¹ Djeso akabvunza afhundi Wake: " Azvidzwiriki kuti zvipswerusi zviuwe, asi kune umwe aripakati pazvo kunezviroizvi zvetchitika! ² Tchakanaka zvaidakudai rimwe bhuwe rekukwiika rosungwa mumutsipa, nokumu tusira mubhahari, asaite zviro zvakashata kune wadoku aiya, ³ Garai maka djenka. Kundai hama yako ikatadza, mushaiki; iyena akatchunyuka, muregerere. ⁴ Iyena akatadza kanomwe kutadzira iwewe pazuwa rimwerimwero kanomwezve orwirirazve otchiti. Datchunyuka, muregerere! ". ⁵ Mapostori akati kune Ishe: "Tityunudzirei kutenda!" ⁶ Ishe akadaira: " Kundai manga mune kutenda ingana tchidimbo tchemostadha, maibhuya kumuti. zvibvise nomidzi udzisime mubhahari muti uya waidha kumuzwai! ⁷ Ndiani pakati penyu, ogara nomusenzi anosenza nemataka kana kuti anotchengeta zvinyama, anomubvudza akabhuda kumuda: Uya garapasi kuti urye? ⁸ Kunze kwazvo, aumubvunzi: ndiitireiwo tchokurya, kasika, kanda bhade rako kutenderedza matchira ako uye ndipase zvekurya, kuzamara ndarya nokumwa, unozo pedzesera kurya nokumwa? ⁹ Nokudaro iyena anodikana kutenda ere kumushandi ngokuti iyena ayita zviwa zvakatumwa? ¹⁰ Naizvozvo naimwimwiwo mukaita zvese zvamuno tumwa, munoti. tisu ashadi tisika senzi, taita zviya zvataida kuita". ¹¹ Paifanba etchieda Djerusarema, Djeso aipida pamugano noSamaria noGarireia. ¹² Paipinda parimwe mutanha, akabhuda anarume gumi ainga anomapere mbhudzi. Aona akagara kure Naye ¹³ uwe akakuwa, etchiti: " Djeso, Mufudisi, iwai muneusisi nesu". ¹⁴ Pakaona, akaabvunza: "Endai mopangidza wapirisita". Zvakazoitika mungwanza akatchena. Umwe wao, pakaona kuti arapwa. ¹⁵ akarwirira, otchikudza Mwari noizwi rakakura, ¹⁶ akaghodhama mumurendje dzaDjesu. otchipasa nyasha. Inyena wangaari okuSamaria. ¹⁷ Hino Djeso akamubvudzisa: " manga musiri ngumi makarapwa here? Afhembamwe aripi? ¹⁸ Apanazve umweni akawhirira kuti arumbhidze Mwari, kusiya mutorwa uyu ?". ¹⁹ Akamubvunza: "muka, uwendhe, kutendha kwako kwakuponesa". ²⁰ Munguwa imweni, wafarisi akabvunzisa umambo waMwari unouya rini, Djeso akadhaira: " Upenyu omambo waMwari atchiripi tchiro tchinooneka. ²¹ Azobuyi: kuti uripano! kana kuti: uriapo! ngokuti umambo waMwari uri pakati penyu". ²² Djesu akati kuwafundi wake: "Anouya mazuwa amunodha kuona Mwana weMunhu, asi amuzomuoni. ²³ Ayona atchazoti: Aripano! Ariapo! Musazobhude, musazowaterere. ²⁴ Se mheni inotchetuka zvikuru kubva kumbuto imwe etchienda kumbuto imweni yedenga, nozwimwe zwimwezwo zvitchazoitikao neMwana weMunhu pamazuweo. ²⁵ Asi pokutanga Iyena unodikanika kubonera kuzviro zvakawanda nekurambwa nedzinza rino. ²⁶ Kwuezaniswa namazuwa Anowa, zvitchazoitikao kumazuwa oMwana oMunhu. ²⁷ Airya, otchimwa etchitchata otchipasana mutchato, kudzamara mazuwa Anowa akapinda muarika, wakauya mvura wakaparadza wese. ²⁸ Nomutowo umwewo sezvakaitika kumazuwa a Roti: airha, etchimwa, etchitenga, etchitengesa, waisima, etchiwaka nyumba. ²⁹ Asi Roti pakabuda Musodoma, kwakanaiya muriro noexofre wokundega akaparadza wese. ³⁰ Zvitchazodaro kumazuwa oMwana weMunhu akapagidzirwa. ³¹ Nezuwa renero, unonga aripamusoro aneupfumi wake kumba, ngasatchite kuti aende kotora. Uwe unonga arikumunda ngasarwirire sure. ³² Rangarirai mukadzi waRoti. ³³ Unotwaka kuwina upenyu wake atchatswetekerwa nawo, uwa unotsetekerwa noupenyu wake unoponeswa. ³⁴ Ndinomu bvunzai, usiku weneyo ahiri anonga hari pamubeda umweo, umwe atchatorwa umweni atchasara. ³⁵ Anakadzi ahiri anonga etchikwisa pamwepo, umweni anotorwa umweni atchasara". ³⁶ [ Ahiri anonga arimumudha, umwe watotorwa umweni atchasara]. ³⁷ Akazomubvudzisa: " kupi, Ishe?". Akazowa ndhaira: "Pano nyama imwe, penepo gwanga uwezve zvitchazobhatana". ³⁷ Uye akaMubvunzisa: "Kupi Ishe?" Akaadhaira: "Kuno mwiri umwe, zvikodzi zvitchaunganidzanao penepo."