobo. K'aabet nonoj u ti'al ka jaanalnak tu laakloob, beytuno k'aabet u chik'oob nonoj bak u ti'al u tsentkubao tu laakloob . ⁵ La tamanoob wa a chiivoob k'aabet jach utstakoob, jun tuul xibi chiivo jun p'eel jabtí. Teexe je u beyta a chikeex jun tuul tamán wa chivoo. ⁶ K'aabet a p'atkeex tak ti'al catorce u kíinil le wináó. Dzokolé tu laakal u muuch'tsikbalil Israel k'aabet u kinskoob le alako'ooba bey tan u taal u ak'abtalé. ⁷ K'aabet u ch'ikoob u p'it u kíkel ka u dsao te tu k'atselil le jonaoobo yetel te u xnakab chéliloob jonaj te naajoob tuk ken u jaantoob le bak'ó.. ⁸ K'aabet u jaankoob le ak'abo, chen dsokok u pook'aal ti k'aak. Jaanteex yetel wa'aj mank'antaan má' yetel xpajsakní, yetel k'ak'aj xiuoob. ⁹ Má jaantkeex cheché wa chak'an yetel já'. Bale kaabet a pookeex yook'ol k'aak' yetel u póol, u mayoob, yetel u baliloob ichil u nak'. ¹⁰ Má' kaabet a p'atkeex mix baa ti'i u ti'al jaskabí. K'aabet a took'eex jeken bá ka p'aatakti ti'al jaskabí. ¹¹ Bey k'aabet u jaantalá: yetel a k'axnak' a k'axmá, a xaanab a dsama ta ook', a xolte ta k'ab. K'aabet ajaanal seeb. E leló leti u tadmansaj YUMTZIL. ¹² YUMTZIL'E ku a'lik bey'a: Yan in bin ti u lu'umil Egiptoe ti le abiló yan in ch'apachtik tu laakal u yaax paalal wíinik wa alak ti tu lu'umil Egipto. Yan in taasik jads ti tu laakal u diosiloob Egipto. TeEn le YUMTZILÓ. ¹³ Le kík'o jun p'eel chikulaj ta naileex u ti'al in ta ti teex. Le che in iil le kík'o, Teen kin maan ta yok'ooleex chen xiken in ch'apachté u lu'umil Egipto. Le nojyajilá má' un taal ti teex yetel má' un dsoksikteex. ¹⁴ Le kíina yan u sutul jun p'eel k'asbejil teex yetel k'aabet a iikeex bey jun p'eel mánk'iinal u ti'al YUMTZIL. Laili xane bey jun p'eel almajt'an teexe, u ti'al tu laakal u ch'i'ibalil u kaajal k'aabet a ch'ailtikeex le kíin jela. ¹⁵ Yaan a jaantkeex wa'j ma yetel xpajsakaní uucp'eel kíinnoob.Ti le yaax kíino yan a tselkeex xpajsakan ichil a najileex. Jen maax ka u jaante le xpajsakam ti'al u chuunul yaax kíin, tak uuc kíin, le maako yan u tselel te Israelo. ¹⁶ Te yaax kíino yan u yaanta jun péel muuch'tsikbalil jatsa'an ti Teen, yetel ti uuc kíine yan u yaanta jun p'eel much'tambal. Mix jun p'eel meyajil ku beetbil te kíinooba, wamá chen meyaj jaanal u ti'al ka jaancoob. E leló chen leti' k'aabet u meyajtaal tumen teex. ¹⁷ K'aabet a iilkeex le mánk'iinal jelá u waji má' yetel xpajsakan, tumen le'te kíin uchaak in tasik le kaaja', jun p'eel muuch yantioob u nukulil batee ti jun p'eel muuch yantioob u nukulil batee, pachil ti u lu'umil Egipto. Beyó k'aabet tun a iilkeex e kíina ti tu laakal ch'i'ibaloob. E lelá yan u p'aatal jun p'eel almajt'aanil ti teex. ¹⁸ K'aabeet a jantikeex waj má' xpajsakaní ti'al u chinil kíin u kíinil catorce kíinil ti yaax wináal tak u chinil kíin tu veintiun kíin wináal. ¹⁹ Ti'al le uuc kíinooba. má u bin iilbí xpajsakan ta lejileex. Jen maax ka u jaant waj mak'antaan yetel xpajsakamé k'aabet u tseelé tu kajil Israel, keex má u yanal maak waxan maak sijan ta lu'um. ²⁰ Má k'aabeet a jjankeex mixbá yetel xpajsakan. Jel tux ka kajlacoobe, k'aabeet u jaankoob waj má yetel xpajsakaní." ²¹ Ka'atuné Moisese tu t'aanaj u nuxiibiloob Israel ka u a'alaj tioob: "Xeneex ka yeyex tamán wa chivoo u nonojil ka jaanak a wotocheex yetel a kinseex u tamanil le tds'mansajó. ²² Dsokolé ch'aeex jun p'eel k'axal hisopo ka chulkeex yetel le k'iik ku yantal te p'uuló. Chooeex le k'iik yan te p'uulo te tu kanlil je'elel chéi le jonajó yetel te tu k'aap'eel toj cheíloob le jonajó. Mix jun tuul ti teex k'aabeet a jooleex te jonajó tak u k'uchul jatskabkíin. ²³ Tumen YUMTZILÉ yan u maan yetel ken u ch'apachté le Egipcioiloobo. Le chen u iil le k'iik tu k'atcheil le jonajo yetel te tu tojcheiloobo. Leti'e ku maan ta jonajeex yetel má' u chaik ti le ajxuulsaj ka ookok tu najiloobo u ti'al u ch'apachtaloob. ²⁴ K'aabeet a iilkeex le úuchchajala. E lelá yan u páalta jun péel aalmajt'anil ti teex yetel ti'al a ch'i'ilencabileex. ²⁵ Le chen ookkeex te lu'um le YUMTZIL ken u ds´teex, jen bix dsok'aan u sebchitik, k'aabeet a iilkeex le meyaj u ti'al k'ultajil. ²⁶ Kéen a paalaleex u k'aat teex: ¿Baax u k'aat u yaal le u mejuj le k'ultaja'? ²⁷ Bey tuno teexe yana a'alkeex: 'Leti' u kinsaj sibalil tadsmansaj u ti'al YUMTZIL, tumen YUMTZILÉ maan yook'ool u najiloob le Israelitaobo ti Egipto, k'aa tu ch'apachtaj le Egipcioiloobo. Leti' tu jaalch'ataj le israelitaobo"'. Bey tuno le maakoobo nok'lajoob ka tu k'ultoob YUMTZIL. ²⁸ Le israelitaobo binoob ka tu maank'atoob jach jen bix YUMTZIL tu a'alaj ti Moises yetel ti Aarón. ²⁹ Man chuumuk ak'ab le YUMTZIL ka tu ch'apachtáj tu laakal u yaax paalil tu lu'umil Egipto, takti u yaax paal Faraón, le maax ku kutal tu jalach k'anché, tak u yaax paalal le yanó xan ti xk'alabnaj. yetel tu laakal yaax chichnil waakax. ³⁰ Faraone ka liik de ak'abe, leti' yetel tu laakal le k'oosoobo yetel tu laakal le egipcioobo. Ka yanchaj jun p'eel nojoch auat ti Egipto, tumen minan naj tux wa mix maak kiimi. ³¹ Faraone ka tu t'aanaj Moisés yetel Aarón te a'biló ka tu a'alaj: "Lik'eneex, xeenex te tin kaajalá, teex yetel le israelitaobo, Xeenex, k'ultex YUMTZIL, jen bix ta a'alkeex t'aak a mank'antikeex. ³² Ch'aex xan a tamaneex yetel a alak'eex, jen bix ta a'aleex xeenex yetel xan kít'anteneex. ³³ Le egipcioilobo tinoob ti jun p'eel nojoch péeksajil u ti'al u joosk'oob te lu'umó, tuem ku a'alkoob: "Tin laak'loné kimenoon." ³⁴ Beytuno le kaajó tu ch'aob le sakan má chaybesaj yetel xpajsakan. U chóbob ti'al u xaktikoob san u k'aaxoob, tu nook'oob yetel tu kelembaloob. ³⁵ Ti'ak lu kaajil Israel tu beet'a le bax tu a'alaj Moiseso. Yetel tu k'aatoob ti le egipcioiloobo nuukuloob beetan yetel oro, plata, yetel nook'. ³⁶ YUMTZILÉ tu beet'aj u yubik le egipcioiloobo jach taak u dsaik'oob kimakolal ti le Israelitaobo. Beytuno le Egipcioiloobo tu dsaoob tu laakal le baax tu k'aatoobo. Te beytuná, le Israelitaobo tu laj tseloob ti le Egipcioiloobo. ³⁷ Le Israelitaobo ximbanajoob te Ramsés tak ti Sucot. Leti'obe mi bey 600, 000 chen xiibo, má' xook le coleloobo mix le paalaloobo. ³⁸ Maakoob xak'ano má Israelitaobi bin xanó tu yeetelol, yetel u tamanoob yetel alak'oob, jach man yaabkach wakax. Leti'obe tu pibtoob waj má' yetel pajsakaní yetel le sakan tu taasób te Egiptoo. ³⁹ Má' yetel pajsakani tubente tu joosob Egiptoe yetel má' u beytal u xantaloob u ti'al u mank'atkoob janal. ⁴⁰ Le Israelitaobo kuxtajob Egiptoe 430 ja'aboob. ⁴¹ Tu tsokol le 430 ja'abobo, laili tu kíinilé, tu laakal le muuch'ub yetel u nuukuli batel ti YUMTZILÉ jook'oob tu lu'umil Egipto. ⁴² E lelá u abilil u yantaloob ajanoob, u ti'al YUMTZIL ka u joosob tu lu'umil Egipto. E lelá leti' u abil YUNTZIL u ti'al kimbesbil tumen tu laakal le israelitaobo tak tu lakal u ch'i'ilencabiloob le caajó. ⁴³ YUMTZILÉ yu a'alaj ti Moisés yetel ti Aarón: "E lelá leti' u p'at'ani le tadzmansajo: mix jun tuul tanxel tuxi ka beylak u takpajal ti le janalo. ⁴⁴ Chen baale, tu laakal u palitsil le Israelitaobo, manaan yetel takín, je u beytal u takpajal ku dsokol u xootl u winkililé. ⁴⁵ Le tanxel tuxiloob yetel le jmeyajoobo m'a u beytal u jaankoob mix jun p'eel jaanal. ⁴⁶ Le jaanlo yan u jaantal ti najil. Má' u beytal u jo'osa le bak pachil ti najil, yetel má' u beytal a k'achkeex mix jun p'eel u baakeloob. ⁴⁷ Tu laakal u kajnalil Israel k'aabeet u kíimbesik le mánk'iinaló. ⁴⁸ Má' jul tuul tanxel tuxil kajakbal yetel teex, taak u kiimbesik u tadsmansaj ti'al YUMTZIL, tu laakal u laaktsiloob xibobe k'aabet u xootol u kinkililoob. Beytuno leti'e je u beytal u taal yetel u mank'antik. Yan u sutul jen bix le maakob sijanoob te lu'umo. Chen baxtune, mix jun tuul maak má' xotaan u winkililé je u beytal u jaantik mix baal te jaanaló. ⁴⁹ Laili le almajt'ana u ti'al le sijnaloob beyxan u ti'al le tanxel tuxil kajakbaloob kuxanoob ichi leex". ⁵⁰ Beytuno tu laakal le Israelitaobo tu beetoob jach jen bix YUMTZIL tu k'ubental ti Moisés yetel ti Aarón. ⁵¹ Yetel tu laili kíinilé, YUMTZILÉ tu jo'osaj le Israelitaobo tu lu'umil Egipto yetel bey baatemaakobe.