¹ Mwanangu, usizisahau amri zangu na uyatunze mafundisho yangu katika moyo wako, ² maana ziatakuongezea siku zako na miaka ya maisha yako na amani. ³ Usiache utiifu wa agano na uaminifu viondoke kwako, vifunge katika shingo yako, viandike katika vibao vya moyo wako. ⁴ Ndipo utapata kibali na heshima mbele Mungu na wanadamu. ⁵ Mtegemee Yehova kwa moyo wako wote na wala usitegemee ufahamu wako mwenyewe, ⁶ katika njia zako zote mkiri Yeye na yeye atayanyosha mapito yako. ⁷ Usiwe mwenye busara machoni pako mwenyewe; mche Yehova na jiepushe na uovu. ⁸ Itakuponya mwili wako na kukuburudisha mwili wako. ⁹ Mheshimu Yehova kwa utajiri wako na kwa malimbuko ya mazao kwa kila unachozalisha, ¹⁰ na ndipo ghala zako zitajaa na mapipa makubwa yatafurika kwa divai mpya. ¹¹ Mwanangu, usidharau kuadibishwa na Yehova na wala usichukie karipio lake, ¹² maana Yehova huwaadibisha wale wapendao, kama baba anavyoshughulika kwa mtoto wake ampendezaye. ¹³ Yeye apataye hekima anafuraha, naye hupata ufahamu. ¹⁴ Kwani katika hekima unapata manufaa kuliko ukibadilisha kwa fedha na faida yake inafaa zaidi kuliko dhahabu. ¹⁵ Hekima inathamani zaidi kuliko kito, na hakuna unachokitamani kinaweza kulinganishwa na hekima. ¹⁶ Yeye anasiku nyingi katika mkono wake wa kuume; na mkono wake wa kushoto ni utajiri na heshima. ¹⁷ Njia zake ni njia za ukarimu na mapito yake ni amani. ¹⁸ Yeye ni mti wa uzima kwa wale wanaomshikilia, wale wanaomshikilia wanafuraha. ¹⁹ Kwa hekima Yehova aliweka msingi wa dunia, kwa ufahamu aliziimarisha mbingu. ²⁰ Kwa maarifa yake vina vilipasuka na mawingu kudondosha umande wake. ²¹ Mwanangu, zingatia hukumu ya kweli na ufahamu, na wala usiache kuvitazama. ²² Vitakuwa uzima wa nafsi yako na urembo wa hisani wa kuvaa shingoni mwako. ²³ Ndipo utatembea katika njia yako kwa usalama na mguu wako hautajikwaa; ²⁴ ulalapo hutaogopa; utakapolala, usingizi wako utakuwa mtamu. ²⁵ Usitishwe na hofu ya ghafula au uharibifu uliosababishwa na waovu unapotokea, ²⁶ kwa maana Yehova utakuwa upande wako na ataulinda mguu wako usinaswe kwenye mtego. ²⁷ Usizuie mema kwa wale wanaoyastahili, wakati utendaji upo ndani ya mamlaka yako. ²⁸ Jirani yako usimwambie, "Nenda, na uje tena, na kesho nitakupa," wakati pesa unazo. ²⁹ Usiweke mpango wa kumdhuru jirani yako anayeishi jirani nawe na yeye anakuamini. ³⁰ Usishindane na mtu pasipo sababu, ikiwa hajafanya chochote kukudhuru. ³¹ Usimhusudu mtu jeuri au kuchagua njia zake zozote. ³² Maana mtu mjanja ni chukizo kwa Yehova, bali humleta mtu mwaminifu kwenye tumaini lake. ³³ Laana ya Yehova ipo katika nyumba ya watu waovu, bali huibariki maskani ya watu wenye haki. ³⁴ Yeye huwadhihaki wenye dhihaka, bali huwapa hisani watu wanyenyekevu. ³⁵ Watu wenye busara huirithi heshima, bali wapumbavu huinuliwa kwa fedheha yao wenyewe.