¹ Maneno ya mfalme Lemueli mausia aliyofundishwa na mama yake. ² Mwanangu nini? Na ni nini mwana wa tumbo langu? Na ni nini mwana wa nadhiri zangu? ³ Nguvu zako usiwape wanawake; au wenye kuharibu wafalme njia zako. ⁴ Lemueli, kunywa divai, siyo kwa ajili ya wafalme, wala kwa watawala kuuliza, " kileo kikali kiko wapi?" ⁵ Kwa sababu kama watakunywa, watasahau sheria ni nini, na kupotosha haki za wote walioonewa. ⁶ Wape kileo kikali watu wanaopotea na mvinyo kwa wale wenye kutaabika kwa uchungu. ⁷ Atakunywa na kusahau umasikini wake na hataikumbuka taabu yake. ⁸ Ongea kwa ajili yao wasioweza kuongea, kwa madai ya wote wanaopotea. ⁹ Ongea na uhukumu kwa vipimo vya haki na utetee dai la masikini na watu wahitaji. ¹⁰ Mke hodari ni nani anaweza kumpata? Thamani yake ni zaidi kuliko vito. ¹¹ Moyo wa mume wake humwamini, na hatakuwa masikini. ¹² Humtendea mambo mema na wala si mabaya siku zote za maisha yake. ¹³ Huchagua sufu na kitani, na hufanya kazi yake ya mikono kwa furaha. ¹⁴ Yupo kama meli za wafanyabiashara; huleta chakula chake kutoka mbali. ¹⁵ Huamka wakati wa usiku na kuwapa chakula watu wa kaya yake, na kugawa kazi kwa watumishi wake wa kike. ¹⁶ Hulifikiria shamba na kulinunua, kwa tunda la mikono yake hupanda shamba la mizabibu. ¹⁷ Yeye mwenyewe hujivika nguvu na kuimarisha mikono yake. ¹⁸ Huangalia ni kipi kitaleta faida nzuri kwake; usiku wote taa yake haizimishwi. ¹⁹ Mikono yake huiweka kwenye mpini wa kisokotea nyuzi na hushikilia kisokotea nyuzi. ²⁰ Mkono wake huwafikia watu masikini; mikono yake huwafikia watu wahitaji. ²¹ Haogopi theluji kwa ajili ya kaya yake, kwa maana nyumba yake yote imevika kwa nguo nyekundu. ²² Hutengeneza matandiko ya kitanda chake, na huvaa nguo za kitani ya dhambarau safi. ²³ Mume wake anajulikana malangoni, anapoketi na wazee wa nchi. ²⁴ Hutengeneza mavazi ya kitani na kuyauza, na naleta mishipi kwa wafanyabiashara. ²⁵ Amevaa nguvu na heshima, na wakati ujao huucheka. ²⁶ Anafumbua kinywa chake kwa hekima na sheria ya ukarimu ipo kwenye ulimi wake. ²⁷ Huangalia njia za nyumba yake na hawezi kula mkate wa uvivu. ²⁸ Watoto wake huinuka na kumwita heri na mume wake humsifia, akisema, ²⁹ "Wanawake wengi wamefanya vizuri, lakini wewe umewapita wote." ³⁰ Madaha ni udanganyifu, uzuri ni ubatili; bali mwanamke amchaye Yehova, atasifiwa. ³¹ Mpeni tunda la mikono yake na kazi zake zimsifu katika malango.