¹ Kama theluji wakati wa joto au mvua kwenye mavuno, ndivyo mpumbavu asivyostahili heshima. ² Kama shorowanda hurukaruka na kumeza wadudu wakati wa kuruka, ndivyo ilivyo laana isiyostahili haishuki. ³ Mjeledi ni kwa ajili ya farasi, hatamu kwa ajili ya punda na fimbo ni kwa ajili mgongo wa wapumbavu. ⁴ Usimjibu mpumbavu na kujiunga katika upumbavu wake, au utakuwa kama yeye. ⁵ Mjibu mpumbavu na jiunge katika upumbavu wake, ili asiweze kuwa na busara katika macho yake mwenyewe. ⁶ Anayetuma ujumbe kwa mkono wa mpumbavu huikata miguu yake mwenyewe na kunywa vurugu. ⁷ Miguu ya kiwete inayoning'ia chini ni kama mithali kwenye kinywa cha wapumbavu. ⁸ Kujaribisha jiwe kwenye kombeo ni sawa na kumpa heshima mpumbavu. ⁹ Mwiba unaochoma kwenye mkono wa mlevi ni kama mithali kwenye kinywa cha wapumbavu. ¹⁰ Mpiga mishale anayejeruhi kila mtu ni kama mtu anayemwajiri mpumbavu au kila mtu anayepita karibu yake. ¹¹ Kama mbwa anavyorudia matapishi yake, ndivyo alivyo mpumbavu anayerudia upuuzi wake. ¹² Je unamwona mtu mwenye busara katika macho yake mwenyewe? Mpumbavu anamatumaini zaidi kuliko yeye. ¹³ Mtu mvivu husema " Kuna simba kwenye barabara! Kuna simba katikati ya njia kuu!" ¹⁴ Kama mlango unavyogeuka kwenye bawaba zake, ndivyo alivyo mtu mvivu kwenye kitanda chake. ¹⁵ Mtu mvivu hutia mkono wake kwenye sufuria na bado hana nguvu kuunyanyua kwenda kwenye kinywa chake. ¹⁶ Mtu mvivu ni mwenye hekima kwenye macho yake mwenyewe kuliko watu saba wenye ufahamu. ¹⁷ Kama mtu anayeshikilia masikio ya mbwa, ndivyo alivyo mpita njia anayepata hasira kwenye ugomvi ambao si wake. ¹⁸ Kama mtu mwendawazimu anayetupa mishale, ¹⁹ ndivyo alivyo ambaye humdanganya jirani yake na kusema, " Je sikuwa naongea utani?" ²⁰ Kwa kukosa kuni, moto huzimika; na pale pasipo na mmbea ugomvi hukoma. ²¹ Mkaa ni kwa kuwasha makaa na kuni kwa ajili ya moto, ndivyo alivyo mtu mgomvi kwa kuwasha ugomvi. ²² Maneno ya mmbea ni kama chembe tamu; nazo zinashuka chini kwenye sehemu za ndani ya mwili. ²³ Kioo kinachofunika chombo cha udongo ni kama midomo inayoungua na moyo mbaya. ²⁴ Yule ambaye huwachukia wengine huficha hisia zake kwa midomo na hufunika uongo ndani yake mwenyewe. ²⁵ Ataongea kwa huruma, lakini usimwamini, maana kuna machukizo saba kwenye moyo wake. ²⁶ Ingawa chuki zake zimefunikwa kwa udanganyifu, uovu wake utakuwa wazi katika kusanyiko. ²⁷ Anayechimba shimo atatumbukia ndani yake na jiwe litamsaga yule anayelisukuma. ²⁸ Ulimi wa uongo huchukia watu unaowajeruhi na kinywa cha uongo husogeza karibu uharibifu.