¹ Bali wewe, sema yale yanayopatana na mafundisho ya kweli. ² Wafundishe wanaume wazee kuwa na kiasi, wenye heshima, wenye busara na timamu katika imani, katika upendo, na katika uvumilivu. ³ Vvyo hivyo, fundisha wanawake wazee kuwa na tabia ya heshima, si wasingiziaji, na wasiwe watumwa wa divai nyingi lakini wawe walimu wa yale yaliyo mema. ⁴ na kufundisha wanawake wadogo kuwapenda waume zao na watoto wao, ⁵ kuwa na busara, wasafi, watunzaji wazuri wa nyumba zao, na kuwatii waume zao wenyewe, ili neno la Mungu lisisemwe kuwa baya. ⁶ Vivyo hivyo, watie moyo vijana wa kiume wawe na busara. ⁷ Katika njia zote jionyeshe mwenyewe kama mfano wa matendo mema. Katika mfundisho yako onyesha uadilifu, heshima, ⁸ na ujumbe wa ukweli usioweza kukosolewa, ili kwamba yeyote akupingaye aaibishwe kwa sababu hawana ubaya wa kusema juu yetu. ⁹ Watumwa na wawatii mabwana zao katika kila kitu, wawafurahisha na sio kubishana nao, ¹⁰ wasiwaibie, bali waonyeshe nia njema yote, ili kwa njia zote wailete sifa mafundisho kumhusu Mungu mwokozi wetu. ¹¹ Kwa kuwa neema ya Mungu imeonekana kwa ajili ya wokovu wa watu wote. ¹² Inatufundisha kukataa mambo yasiyo ya kimungu na tamaa za kidunia, na kuishi maisha ya kiasi, uadilify, na utauwa katika zama hizi, ¹³ huku tukitazamia kupokea tumaini letu lenye baraka, kuonekana kwa utukufu wa Mungu wetu mkuu na Mwokozi wetu Yesu Kristo. ¹⁴ Yesu alijitoa nafsi kwa ajili yetu ili atukomboe na maasi yote na kujitakasia watu maalum walio na hamu ya kufanya matendo mema. ¹⁵ Yaseme mambo haya, watie watu moyo kuyatimiza na utoe marekembisho kwa mamlaka yote. Usikubali mtu yeyote akupuuze.