¹ Djesu akatizve kune afundi ake: "Kwanga kune mumwe mwanarume mupfumi anga ari ne mutungamiriri wake, uyu wakadhudzirwa pakupsweta opfumi wake. ² Hino mwanarume mupfumi wakamudhainza etchimuti: zvinyi zwendirikuzwa patchezvako? ndipangidzire utungamirirri wako, nekuti azviiti kuti urambe uri mutungamiriri". ³ Mutungamiriri akati patchake: "Ndingaitei, ngekuti ishe wangu ari kundi bvisa mu bhasa reutungamiriri? Andina simba rekutchera ndinotswerukazve kukumbira. ⁴ Ndinoziya zvekuita kuti ndikabviswa muutungamiriri, anhu andi tambire munyumba dzao. ⁵ Hino mutungamiriri akadhainza umwe no umwe waikwereta ishe wake etchibvunzisa okutanga: "Uru ku kweretei ishe wangu? ⁶ Iyena akati: zana re mafuta e oriva". Uye mutungamiriri akamuti: tora tchako, gara noku kasikisa otara kuti uriku kwereta makuma shanu. ⁷ Hino mutungamiriri akati kuno umweni: iwe uriku kweretei? Uyu akamudhaira: zana ro mbiriso. Iyena akamuti: Tora tchako otara makumasere. ⁸ Ishe waka yemura mutungamiriri mutsitsi uyu, ngekuti iyena wakaita zveutchenjeri. Ngekuti ana omunyika ino akatchenjera kupinda ana otchiedza. Inini ndinomuti: ⁹ Dziitirei shamwari ngekudha koupfumi usina kururama, kuitira kuti ungazopera aona azomutambire mu mbuto dzisingaperi. ¹⁰ Uya wakatendeka no padhoko utchatendekawo pakuwanda, uya asikatendeki no padhoko aazo tendeki pakuwanda. ¹¹ Kuita kwazvo, kuti usikazi kutendeka noupfumi o nyika ino, ndiani unozokuthema paupfumi otchokwadhi? ¹² kuti usikazi kutendeka no mare yo anhu amweni, ndiani unozomupasai yenyu? ¹³ Apana musenzi unosenzera maishe mairi, ngekuti anozonda umwe ka kudha umweni, kana kuti atchazobhatana no umwe, kaku ninipisa umweni. Musasenzere Mwari neupfumi. ^{14 15} Kune wafarisi, waidha zvemare, aizwa zviro izwi, aimuseka. Asi Iyena akati: Imwimwi munodzitchenesa patchenyu, asi Mwari ano ziya moyo dzenyu. unokudzwa pa anhu uno rambwa pamberi pa Mwari. ¹⁶ Mutemo ne maphorofita wakagumira kuna Juau. Kubvira hino, vangeri roUmambo waMwari ririkuparidzwa, uye ese anodhikanwa kuti adzisimbise kuti ari pinde. ¹⁷ Saka azvishupi kuti dhenga no nyika ripinde kunze koku bvisa mugariro umwe oMutemo. ¹⁸ Uya uno ramba mukadzi wake wotchata noumweni urukuita upombwe, uye, uya unotchata no uya waka rambwa urukuita upombwe. ¹⁹ Uye kwanga kuri ne mumwe murume mupfumi, ainatsa kupfeka etchigara matsiku ese noupfumi ukuru wake. ²⁰ Mumwe murombo waizwi Razaro, anga aka khandirwa pamusuo pake, akadzara nozvironda. ²¹ Iyena aisirira kurha zvaimbwera pathafura po mwanarume mupfumi, uye no imbwa dzaiuya kunamzwa zvironda zvake. ²² Zvakaitika kuti murombo akafa akatorwa no ngirosi kwenda ku dhii ra Aburahama. Mupfumi akazofao, akazokotswa, ²³ asi mugehena, paaishupika, akaringira kumusoro, no kure akaona Aburahama na Razaro mu dhii rake. ²⁴ Hino iyena akakhuwa, etchiti: Bhabha Aburahama, ndizwireio tsitsi, tumai Razaro kuti atotese pa dhii rotchikunuwe tchake nemvura kuti andi totese pa ririme rangu, nekuti ndiri ku tsukwara mu moto umu. ²⁵ Asi Aburahamu akati: Mwana, rangarira powanga uri mupenyu, wakatambira zviro zwakanaka, ku dhii rimweni Razaro akatambira zviro zwakashata. Asi zvino Razaro ari ku nyaradzwa kuno, pounonga uri kutsukwara. ²⁶ Kunze kwazvo, dhima guru rakakandwa, kuitira kuti kuno aya anodha kuuya kuno aasa kwanise, uye, akunazve unobva ikona kuuya ku dhii rokuno. ²⁷ Mwanarume mupfumi wakati? Ndinokukumbirai bhabha Aburahama , kuti ishe mumutume kumba kwabhabha angu, ²⁸ ngekuti ndino hama dzishanu uye, ndinodha kuti dzibvunzwe nekudha ko mbuto ino yokushupika, ngekuti ndinothya kuti auye kuno. ²⁹ Asi Aburahama akati: Aona ana Mozisi no maPhorofita, asiyei kuti aazwe. ³⁰ Murume mupfumi wakadhaira: Andizvopi bhabha Aburahama, asi kunga enda umwe o akafa kunaaona, atchatendeuka. ³¹ Akati Aburahama: Kuti aona aazwi Mozisi no maPhorofita, aazozwi kuno uya wakamuka kuwakafa.