¹ 1 Timaana, nihaana wiiwelela yeele eniiweehu wira nihiyeke tjinvareehu tjoohikhala. ² Wakhala wira ehapari elaleeyeni malaikha yaahokhala yoolipa ni mahuviho ooteene ni ohiiwelela ahaakhela ehukhumu empwanelaaya. ³ Vano hii ninkoothawa tjani nanhoonheeriyaka woopwaawihu wuulupale? woopwa opatjenre olaleiya naapwiya yaaholaleeriya naale yiiwale. ⁴ Mluku akhalelaka onaamoona naayenatja, eriyari weethoonhero, mitikiniho nimiiriirya, tjoon´nepa nthakathiifu, avhaka nuuthunawaya. ⁵ Vano khanakhala malaikha yena athunihenryaawe olumwemku om´mwa, wayooyo onuulumem´hu. ⁶ Masi wonipurom´no haavo am´vahale namoona, iiraka: Pinaatamo tipani? Esiyani omuupuwelaka? Wala mwana apinaatamo, omootolaka esiyani? ⁷ Nhu m´hokhala oonkhaliha mwankani woonvirikaniha nimalaikha, m´homvaha waarya nimthithimiho. ⁸ M´homvaha tjithu tjooteene vatthi enhaatjawe. Vano wavahiyaawe tjithu tjooteene, khiivo ethu ehiyalyaawe wira ehimwiiwelele; Vano nem´nava khaninoona tjithu tjooteene tjinrumeelaka yena. ⁹ Tjitjom´mo nim´nomoona vahiye owerya nimthithimiho, mwaha woohuva mookwani, yoole yesu, aakhalihiye mwankani woovirikana nimalaikha, womahala amluku, onathehathehiya okwa waathu ooteene. ¹⁰ Kontha yaawa wayoole, aari wotjithu tjooteene, wira aawaana asaana mowaaryani, areerihe eriyari yoohuva m´hooleli owoopwaaniwaya. ¹¹ Kontha am´reeriha wala am´rerihiya, ooteene am´mwa wonthu m´motja; phimaana yena khanoona ehaaya woowihana asum´na. ¹² Iraka: mlalye mtjinaninhu waasun´naka, kinaahala owiipelani etjipo moottukumana. ¹³ Ahaakulela iiraka: yooyo kinaahala onkhuluvela. Aahiiratho: Mi kiriiva, naasaana mluku akivahalyaawe. ¹⁴ Phimaana, asaana yaahokhalela mphanthe ephome niiruthu, woohivirikana aahokhalela mphanthe tjithu tjem´nho, wuumaleloni wanookwe yoole aarina ekuru tjowuukwani, ri m´tjasera; ¹⁵ Ni waataphulatja ooteene yoova okwa, yaari mookhaleliya niikumyaaya yooteene. ¹⁶ Maana, khankuttakuttya malaikha, masi yena mkhavihatjera mloko naabrao. ¹⁷ Phimaana waahopwanela wira yena nakhanle yoko asum´nawe womeethelo ooteene wowiira akhale mkhulupale anamkutho okiriri ni owaamini tjithu tjamluku ni tjitjom´mo alivele etampi tjtaathu ooteene. ¹⁸ Toko yesu tjihuvalyaawe, waathehathehiyaawe, yena hokwitiri tootto waakhavihatjera yathehathehiya.