¹ Walikuja mpaka upande wa bahari, katika mkoa wa Gerasi ² Na ghafla wakati Yesu alipokuwa akitoka nje ya mtumbwi, alikutana na mtu mwenye roho mchafu akija kwake kutoka makaburini. ³ Mtu huyu aliishi makaburini. Hakuna aliyeweza kumzuia. ⁴ Alikuwa amefungwa muda mwingi kwa pingu na minyororo. Aliikata minyororo na pingu zake alizivunja. Hakuna hata mmoja aliyekuwa na nguvu za kumshinda. ⁵ Usiku na mchana alikuwa makaburini na milimani, akipiga kelele na kulia na kujikata kwa mawe makali. kama mapepo yalivyo mtumikisha. ⁶ Alipomwona Yesu kwa mbali, alimkimbilia na kuinama mbele yake. ⁷ Akalia kwa sauti kuu, akasema "Wataka kutufanyia nini, Yesu, Mwana wa Mungu aliye Juu sana? Nakuomba sana kwa huruma zake Mungu mwenyewe, usinitese." ⁸ Yesu alimwambia , "Mtoke mtu huyu, ewe roho mchafu." ⁹ Naye alimwuliza, "Jina lako ni nani?" Naye alimjibu, "Jina langu ni Legion, kwa kuwa tuko wengi." ¹⁰ Alimwomba tena na tena usitupeleke nje ya mkoa. ¹¹ Palikuwa na kundi kubwa la nguruwe likichungwa juu ya kilima, ¹² Mapepo yaliomba , yakisema, "Turuhusu tuingie, ndani ya nguruwe." ¹³ Hivyo aliwaruhusu; roho wachafu walimtoka yule mtu na kuingia ndani ya nguruwe, nao nguruwe walitelemka chini ya kilima mpaka baharini, yapata nguruwe elfu mbili walizama baharini. ¹⁴ Na wale waliokuwa wakichunga nguruwe walikimbia kwenda kutoa taarifa ya kilichotokea katika mji na. Ndipo watu wengi walitoka kwenda kuona kilichotokea. ¹⁵ Walikuja kwa Yesu na walimwona mtu aliyekuwa akipagawa na mapepo, amekaa chini, amevikwa, na nguo akiwa na akili zake timamu, nao waliogopa. ¹⁶ Wale waliokuwa wameshudia kilichotokea kwa mtu aliyekuwa akipagawa na mapepo waliwaambia jinsi alivyo ponywa na pia kuhusu nguruwe. ¹⁷ Nao walianza kumfukuza Yesu aondoke katika mkoa wao. ¹⁸ Na alipokuwa akiingia ndani ya mtumbwi, mtu aliyekuwa akipagawa na mapepo aliomba kwamba aende pamoja naye. ¹⁹ Lakini hakumruhusu, lakini alimwambia, "Nenda nyumbani kwako na kwa watu wako, na uwaambie alichokufanyia Bwana, na huruma aliyokupa." ²⁰ Hivyo alienda na alianza kutangaza mambo makuu ambayo Yesu amefanya kwake maeneo yote ya Dekapoli, na kila mmoja alistaajabu. ²¹ Na wakati Yesu alipovuka tena upande mwingine, ndani ya mtumbwi, umati mkubwa ulikusanyika kumzunguka, alipokuwa kando ya bahari. ²² Na mmoja wa kiongozi wa sinagogi, aliyeitwa Yairo, alikuja, na alipomwona, alianguka miguuni pake. ²³ Akamsihi zaidi na zaidi, akisema, " Binti yangu mdogo anakaribia kufa. Ninakusihi, njoo na uweke mikono yako juu yake ili aweze kupata afya na kuishi." ²⁴ Hivyo alikwenda pamoja naye, na umati wa wanafunzi ulimfuata nao walimzonga karibu wakimzunguka. ²⁵ Wakiwa njiani wakienda kwa Yeiro. Kulikuwa na mwanamke ambaye damu yake ilikuwa inamtoka kwa miaka kumi na miwili. ²⁶ Aliteseka vya kutosha chini ya matabibu wengi na alitumia kila kitu alichokuwa nacho. Hata hivyo hakupata msaada kwa chochote, lakini siku baada ya siku hali yake ilizidi kuwa mbaya. ²⁷ Alisikia habari za Yesu. Hivyo alikuja nyuma ya Yesu wakati alipokuwa akitembea ndani ya umati, naye aliligusa vazi lake. ²⁸ Kwa kuwa alisema, "Kama nikiyagusa mavazi yake tu, nitakuwa mzima." ²⁹ Alipomgusa, kutokwa damu kulikoma, na alijisikia katika mwili wake kwamba ameponywa kutoka kwenye mateso yake. ³⁰ Na ghafla Yesu aligundua ndani yake mwenyewe kwamba nguvu zimemtoka. Na aligeuka huku na huku katikati ya umati wa watu akauliza, "Ni nani aliyeligusa vazi langu?" ³¹ Wanafunzi wake walimwambia, "Unaona umati huu wanakufuta, wamekuzunguka nawe wasema, 'Ni nani aliyenigusa?'" ³² Lakini Yesu alitazama huku na huku akimtafuta aliye mgusa. ³³ Mwanamke, akijua kilichotokea kwake, aliogopa na kutetemeka. Alikuja na alianguka chini mbele yake na kumwambia ukweli wote. Ni miminiliye kugusa. ³⁴ Yesu Alisema, "Binti, imani yako imekufanya uwe mzima. Enenda kwa amani na uponywe ugonjwa wako." ³⁵ Yesu alipokuwa akizungumza, baadhi ya watu walikuja kutoka kwa kiongozi wa Sinagogi, wakamwambia Yeiro wakisema, "Binti yako amekufa. Kwa nini kuendelea kumsumbua mwalimu?" ³⁶ Lakini Yesu aliposikia ambacho walikisema, alimwambia kiongozi wa Sinagogi, "Usiogope. Amini tu." ³⁷ Hakumruhusu yeyote kuongozana naye, isipokuwa Petro, Yakobo, na Yohana, ndugu yake Yakobo. ³⁸ Walikuja nyumbani kwa kiongozi wa Sinagogi naye aliona vurugu, za kulia kwingi na kuomboleza. ³⁹ Alipoingia nyumbani, aliwaambia, "Kwa nini mnahuzunika na kwa nini mnalia? Mtoto hajafa bali amelala." ⁴⁰ Walimcheka, lakini yeye, aliwatoa wote nje, alimchukua baba wa mtoto na mama na wanafunzi wake pamoja naye, na aliingia ndani alimokuwa mtoto. ⁴¹ Aliuchukua mkono wa mtoto na alimwambia, "Talitha koum," ambayo ni kusema, "Binti mdogo, nakuambia, amka." ⁴² Ghafla mtoto aliamka na kutembea (kwa kuwa alikuwa na umri wa miaka kumi na miwili). Na ghafla walishikwa na mshangao mkubwa. ⁴³ Aliwaamuru kwa nguvu kwamba hakuna yeyote anapaswa kujua kuhusu hili. Na aliwaambia wampatie yule binti chakula.