¹ Ethu yulupale en'himieehu nihaana n'holeli anamukutho, Onkomale vahitjeni wa mwene wiirimo; ² Yenani nanteko wa Nipuro ttakattifu ni tabernakulo yekhweeli, aPwiya atekaliaaya, kahi nlopwana. ³ Vano n'holeli anamukutho oteene ahoheliya wiira avahe tjovahatjiya ntoko nkutho. Ophela won'no, wanaphwanela wo wiira yena akhalane ethu yoophela ovaha. ⁴ Kristo nari vatuniyaniva, Yena khaahala okhala namukutho, wariaaya yaale anvaha tjovahiya wonayeli Ekettelo. ⁵ Miteko tjimphwanela otakiha ni nthuutji wa tjithu tjowirimu, wo manan'na yaayo Moises ahohimeriya ni Muluku, waphelaawe oteka oteka etabernakulo. "Woone empakiya yootene wonayeli othonhiheriya yoniheriyaa omwaakoni". ⁶ Massi, n'nava, Kristo ahokhalana nteko muulupal, kontha Yena phinataniha woorera, yeele yaaheliye mwa wokhuluvelihiya worera. ⁷ Kontha, wakhala watanihiya wopatjera wahavonhiye, khawarerela orweelatho wo nayeeli. ⁸ Vano Muluku owaakhulaliaawe athuaawe, ahira: "Anahala ophiya mahuku", aPwiya ahiira, "Kinahala opankatho wataana ni enupa yowIsrael ni ntoo enupa ya Juda. ⁹ Yena khan'hala olikana nu wataana opankaliaaka naathu okhalai mhuku wavaraliaaka ni matata, wophela owettihera kakumihaka ethaya yo Egoto. Kontha ayenatja khakhalale mu watananiwaka, ni Mi akarattavenlale", ahiira aPwiya. ¹⁰ Kontha phuwataana an'halaka opanka ni nupa yo wIsrael, anavirale mahukuaale", aPwiya ahiira. "Kinahela Eketteloaaka m'mupuweleloniwayani hata kinahala wantikha mwinrimaniwaaya. kinhala okhala Mulukuaaya naayena an'hala okhala athuaaka. ¹¹ Wakuta nthu hasomihe amwattamananoaawe ni wakuta nthu n'himaawe, iraka: "Mwatjuwele aPwiya kontha ahokitjuwela oteene, okhuma mwankani mpaka wamulupale. ¹² Kontha, kinathonhera ekiriri wo mitekotjaya tjohinasariya ni akin'hala Owupuwelelatho wotampitjaya.". ¹³ Wowiira, "yophiaaru," Yena hokhala wataana opatjera wovikanihiya; eri yovikanihiya eri yophela olakatjiaatja.