¹ Usiwe na husuda kwa wenye ubaya, wala usitamani kuambatana nao, ² kwa sababu mioyo yao inapanga njama za vurugu na midomo yao huongea juu ya madhara. ³ Kwa hekima nyumba hujengwa na kwa ufahamu huimarishwa. ⁴ Kwa maarifa vyumba hujazwa vitu vyote vya thamani na utajiri wa kupendeza. ⁵ Shujaa wa hekima ni imara, na mtu wa maarifa huongeza nguvu zake; ⁶ maana kwa uongozi wa busara unaweza kufanya vita na kwa washauri wengi kuna ushindi. ⁷ Hekima ipo juu sana kwa mpumbavu; hafumbui kinywa chake kwenye mlango. ⁸ Kuna yule mwenye kupanga kufanya mabaya, watu wanamwita bwana wa njama. ⁹ Mipango ya mpumbavu ni dhambi na watu humchukia mwenye dhihaka. ¹⁰ Kama utakuwa dhaifu na mwenye kuogopa siku ya taabu, basi nguvu zako ni haba. ¹¹ Waokoe wanaochukuliwa kwenda kwenye mauti na uwashikilie wale wanaopepesuka kwenda kwa mchinjaji. ¹² Kama utasema, "Tazama, hatujui chochote juu ya hili," je yule anayepima mioyo hajui unachosema? Na yule anayelinda maisha yako, je hajui? Je Mungu hatampa kila mmoja kile anachostahili? ¹³ Mwanangu, kula asali kwa kuwa ni nzuri, kwa sababu matone ya sega la asali ni matamu unapoonja. ¹⁴ Hekima ndiyo ilivyo katika nafsi yako kama utaitafuta, tumaini lako halitabatilika na kutakuwa na tumaini. ¹⁵ Usisubiri kwa kuvizia kama waovu ambao hushambulia nyumba ya mwenye haki. Usiiharibu nyumba yake! ¹⁶ Maana mwenye haki huanguka mara saba na kuinuka tena, lakini waovu huangushwa kwa maafa. ¹⁷ Usisherekee wakati adui yako anapoanguka na wala moyo wako usifurahi anapojikwaa, ¹⁸ au Yehova ataona na kutoridhika na kuondoa ghadhabu juu yake. ¹⁹ Usifadhaike kwa sababu ya watenda mabaya, na wala usiwahusudu watu waovu, ²⁰ maana mtu mbaya hana matumaini na taa ya watu waovu itazimika. ²¹ Mwanangu; mche Yehova, na umwogope mfalme, usishirikiane na watu wenye kuasi dhidi yao, ²² maana kwa ghafula msiba wao utakuja na ni nani ajuaye ukubwa wa uharibifu utakao kuja kutoka kwa hao wote? ²³ Haya ni maneno ya wenye busara pia. Upendeleo katika kuhukumu kesi kwa sheria si vizuri. ²⁴ Anayemwambia mwenye hatia, " Wewe upo sawa," atalaaniwa na watu na mataifa yatamchukia. ²⁵ Bali wenye kuwakemea waovu watakuwa na furaha na zawadi za wema zitakuja kwao. ²⁶ Anayetoa jibu la kweli hutoa busu kwenye midomo. ²⁷ Andaa kazi yako ya nje, na tayarisha kila kitu kwa ajili yako mwenyewe shambani; baada ya hapo, jenga nyumba yako. ²⁸ Usitoe ushahidi dhidi ya jirani yako bila sababu na usidanganye kwa midomo yako. ²⁹ Usiseme, " Mimi nitamtendea kile alichonitendea; nitalipiza kwa kile alichofanya." ³⁰ Nilikwenda jirani na shamba la mtu mvivu, nikapita kwenye shamba la mzabibu la mtu asiye na akili. ³¹ Miiba imeota kila sehemu, ardhi ilikuwa imefunikwa kwa upupu, na ukuta wake wa mawe ulikuwa umebomoka. ³² Kisha nikaliona na kufikiria juu yake; nikatazama na kupokea mafundisho. ³³ Kulala kidogo, kusinzia kidogo, kupumzika kwa kukunja mikono kidogo ³⁴ na umasikini huja kwa kutembea juu yako, na mahitaji yako kama askari mwenye silaha.