¹ Paulo, mtumishi wa Mungu na mtume wa Yesu Kristo, kwa ajili ya imani ya wateule wa Mungu na maarifa ya kweli unaopatana na utauwa, ² na tumaini la uzima wa milele ambao Mungu, asiyesema uongo, aliuahidi kabla ya enzi zote za wakati. ³ Kwa wakati ufaao alilifunua neno lake kwa mahubiri ambayo mimi nimekabidhiwa sawasawa na agizo la Mungu mwokozi wetu. ⁴ Kwa Tito, mwana wa kweli katika imani tunayoshiriki sote. Neema na amani kutoka kwa Mungu Baba na Yesu Kristo mwokozi wetu. ⁵ Kwa sababu hii nalikuacha Krete, ili upate kupanga mambo ambayo bado hayajakamilika na kuweka wakfu wazee wa kanisa kwa kila mji kama nilivyokuagiza. ⁶ Mzee wa kanisa lazima asiwe na lawama, mme wa mke mmoja, aliye na watoto waaminifu wasiotuhumiwa mabaya au wasiotii. ⁷ Ni muhimu kwa mwangalizi, kama meneja wa nyumba ya Mungu, asiwe na lawama. Asiwe mtu mwenye kiburi, hakasiriki kirahisi, si mraibu wa mvinyo, si mgomvi na asiwe mwenye tamaa. ⁸ Badala yake: awe mtu mkarimu, apendaye wema, mwenye busara, mnyoofui, mtakatifu na anayejidhibiti. ⁹ Awezaye kushika sana ujumbe wa kuaminika uliofundishwa, ili aweze kuwatia moyo wengine kwa mafundisho ya ukweli na kuwarekebisha wale wanaompinga. ¹⁰ Kwa maana wako waasi wengi, wanenao matupu na wandanganyao, hasa wale wa tohara. ¹¹ Ni muhimu kuwazuia. Wanasumbua familia nzima kwa kufundisha kwa faida isiyofaa yale wasiyopaswa kufundisha. ¹² Mmoja wa manabii wa amesema "Wakrete daima ni waongo, wanyama wabaya, walafi wavivu." ¹³ Ushuhuda huu ni kweli. Kwa hiyo warekebishe kwa ukali, ili wapate kuwa wakweli katika imani, ¹⁴ bila kuzingatia hekaya za kiyahudi au amri za watu wanaoiacha kweli. ¹⁴ Wewe usijihusishe na hadithi zisizo za kweli za Kiyahudi au amri za watu, ambao hurudisha nyuma ukweli. ¹⁵ Kwa wote walio safi, vitu vyote ni visafi. Bali kwa walioharibika na wasioamini, hakuna kilicho kisafi, lakini akili zao na dhamiri zao zimeharibika. ¹⁶ Wanakiri kumjua Mungu, lakini kwa matendo yao wanamkana. Wao ni machukizo, wasiotii, na wasiofaa kitu kwa kazi yo yote njema.