Zvokunza 21
1
2
3
4
Djesu wakaringira akawona wapfumi atchikhandira zwipo zwawo mutchiwiguiro tchomare,. Akaona Chirikadzi imweni murombo yaikandawo zwitchereni zwayo zwiri. " Nokudaro, wakati: zviro kwazvo ndinokubvunzai kuti, Chirikadzi iyi murombo, yapassa zwakawanda kupindira ese. Ngokuti aya ese apasa atchibudisa panga pana imweni. Asi Chirikadzi iyi, nourombo whayo, wapasa zwese zwaida kurarama nazwo."
5
6
Amweni aireketa ngodawa thember, kuti yanga yakanatsirwa kudini nomapuwe ayo akarungama, nozwipo zwomusananguro. Nokudaro Djesu wakati: "Pazwiro izwi zwamurikuona, itchakwana guwa yokuti apana bhuwe ritchasara pamuso pobhuwe rimweni ringaguiri pasi."
7
8
9
Hino iwona akazomubvunzisa:" Mufhundisi, ndirini pazwitchaitika izwi? Uye ngozwipi zwipangidziro kana zwooda kuitika?" Djesu wakadaira: itai mhore kuti musanheperwhe, ngokuti wajinji watchauya nozina rangu atchiti: Ndini iyena, nguwa yakumapeto. Musaterere. Mukazhwa ngozwohondo nekupesanisana, musatyei, ngokuti izwi zwinodikanika kumboitwa , asi kuguma akuzwiki nguwa heneyo."
10
11
Nokudaro iyena wakati: "Rudzi norudzi rutchamukirana, noumambo utchamukiranawo. Kutchazoitika zwiguidiguidi zwakakura, nomumbuto dzakasiana siana, nonzara nonhenda. Kutchaitika zwiro zwikurisa zwinotyisa zwitchibva kudenga.
12
13
Asi, zwese zwisati zwaitika, wanokubatai nokukuchuphai, uye mutchaperekwa mumasinagoga, nomujheri nokuiswa pamber pawakuro nowabhati ngonhaya yoZina rangu. Zwenezwo zwitchawa zwapupu zwenyu.
14
15
Nokudaro natsirisai mwoyo yenyu kuti musafungisise pamunopinda napo, Inini nditchakupasi masoko nokuzisisa, kwokuti apana umwe wowawengi wenyu watchamira.
16
17
18
19
Mutchaperekwao kuhama, bhabha, nokuchamwari, aona atchauraya wamwe wenyu. Uye mutchazondwa ngondawa yoZina rangu. Asi akuna tsisi renyu ritchaputswa. Mukuchingirira kwenyu mutchawina mweya dzeyu.
20
21
22
Pamunoona Jerusarema rakomboredzwa nohondo, ziyai kuti kuguma kwaa duze. Hino wanonga wari muDjudiya ngatizire kumatunhu, nowanonga wari muduze ngabhude, nowanonga wari mumunda ngaasa pinde kwariri. ngokuti iyi inguwa yokuchupwa, mukudzadzisa zwese zwakatarwa.
23
24
Nhamo kuna wanonga wane pamwuiri nowa nonga watchiyamwisa mumazuwa enewo! Kutchawa nokuchufpika kukuru kunyika yese uye zwitchamukira wanhu aya. Watchaurawha nomuromo wetsorora nokutorwa kokutorwa koochupwa kunyika yese, no Djerusarema ritchatsikwa nowahedeni, kuzamara mazuwa awo akwama.
25
26
Kutchawa nozwipangidziro pazuwa, mwedzi nonyeredzi. Panhica, patchawa nokubhonera kundudzi dzese, nokupererwa notariro mukutinhira khobhahari. Kutchazowa nowanhu wanokomoka ngokutya ngonyaya yozwiro zwinengue zwiri kuitika munhica. Nomasimba enhika tekenheka.
27
28
Hino awona atchaona Mwana woMunhu eiuya ari mumakuta, nosimba nokuguinha kukurisa. Asi, kana zwiro izwi zwotanga kuitika, mutsai musoro yenyu muningire kudenga, ngokuti kuponeswa kwenyu kwaguma.
29
30
31
Uye Djesu wakabuira umwe muezaniso: " Onai muonde nomiti yese. Kana yakuita maruwa, imwimwi munoziya kuti kupisa kwaduze. Nokudaro imwimwi wo, kana mukaona izwi zwotchiitika ziai kuti umambo waMwari uri duze.
32
33
Zwozwirokwazwo ini ndino mutii, rudzi iri haringadariki dzamara izwi zwaitika. Denga nonhika zwinopera, asi masoko angu aazongoperi.
34
35
Uye zwinguarirei patchenhyu, kuitira kuti mwoyo yenyu isaremerwe nozwiro, nokunonhingapini dzonyika ino, uye musanetsekei nozwoupenyu huno. kuitira kuti zuwa iro risakugumirei somurao. Iyena utchauya atchionekwa nonyika yese.
36
Asi garai makanguarira nguwa yese, mutchinamata kuti mugare nosimba rakakwana kuti munzwenge pazwiri zwese zwitchazoitika, uye moramba muri pamber Mwana woMunhu."
37
38
Mukati momazuwa, Iyena wangatchi fundisa mo thember nousiku waibuda kowata muduno raidadzwa Miyorive. Tchematchibhese bhese anhu ese akauya muthember kuti amuzwe.