¹ Asanaka, mwinwenle anapapanyu mwa Pwiya, kontha eyoo phiyorera. ² Mwattittimihe apapa na anumwana, n'na n'lamulo nopatjera nirina ekhuluveliho. ³ Wera okhaleke saana ni okhaleke mahuku mentji vathiva. ⁴ N'nyu anapapa, n'hapatjeke asanenyuayo nuu otjatja. Ohiyatho eyoo mwakhalaneke n'sariyani ni mwasomihaka mwa Pwiya. ⁵ Epotha ekhaleke owinwenla anavarelenyu n'teko vathiva ni movaka ni mwattittimihaka mowiyevihani wanrimaniwinyu. N'khaleke owinwenla yayo, ntoko Kristu. ⁶ N'hikhaleke owinwela paahi yakhalaka vakhiviru ninyu, wera mwatjivihere. Wohikhalatho eyoo, n'khaleke owinwenla n'toko epotha ya Kristu, yayo vanrimaniwawe, n'nopaka othuna wa N'luku. ⁷ Mwavareleke n'teko ninrimenyu wootene n'toko Apwiya vohikhalatho athu, ⁸ Kontha him ninatjuwela wera wakhula n'teko worera khulanthu onvarawe naawakhela ethuvo Yapwiya pootti okhala epotha wala nan'thukiya. ⁹ Vano nyu n'novareliya n'teko, n'pakeketjeya tjithunva nipotha tjinyayo, vohopopihiya n'tjuwelaka wera yoole ri Pwinyaka ni awinyu ri wirimo, ni khivo okatheliya n'phatyawoyo. ¹⁰ Womalelani n'khaleke olipa mwa Pwiya ni mwa ekuru woo weryawawe. ¹¹ Mwiwariheke ekaputhi tja N'luku wera n'vilele tjothokomanihiya tjinvirikaniha tja sotwani. ¹² Kontha owana winyu khuri wo mwiruthuni, wophome, masi nin'mwanani eworitti, ekuru, owanana ekuru tjinkwittiri tjottakhala omwene wo mwipiphini, owana minepa tjottakhala mapuro owirimo. ¹³ Phimana n'mwareke ekaputhi tjotene tja N'luku, wera n'khale okwitiri okhotela okathi wotakhala ni, n'pakaka tjotene n'khaleke olipa. ¹⁴ Phimana, n'khaleke olipa, ninawanrene ntjako wekekhayi, ekorasa yosariya. ¹⁵ N'wareke n'nya nokhala thayari wera n'laliye ehapari yonretele. ¹⁶ Watjonkhumenla tjotene, n'kuseke eskudo wo wamini, voyeyo phinkokhalenyu opwanela vottikitha tjotene tjolemela tjinpale tjantakhali. ¹⁷ Ni n'mwareke ekapacedi yoo wopolani ekatana yomwinepani, eri nulumo na N'luku. ¹⁸ Ni mavekelo ni oolapha, n'vekeleke okathi wotene, mwinepani, wera enkhaleke owehaweha, ni wotene wisunka ni mavekelo wathakathifu otene. ¹⁹ Ni n'kivekeleleke miyano, wera ehapari kikhaleke ovahiya kahulaka malakwaka n'vekeleke wera him thi, mi kikhalihereke otjuweliya ekekhayi tjavathiye tjonhaparini. ²⁰ Phiyo ehapari eriyaka nanthukiya, vowiratjo, mothukiyani minyano kolumele ninthitti, n'toko tjophela wuluma. ²¹ Tiquico, mun'naka ofentiya ni owamini nan'teko mwapwiya tjinahaka okhala tjotene otjuweliya wera tjitjan'mo n'tjuwele ethu enpakaka ni manan'na eryaka. ²² Mi kihonruma mwanyu kiphelaka tjo, wera n'tjuwele n'phanttinyu, wera yena olipihereni vanrimani winyu. ²³ Vano n'retele okhale nasun'na, ni n'fento ni wamini n'phantti wa N'luku, papa ni wa Pwiya Yesu Kristu. ²⁴ Vano mahala ekhale naale otene onafenta Yesu Kristu nim n'fento ohinkwatho.